عصبية لبوه

البارت الثالث

السلام عليكم رجعنا من جديد وان شاء الله تكونو بخير واحسن حال وما اريد
اطول عليكم القصه هل نبدي
بس قبل لا نبدي 👇🏻

♡ (صلو على محمد وال محمد ) ♡

طبعاً مر اسبوع على طرد زينب من المدرسه وبهذا الاسبوع صارت اهواي امور منه انو الشيخ حسن اتبع حجي هناء وكام يدور على زوج لزينب بس من سبب صنعتهم السيء بمنطقتم رفض اي واحد يتزوجه لان زينب معروفه بالمنطق كلش وصوته يوصل لاخر جار اذا عصبت ويدرون بيه انه رافض الزواج بس ابوه يريد يخلص منه بده الشيخ يتعرف على عشاير جديد بس لحتى يزوج بنته او يخلص من مشاكله لان كل يوم تضغط عليه هناء وتكله زينب صاير السانه طولان وتراددني والمشاكل بالبيت ما تخلص بين هناء وزينب ومستمره طول الوكت والشيخ جزع من مشاكلهم

༺♡༻༺♡༻༺♡༻
(الظهر)

زينب / قعدت من النوم وغسلت وجهي ونزلت لجوه شفت ابوي قاعد على الكنبه ويشرب جاي وقاعد يمه الحيه ما همني ومريت من يمهم ورحت للمطبخ وما اسمع غير هناء الحيه قاعد تحجي عليه بلطالع والنازل بس ما اهتميت اله

هناء / شوف بتك حتى ما كالت صباح الخير كبل جفتت على المطبخ لا دراسه ولا شغل بس قاعد تاكل ابيتنه

ابو حسن / لا تكول عوفيه هي وجه مو مال خير علمود تصبح بالخير وشغله جم يوم ونخلص منه

هناء / ههه اي صدك شيخي تريد اصبلك بعد جاي او اسويلك شيء تاكله

ابو حسن / لا الحمدالله شبعت (وكام راح للغرفه)

زينب/ اجيت قعدت على الكرسي وبيدي لفه جبن وسوته عليه زقنبوت

هناء / نور وينج

نور / ها يمه

هناء / امس كملتي دروسج

نور / اي كملتهن وهسى راح اكتب عربي

هناء / اي حبيبتي درسي علمود تنجحين وطلعين مستقبل مو تصيرين مثل بعض البنات الي لا شغله ولا عمله قاعدات بالبيت مزهريه

نور /٠٠٠٠٠

زينب بنفسه / اني ساكت ومتحمل لان مالي خلك اسويلي عركه من الصبح

هناء / صح زينب بعد من تكملين لفتج كومي غسل الماعين

زينب ابرود / مراح اغسل شيء

هناء بعصبيه/ اغسليهن واحترمي نفسج لمن تحجين اوياي

زينب / ليش انت منو واحترم نفسي وثاني شيء اني مو خدامه عدكم واغسل الماعين