عصبية لبوه

البارت السادس عشر

ــــــــــــــــــــــــــــــــــــــــــــــــــــــــــــــــــ
| السلام عليكم 👋🏻
| اتمنى تتفاعلون على القصه اكثر
| ولا تنسوا التصويت ★ والتعليق 💬
| وصلو على نبينا محمد وال بيته الطيبين الطاهرين 🌹
ــــــــــــــــــــــــــــــــــــــــــــــــــــــــــــــــــ

الشيخ احمد / ركبت السياره ورحت لشيخ خالد وكمنه نحجي عن الشغل والمحلات وجان عنده جمعه عشاير حلينه كم مشكله ورجعت البيت بليل بعد ما تعشيت عد صديقي خالد لان لح عليه اقعد عنده اتعشه

رجعت للبيت ولكيت الباب مفتوحه استغربت وطبيت للبيت وسديته رحت
الصاله وشفتهم قاعدين ياكلون بس زينب مو وياهم رحت يمهم وقالتلي الحجيه اصبلك كتله لا تعشية عدهم وسالتهم وين زينب ليش ما نزلت تاكل اوياكم الكل سكتو وما جاوبوني لمن قامت دنيا
وحجت

دنيا / هاي مرتك صاير اطب وتطلع على كيفه ومحد دايرله بال راحت مدري وين ولسى مارجعت يجوز همات تبات عد بيت اهله

الشيخ احمد بعصبيه / وانتم اشلون اتخلوه تطلع من البيت

امل / خويه احنه ما شفناه طلعت لمن رحت اصيحله شفته مختفيه بالغرفه

الحجيه / يمه معليك بيه خليه تولي اني ازوجك احسن منه

الشيخ احمد بعصبيه/ طلعت من البيت وركبت السياره واني معصب واكول بلبي اخخ منج زينب فد يوم راح ترفعيلي ضغطي من مصايبج الي متخلص شغلت السياره ورحت البيت الشيخ حسن دكيت الباب وفتحلياه عصام كتله قبل هل يصيحلي الزينب اريد اخذه اوياي بس هو قالي زينب مو عدنا هسى يا شيخ

الشيخ احمد بصدمه / اشلون مو عدكم يعني ما اجتكم

عصام / لا شيخ هي لمن راحتلك بعد ما رجعتنه

الشيخ احمد / لمن قالي هيجي ما ضل براسي عقل رحت وصعدت السياره وشغلته وكمت ادور عنه بكل مكان بلكت الاكيه هاي البنت راح تخبلني بس لا صايرله شيء اتصلت بالشيخ خالد وكتله يلحكني واجه وحجيتله الي صار وقام يدور اوياي ما ضل شارع ما دورت بي عنه وبالاخير ما لكيته احس قلبي وقع قلت الاخوي يرجع لان تعبته اوياي بس هو ما قبل وبقى اوياي لحد ما رجعت للبيت وقالي راح ابات عندك بس اني ما قبلت وكتله يروح لمرته او اولاده لان تعبته اوياي وقنعته بالكوه يروح صعدت للغرفه حتى ارتاح ورحت نزعت المحابس والشماغ ولكيت ورقه محطوطه على الميز شلته وقريت المكتوب بيه

(الرساله)

السلام عليكم
شيخ اكيد انت لمن ترجع وتنزع محابسك وشماغك راح تنتبه الرسالتي الي جاي اكتبه اني راح اتاخر بالرجع لا تخاف عليه اني ما انخطفت ولا راح يصيرلي شيء انت ارتاح ونام ها صح ولا ادور عني مراح تلكاني اني بس اسوي شغلا او ارجع شوف تلكه بالمجر حبوب مال صداع اخذ منهن ونام او اول ما تكعد راح تلكاني يمك اوكه وانتبه على حالك على ما اكمل شغلتي وارجعلك وفي الختام من زوجتك الغاليه والعزيز على قلبك زينب