خيوط العشق المتشابكه

البارت الثاني

الضابط بعمليه: استاذ تيم إنت مقبوض عليك

تيم بصدمه: إيه... إنت بتقول ايه يا أسر

الضابط أسر بعمليه وحزن على صديقه فهو وتيم اصدقاء منذ الجامعه ولاكن افترقا بسبب اختلاف العمل: أنا آسف يا تيم بس انت مطلوب القبض عليك بتهمه سرقه اوراق ملكيه أكبر بنك في مصر وللاسف لقينا بصماتك هناك وكمان الكاميرا جايبه ضهر الحرامي وهو نفس هيئتك بالظبط..مع إن إحنا لسه متأكدناش ميه بالميه إن إنت الفاعل لاكن كل الأدلة للأسف ضدك

تيم بعصبيه:بس إزاي بصماتي موجود وأنا أصلا مكنتش موجود هناك ولا اعرف أي حاجة عن الموضوع ده أصلا

اسر:اسمعني يا تيم اكيد القانون مش هيصدق كلامك ده لان محدش هيقول على نفسه أنه الجاني..بس انشاء الله محلوله وأنا هعمل كل حاجه اقدر عليها عشان اطلعك من القضيه دي لاني عارف ومتأكد إنك معملتش حاجه

تيم بهدوء عكس ما بداخله:تمم يا أسر ده شغلك وأنا مقدر ده كوايس.. وأنا هاجي معاك لحد ما تتسبت برأتي...بس صدقني بعد ما تتسبت برأتي واطلع من الحبس مش هسكت على التهمه دي وهعرف اخد حقي كوايس من العمل كده

أسر بهدوء:بص يا تيم أنا اتكلمت مع اللواء المسؤل عن القضية دي وحاولت افهمه على قد ما اقدر إنك مستحيل تعمل حاجه زي كده واتفاهمت معاه على إنك متدخلش السجن إلا لما نتأكد إذا كنت أنت الفاعل ولا لا... وهو الحمدلله وافق.بس عنده شرط عشان إنت متتحبسش

تيم وهو يضيق عينيه وينظر له بحزر: وايه هو بقا الشرط ده

أسر بعمليه:الشرط هو إن هيتم الحجز على كل املاكك وكمان ممنوع إنك تسافر حتي بره المحافظه لحد ما الحقيقه تبان إذا كنت أنت الفاعل فهيتم محاكمتك طبعاً لاكن لو طلعت برئ فهترجعلك كل حاجه تاني ولا كأن حاجه حصلت

تيم بعصبية: إنت اتجننت يا أسر وكده هتفرق إيه عن السجن لما ابقا مشرد في الشارع... وبعدين أنا مش عارف القضيه دي هتاخد وقت قد ايه عشان تكمل.. يعني ممكن جدآ إنها تاخد شهور

اسر بهدوء: يا ابني افهم لو إنت متحبستش ممكن جدا إنك تقدر تثبت برأتك بنفسك وتدور على الشخص البيحاول يورطك في المصيبه دي..لاكن لو كنت محبوس مش هتعرف تعمل حاجه

تيم بتفكير: طيب ليه لازم عشان مدخلش السجن يتم الحجز على كل املاكي

اسر بعمليه:لان اللواء عارف إنك رجل اعمال كبير وهو طبعاً مش عارف إنت الفاعل ولا لا وخايف يكون إنت الفاعل فتستغل فلوسك ومكانتك عشان تطلع نفسك من التهمه بكل سهوله

تيم بهدوء عكس ما بداخله:تمم...بس أنا معايا وقت قد ايه عشان اسيب كل حاجه

اسر:معاك لحد اخر اليوم...وبعد ما تروح هيكون هناك عسكري هتاخد هدومك وهتسلم مفتاح البيت والعربية للعسكري ده