قــيود الحـب

Part1

    بقلمي:مـلاک.   

"ابتسامه مشرقه"

قــيـود الحـب.
2024/1/2
﹏﹏﹏﹏﹏﹏﹏﹏﹏﹏﹏﹏﹏﹏.

نيران:كعدت بـ6الصبح عندي امتحان رياضيات شهري نزلت جوه سمعت دعاء الصباح امي مشغلته حسيت براحه مو طبيعيه دخلت للمطبخ لكيتها دسوي ريوك.

ام نيران:صباح الخير حبيبتي يله تعاي هسه اصب جاي

نيران:صباح الخير ماما والله ماشتهي
لحت عليه وكعدت اكلت كم لكمه وكمت توضيت وصليت ورحت حضرت ملابسي كملت ولبست حجابي وكعدت اراجع امتحاني وره شوي اجه ابو الخط ودعت امي وطلعت
وصلت لدوام لكيت نجوم وريناد حضنتهن
ريناد:عيني صباح الخيرر
نجوم :صباح الخير ولج ولايكول لبارحه شاوفنه حيل مشتاقتلج
_ونبي اني هم
ريناد:منو قرت لرياضيات
نجوم:والله مال الزم المدرسه اشكها شكتين دخلت هواي مواضيع
نيران:اي والله اقره موضوع انسه الثاني كوه كملت وتوكلت على الله ونمت.
ريناد:يمعودات شكد قريت واحس ناسيه
نجوم:نيران عليج الله لتنامين على الورقه

نيران:بعد كلبي تخافين على ضهري
باوعتلي صفح وكرصتني ،عليج الله غششيني لصيرين حيوانه.
نيران:مو تدللين هاهيه حسبي نفسج راسبه من هسه

نجوم:ضربتها،شكد حقيره امشي ولي
_لا عمي هاهيه تدللين
بده الامتحان جان اول درس جنه اني ونجوم نفس المقعد وريناد كدامنه توزعت الاسئله وضلينه وحده صافنه بوجه الثانيه سميت بالله وبديت احل جانت الاسئله نوعاً ما سهله
خلص الامتحان
نيران:ها شونجن جاوبتن
نجوم باوعتلي صفح
نجوم:انتِ فد وحده
نيران:هاها لسانج لتحمين زايد
نجوم:والله حقيره اذا نجحت ابتر اديه
ريناد:اي اي صدكنه
نيران:عمي جذابه والله طردين عيون،والله لاسمعها تحل سؤال واحد يا يابه شسوي بيها
نجوم:اشكها شكتين
مر اليوم عادي ورجعنه للبيت
سلمت على امي جانت مسويه غده مقلوبه صليت وكعدت اكلت وصعدت لغرفتي سبحت وكبل نمت لان حرفياا تعبانه كعدتني امي قبل اذان المغرب
ام نيران:لج نيران صار المغرب وانتِ بعدج نايمه موزين يمه كعدي
_اي يمه هاي كعدت
_لج يمه موزين وهم كومي صلي وكعدي اقري
وطبعا شلعت كلبها يالله كعدت صليت وكعدت اقره
مرن الايام عادي........
اله بيوم من الايام كعدت تريكت وبدلت وكعدت اراجع بس ماجان عندي امتحان بوكتها
تاخر ابو الخط صارت ب7:32وماجه ستغربت تصلت عليه وكال سيارته عطلانه
هنا نجلطت وحرت شون اروح لدوام
كلت لامي وطتني فلوس وطلعت اخذ تكسي ماعندي غير حل لان ابويه بلشغل وباتر مريض ف ماداوم اذا اكعده يكوملي بلنعا*ل وتعرفون شونها الكتله من الاخ.
طلعت شكد ردت تكسي مالكيت  طبعا منطقتنه قليل بيها تكاسي وخاصه بهيج وكت
طلع واحد جيرانه ضخم لابس ماروني وبنطرون اسود اردف:
_صباح الخير خيتي محتاجه شي
دنكت وجاوبته
_لا سلامتك شكرا على سؤالك
_لعد ليش واكفه هنا
_ابو لخط ماجه كال عطلانه سيارته وحايره ويامن اروح وتعرف هنا قليل سيارات
_اي صح تجين اوصلج بطريقي عادي
_لا اخرك اني مدرستي*****خاف مو على طريقك
_لا قريب تعاي صعدي
نيران:صعدت بعد محاولات منه وكلش مستحيه لان اول مره احاجي هوه صح جيرانه بس مابينه اي كلام وجنت مطره لان ماعندي غير حل
وصلني وطاني رقمه وطلب مني اذا احتاج احد يوصلني مره ثانيه اتصل عليه تشكرته ونزلت.
وشفت ريناد ونجوم حضنتهن
ريناد:ها لج شو متاخره ليوم
نجوم:اي بلعاده تجين من وكت واذا اخذج لواهس تجين تفتحين لمدرسه بدال الحارس
نيران:يمعودات متدرن شصار وياي عود بعدين اسولفلجن.
نجوم:احجي شبيج
ريناد:خوماكو شي شبيج ولج
نيران:ابو الخط تأخر خابرته كال سيارتي عطلانه وحيرني ماعندي احد يجيبني
ريناد:وليش وين باتر الصاكك مصكصك
نيران:ايا ادبسز عوفي لولد بحاله نايم مريض شحاله
ريناد:لج ولا يكول اخوج صاك مصكصك انتِ زركه
نجوم:اتفق
نيران:يا حقيرات شبيه غير اسطر لواحد بجمالي سكتن تغارن.
خلص الدوام واتصلت على ابويه يجي ياخذني واجه جان توه راجع من شغل وووو...

━━━━━━━━━━━━━━━━
حُر:كعدت تريكت وبدلت تشيرت ماروني وبطنرون اسود وحذاء اسود كملت وتعطرت ومشطت وطلعت لكيت بنيه جيرانه واكفه وكاعده تأفاف صح هواي اشوفها بس ولا مره حجيت وياها وهاي جانت اول مره.....
حُر:صباح الخير خيتي محتاجه شي
اردفت
نيران:لا سلامتك شكراً على سؤالك
حُر:لعد ليش واكفه هنا
نيران:ابو الخط ماجه كال سيارته عطلانه وحايره ويامن اروح وتعرف هنا قليل سيارات
حُر:اي صح تجين اوصلج بطريقي عادي
نيران:لا اخرك اني مدرستي*****خاف مو على طريقك
حُر:لا قريب تعاي صعدي
بعد محاولات صعدت
وطبعا كلش عجبني ادبها وجمالها بلبس المدرسه
طول طريق ساكتين وقبل لتنزل عرضت عليها رقمي وكتلها اي وكت تريد احد يوصلها اني موجود تشكرتني وراحت ورحت لدوامي جانت الكليه مو بعيده كلش وتاخرت على اول محاضره وضليت طول ليوم بالي شارد وافكر بالي صار .... اردف لهيب
لهيب:هيووو وين صافن ولك
حُر:هيووو بعينك ماصافن
دائب:غمزتله ،علينه احجي شبيك
اشهب:صار ساعه نحجي وبالك مو يمنه ابد
حُر:لا يمكم كملو
لهيب:اي سالتك تروح لو لا
حُر:ليش وين شنو منو؟؟
اشهب:ويكول بالي وياكم
دائب:احجي وين جان بالك وماكول لاحد
حُر:حجيتلهم الصار
لهيب:ابن***وكعت ومحد سمه عليك
اشهب غمز
اشهب:ها لك حبيتها
دائب:احجيييي
حُر:نجبو لا حبيتها ولا شي مجرد موقف عادي صار وسولفته لتمضرطو*ن
دائب:اي خوش صدكنا
اشهب:اي اي عوفو شباب خلص صدكنا ماحبها
حُر:كافي تمسلت واحجي لهيب وين اروح
لهيب:ولك عرس ابن**** الخميس الجاي ومعزومين.
حُر:ها على خير هذا شوكت كبر
دائب:جا بس انتَ تكبر؟،باوعلي صفح واردف
حُر:مو اشوف انتَ هواي تمسلت
دائب:يله عمي سكتنه شحجينه
لهيب:اي ماكلت هسه تروح لو لا
اشهب:ماعتقد يروح
دائب:واني هم
حُر:باوعلنه بنضره،شنو متربعين بعقلي ؟
حمحم دائب وكال
دائب:لا حبيبي انت متربع بعقلك مطـ*ي مو احنه
حُر:جا انتو شنو؟
لهيب:حيتعاركون يعني بده فلم توم وجيري
اشهب:نجيب شاميه ونجيكم يله كوم لهيب
حُر:ضربته:نجب واكعد بلا هل تمسلت ،مالي خلك ماروح
لهيب:لا عليك الله نتونس وندبك لصبح
اشهب:تموت عل دبك ولتمركص
لهيب:شون لعد،يله حُر شبيك منتاخر
دائب:لا ابد منتاخر هيه على كولتك لصبح ندبك ونرجع منتاخر
اشهب:اتفق
حُر: خوش عود اشوف
دائب:اخخخ ياعنادك
...مر اليوم وصلت للبيت قبل مادخل شفتها نزلت من سياره جايه ويه ابوها باوعتلي وكبل دخلت للبيت ومرت ايام وبعد ماشفتها،وبيوم من الايام رجعت من الدوام واتصل عليه دائب ووووو..........

يــتــبـع.........

ورداتي رايكم بلبارت؟

لتنسون التصويت♡.