قــيود الحـب

Part8

‏ صوتها يبعثِرُ اتزاني
صادفتُ ضحكتها ذات نهار
ومن يومها قلبي لم يرَ ليلا

ʚقــيــود الــحــبɞ

ريناد:بعد ماريدجن
نجوم:شقصدج
ريناد:نكطع علاقتنا ماريد صداقتجن!!

ريڤانا:صدك تحجين ليش
نجوم:شسوينالج اذيناج بشي

نيران:بدون اي تفكير،الله ومحمد وعلي وياج على راحتج،حته بدون ما اسالهاا عن السبب👍🏻.
درت وجهي ونزلت ضليت وحدي وضلن ريڤانا ونجوم ويه ريناد ويحاولن وياها حته بصلحن كلشي بس اني لو ترجع هيه بنفسها تعتذر ماريدها ولا اكلبها مو لعبه شوكت متريد تجي وشوكت متريد تروح....!
نجوم:ماقبلت شكد حاولنه كول ماريدجن
ريڤانا:مدري شبيها
نيران:يمعودات هيه متريدنه شكو نلزكلها براحتها
مرت الايام شكد نشوف ريناد وتشوفنه بس صرنا "غربه"محد عليه بثاني هيه الجابتها النفسها لان احنه ماردنه الها اله كل خير". حبيناها وهواي نصحناها وماردناها تغلط ردناها بالصح وخفنه عليها وهيه تضايقت من هل شي وراحت،كلمه الحق متعجب،صح احبها وحيل احبها واعزها بس ابد مضجت اذا ترتاح بدونه ف خلص احنه شنريد قابل
مرت ايام عاديه واحداث عاديه...
واجتي امتحانات اخير السنه....!

اول يوم امتحان
كعدت بـ4سبحت عل سريع وتريكت ريوك خفيف وبدلت وكعدت اراجع بـ5 صارت بـ7لبست حذائي وطلعت انتضر حُر بس لكيته منتضرني بالسياره

صعدت ،حُر:صباح الخير
نيران:اممم صباح الخير حُري
التفت واردف
_شنو عيدي؟
_صباح الخير ،اي شلونك اليوم
_لتستلوتين عيدي شكلتي
دنكت وعدت
_صباح الخير حُري
_كل الخير انتِ ناري"
_يله لنتاخر
_تدللين،قريتي زين
_اي الحمدلله بس حيل متوتره وخايفه
_خايفه من شنو بابا مدام قاريه اهدي واقري آيات وحلي على كيفج عندج وكت وانتضرج منا لباجر .
_تمام نشاءالله
_وصلت التفت الي وصاني اهدي وميحتاج اخاف مدام قاريه والله ميضيع تعبي وصاني على ادعيه اقراهن ونزلت دخلت للمدرسه شفت ريڤانا ونجوم ،وريناد شفتها واكفه بعيد
نجوم:عافتنه بدون سبب
ريڤانا:اي مفروض تطي سبب!
نيران:اووو كافي ختولي هيه الخسرتنه احنه منتعوض
ضلينه نراجع للامتحان بس ريڤانا مو ويانه هيه رابع واني ونجوم خامس «للتذكير»

دخلنه للامتحان
ولحسن الحظ اني ونجوم نفس القاعه وضلينه كل شوي وحده تباوع لثانيه ماعرف ليش المهم سميت بالله وقريت الادعيه الوصاني عليهن وبديت احل خلص الوكت والكل خلص واني بعدلي سؤال وزاد توتري وخفت بس سميت بالله طوني شوي وكت اضافي حليته  الحمدلله كملت وسلمت وطلعت فرحانه لان حسيت مجاوبه ،طلعت لكيت نجوم وريڤانا واكفات يسولفن ويضحكن عرفت مجاوبات
_ها عيني شصخمتن
ريڤانا:هواي كتبت وكله تأليف من عندي اصلا
نيران:العب لا ربحنه
نجوم:جاوبت وعلى الله
نيران:اكلج سؤال رابع فرع ب هذا مال****** شجاوبتي
نجوم:صفنت واردفت،والله نسيت
نيران:لا هاهيه ناجحين ميايهه واضح امشن ولن خنطلع
طلعنه وحُر بعده ماجاي ولبنات خطوطهن هم ماجاين
ضلينه واكفين بلباب ونسولف ونضحك حدما اجه استاذ حُر ودعت لبنات ورحت
صعدت وكاعده اسولفله على الامتحان وهوه مندمج وياي وابد ماقاطعني ويشارك وياي الحديث وهذا الاحبه بي"
وصلني للبيت وراح ثاني يوم ماكو متحان لان عكبه عدنه رياضيات ومخليلنه كدامه يوم نمت ساعه وكعدت اقره رياضيات وكضيتها محاضرات واحل حدما اجه يوم الامتحان وجان يوم عادي وهم جاوبت مرن ايام الامتحانات واجه اخر يوم......!
جان عدنه انكليزي اخر يوم مدام انكليزي مراح نقصر بالتچفيص"
ضلينه نراجع للامتحان وريڤانا جان عدنه فيزياء
كملنه الامتحان واسولفلكم شكد چفصت
اخر امتحان ف اني جايبه تلفونيي طلعنه من الامتحان وحُر بعده ماجاي طلعت تلفوني وتمشينه لشارع دخلنه لمجمع شترينه كم شغله وكعدنه نصور "خبالات" صورنه كومه فديوهات وصور حدما اجه خط نجوم وراحت وراها اجه خط ريڤانا واني اخر وحده
_مساء الخيرر
_هلا بيج عينااي ،اي سولفيلي لضلين ساكته شصار مصار ليوم شونج بالامتحان
_زينه الحمدلله،كعدت اسولفله شسوينه اني ولبنات وكعدت اراوي التصويرات وخبالاتنه.
اني واسولف اردف