انـتَ اعـمق هـاويه رمـيت نفـسي بهـا بـلا خـوف
The writer:Malak...
※※※※※※※※※※※※※※※※※
خابرت دائب يجي عليه اجه وصعدت ويا وضليت اسولفله شسوينه واشصورنه وراويته صور هم وفديوهات
حدما وصلنه وشفت اهلي ديتمشون ناحيه باب البيت
دائب:باوعتلها وشفتها دمعت وحقها صعب المرت بي تاذت وهل اذيه من منو؟؟من اهلها لزمت ايدها،لتبينين ضعفج اني وياج دائما دربالج تبينيلهم كسرتج دخلي وشتحجين اني وياج لتقهرين بنفسج كافي دموعج حركتني
ريڤانا:قويت لزمتي على ايده وكلامه طاني قوه ورتاحيت واستبدلت الدموع بضحكه ونضرات بارده" وتقدمنه ناحيتهم ،التفتوو
ام ريڤانا:هلا يمه شلونج
ابو ريڤانا:شلونج ريڤاني حبيبي يله جينه ناخذج
ريڤانا:ضحكت بصوت"تاخذون منو؟؟ولعدين انتو منو
ام ريڤانا:اهلج شبيج بنيتي لسوين هيج جينه نرجعج نريدج
ابو ريڤانا:مشتاقيلج
_كلتيلي بنيتي والله زين منسيتوني وتعرفون عدكم بنيه باوعو كلش زين مارجع وياكم لو تكلبون دنيا شسون رحو سوو اني بيت زوجي واليجي يخطي لباب هل بيت ميلوم اله نفسه تمام كافي طيحتو حضي والسويتو مو قليل عيفوني ارتاح عاد ماكفاكم السويتو وجاين تكلولي بنتي؟؟ وجيتو تاخذوني؟؟وبأي وجه جاين منكم اطم نفسي على سويته ،وبعدين شتكلي بابا كتلي مشتاقيلي "ضحكت"مشتاقيلي لوو مكدرتو تحلون مشكله ابنكم السواها وكعتوني بيها واني مالي ذنب من الاساس؟؟؟
مكدرتو تحلوها وجيتو ترجعوني لان مشتاقيلي لو لان تردون تودوني فصليهه وطمطمون لابنكم؟؟؟ ها جابوو شو اشوفكم سكتوو،من ليوم انسو عدكم بنيه اسمها ريڤانا روحو خيفيدكم ابنكم ماريد اشوف وجهكم ابد ابد...
دخت ورجعت ليوره...
دائب:لزمتها واردفت بخوف،كافي اذيتي نفسج ماقصرتي عيفيهم لتعبين نفسج اكثر ميفيد مجرد تزيدين قهرج وتدهورين صحتج،اخذتها ودخلنه للبيت سلمنه على اهلي
ام دائب:شصار بره شبيها تصيح ريڤانا
دائب:كلبي صعدي ريحي نفسج هسه الحكج
_تمام،صعدت وضليت كاعده وصافنه وافكر بلصار وكمت اخذت ملابس ودخلت اسبح وابجي بجيت بجي مو طبيعي كملت بدلت وطلعت لكيته كاعد دنكت وتوجهت لجربايه حته انام، لزم ايدي
دائب:سولفت الاهلي على الصار
ام دائب:والله مادري شنو من اهل ذوله
أنت تقرأ
قــيود الحـب
General Fictionتعديت كل المراحل بحبك وصلت للادمان واصبحت مقيده بحبك فهل سانجو؟.
