الامر سيء ومُعقد لكن سيتصلح كل شيء".
"قــيـود الــحـب"
━━━━♡♡━━━━
نيران:خلص الدوام اتصلت على ابويه يجي ياخذني واجه وجان توه راجع من الشغل.
نيران:مساء الخير شلونك بابا
_هلا يابه الحمدلله على الله وانتِ
_والله الحمدلله،شعجب لسا ماصلح سيارته؟
_والله كال بعد ماكدر اجي عليها وحاير منو يوديج منا وجاي،الصبح منو اخذج
_شسمه الصبح هذا جيرانه بيت****ابنهم الجبير
شافني واصر يوصلني
_خير نشاءالله،الحمدلله الله سهلها ليوم اروح اتشكره ماقصر.
سكتنه فتره واردف:
_بس منو يوديج ويجيبج ماعدنه احد ثقه
_والله بابا مادري انت دور واني هم حشوف بنات وياي بلدوام بلكت اكو مجال بخطوطهن.
سكتنه حدما وصلنه نزلت من سياره ولكيت كدامي الي وصلني الصبح حسيت بشعور ماعرف افسره درت وجهي ودخلت للبيت سلمت على امي وباتر جان ممداوم لان مريض وكلت لامي ماشتهي اكل وصعدت سبحت وصليت ونمت كعدت العصر جان اليوم خميس ف نزلت جوه سمعت امي مشغله دعاء كميل حسيت بتفائل وراحه مو طبيعيه.
اردفت امي:
ام نيران: مساء الخير حبيبتي، نيران روحي صعدي لاخوج كليله يروح على رياحين يجيبها من بيت جدج .
نيران:صار امي
صعدت دخلت للغرفه كعدته كعده طبيعيه بدون "خباثه"
صرت اهز بجسمه واردف:
نيران: لك الحك الحككك لك باتر كوم كومم يبو فاضل لك كوووم الحك صخام ولك كووووم
فز مخروع
باتر:لج خرب عشيرتج شكو شبيج منو مات
حجيت بغرور حته انرفزه
نيران:عشيرتي هيه نفسها عشيرتك هاي اولااا ،ثانيا امي تكول روح انت ونيران جيبو رياحين من بيت جدي واخذهم للحديقه
باتر:عمي البس حجاب واكعد ويه نسوان اذا امي صدك كايله اخذج وياي ،بس امري لله اخذج وياي والج 5دقايق الكاج بلباب
ضحكت وكعدت يمه واردفت:
نيران:اصارحكك
باتر:خيررر
نيران:انت احسن اخو واني حيل احبك متتصور شكد احبك محد يحبك كدييي
باوعلي صفح واردف:
باتر:باعي تبطلين لواته وتكومين من يمي ترحين تبدلين لا الزكج بدفره
نيران:اوي شكد عنيف ،هسه اشتكي عليكم اكلهم اهلي يعنفونييي
لزم اديه وضل يباوع بيهن اردفت:
أنت تقرأ
قــيود الحـب
Fiction généraleتعديت كل المراحل بحبك وصلت للادمان واصبحت مقيده بحبك فهل سانجو؟.
