قــيود الحـب

Part4

"وقد خفق صدري وتاه قلبي في بحر عيناها
ف والله ماعشت يوما دون ذكراها
ف هل للميت ان يعود
وهل للعاشق ان يشفى"

꧁قــيــود الــحـب꧂
♡٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭♡

ضليت افكر وضل بالي يمها خاف بيها شي،

لحدما طلع الدكتور واردف: ليضل بالكم مجرد ضغط وسكر وجانت حالتها خطيره بس الحمدلله تجاوزت

حسيت براحه مو طبيعيه وتشكرت ربي
_ماشي دكتور هسه هيه كاعده
_اي اذا تحب ادخل شوفها
_تمام
ايڤ:شوكت نكدر نطلعها
_تكدرون هسه اطلعوها
ايسر:الحمدلله شكرا دكتور
_ولو واجبي

دخلت يم امي شفت حاطيلها مغذي وكاعده  تقربنه بوسناها من راسها وايدها
_الحمدلله على سلامتج نور عيني

اردفت بصوت متعوب :
_حبيبي ماما الله يسلمك
اردفت ايڤ هيه وتبجي
_والله خوفتينه عليج خفت نخسرج مثل بابا
ايسر:يمه شوصلج لهل حاله
_والله مادري كمت احضر العشه ماحس اله دخت وماذكر شي ثاني
_يلا كافي خلوها ترتاح مريدها تحجي
ايسر:يله خنرجع للبيت ترتاح اكثر هناك
ايڤ:اي صح يله حُر
حُر:يله جيبلها كرسي ايسر واني وايڤي نسبقكم لسياره
_تمام
صعدنه وتوجهنا بطريق وصلنا للبيت رجعنه كبل نمنه لان حيل تعبانين
كعدت الصبح لدوام سبحت وصليت ولبست تشيرت اخضر وبنطرون اسود وحذاء ابيض ومشطت وتعطرت
نزلت جوه سويت ريوك تريكت واخذت لامي

حُر:يمه يمه حبيبتي حروح لدوام كومي اكلي شويه حته تاخذين علاجج وميضل بالي
ام حُر:والله ماشتهي خليها بعدين
حُر:ميصير امي ليش تخلين بالي اروحلج فدوه كومي اكلي كم لكمه حته تاخذين علاجج
عدلت كعدتها وماخليتها تاكل كعدت اوكلها وطيتها علاجها
حُر:يله ماما رجعي نامي اني حروح لدوام
ام حُر:ايڤ وايسر وين
_ايسر هسه راح يطلع للكليه وايڤ اجه لخط عليها
ام حُر:خير نشاءالله يله لتتاخر دير بالك على نفسك حبيبي
_اي شي تحتاجي تحسين نفسج موزينه امانه اتصلي
ام حُر:ماشي حبيبي ليضل بالك

بوستها وطلعت و.....!

⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰⁰
نيران:بابا جا مالكيتلي خط

ابو نيران:والله شكد دورت مالكيت
نيران:لعد شلون باجر منو يوديني
ابو نيران:باجر اني اوديج والايام الباقيه نشوف

طبعا باتر ورياحين نفس الخط بس ماكو مكان اروح وياهم .

رحت كملت دراسه صارت بـ11:43 نمت لان حيل نعست وهم لازم حته اكعد مصحصحه .
كعدت الصبح وكعدت ابويه صليت وبدلت مشطت ولبست حجابي وتعطرت وتاكدت انو مناسيه شي ونزلت.
_صباح الخير عيوني