صدفتي المفقوده

بـارت ٣

السـَلام عليكم شلونكم حبايب گلبي 🤎.

مَرات أگولن گضت چم يوم وتعَدي
ومَرات اريدن دَرب للمگبره يوَدي
_________________________________
بيتنه أخر ذكرى .
طفولتي .
أمي بهَل مكان جانت تكعدني وتوكلي .
أبويه بهل مكان جان يلعبي .
أنمحت هل ذكرى مِن هل بيت .
بقى بَس بگلبي ..

رحت أركض والناس مخبوصه تطفي بالبيت .
البيت صاير فحم أسود .
أركض منا ومنا حتى نطفي .
بَس ما طفه جنه نار گلبي .

أجت الاطفائيه يطفون بي .

أخذتني رجليه على الرصيف
كعدت وحيطت أيدي على خدي .

الفلوس الجنت أجمعهم حتى أروح بيهم الاهلي أحتركن .
مسحت دموعي بسرعه .
طلعت الفلوس إلي بجيبي تكفي بس روحه ورجعه متكفي .

ضلت الناس تتحمدلي على السلامه .
الشارع صار هدوء عكس مساعه .

جان البيت بي روح بَس حيل أسود ومصخم

طبيت للبيت كُل ذكرى .

أمشي وأشر بيدي هنا مِن أنتضرت أمي .
هنا مِن أبويه يشجعني أقره .
هنا مِن ماتت أحلامي وأيامي .

_مالي قسمه بكُلشي بقت على البيت .

عفت كُلشي ورحت للشارع العام أخذ سياره حتى أروح للنجف .
باوع بهدومي بيها تراب مال الشغل نكتتها بيدي .
صعدت للسياره وغفيت بيها من التعب فزيت من كال :- أبني وصلنه وين أذبك؟

_ ها خويه رحم الله والديك هنا نزلني .

هز راسه وطبك على صفحه نزلت ورحت أتمشه للامام علي عليه السلام .

طبيت أتوضيت وأتجهة أصلي .
قريت دُعاء الكساء وكمت للمكبره ..

أخذتني رجليه وهيَ تركض .
بقيت هواي أمشي حيل هواي .
ضليت أدندن بقصيدتي