صدفتي المفقوده

بارت ٥

مامرتاح
سأكت
والسوالف
بيةَ
مال
صياح!
____________________________________
ريماس

كاعده على التلفزيون وأحس ملل كُلش
البيت حيل متوتر مِن وره مُنذر إلي لا يقبل ياكل ولا يشرب

رحت للمطبخ أشوف أمي
وكعدت أسمع لكلامهن

إيڤال :- يُمه معقوله رأجس ميندل مُنذر؟

أم لطيف :- علاقتهم يكول صارلها اشهر بس جان دائمًا مُنذر يروحله

إيڤال :- الله يصبره ويصبرنه أي والله

ضليت ساكته رفعت رأسها امي وكالت :- رايحه اوديله اكل بلكت الله .

هزينه راسنه وطلعت لـ مُنذر

كعدت أحجي ويا أختي بصوره عامة سوالف أجيب وسوالف تودي .
فجأه!!
وجهه تغير وكامت ركض للحمام

ريماس :- يمعوده شبيچ؟؟؟؟؟ شو باوعيلي؟؟؟

مستمره تتقيء
وجهه تغير صارت ليمونه .
رحت ركض لغرفة مُنذر طبيت جفت .
همَه كمزوا بسرعه كُلت :- إيڤال مدري شبيهااا؟؟؟؟

طلع مُنذر ركض وأمي ورا .
طلعت إيڤال للغرفة ونومناها

ريماس :- يمه شبيها؟ ليش ما خليتي مُنذر يأخذها ؟؟ .

أم لطيف :- مابيها شي كومي يم الجهال .

هزيت رأسي الها وطلعت .

____________________________________
روسم .

كُلشي تغير .
صَرت ما أهتم وأردها ألها ..

كاعده أني وعذراء مرت أبوي .
أندك الباب كامت تتموع غميتها ودرت وجهي .

سمعت صوت ناس !!!
رحت أشوف ؟ .
لكيت خواتها جايات وهيَ متونسه
شافني وطبيت جوه مالي خُلكهن .
رحت بوجهي الغُرفة رأجس .

صار صوت ضحكهن العالي .
ضليت اغلط عليهن بگلبي .
حطيت رأسي على المخده وسحبت رجلي .
دموعي نزلت .
مجهوله حياتي !!!
معَقوله راح أكمل وياهم !! .
رأجس راح وخلص ..
شوكت دوري !!.

نفطت الافكار مِن رأسي .
أنفتح الباب .

عذراء :- مدكومين؟؟؟؟ خواتي أجن .

روسم :- شسوي أطكهن بهلهوله ؟ .

عذراء :- تعلمي الاخلاق وكومي يلا .

روسم :- سدي الباب وراج وأطلعلي .

هزت رأسها بتهديد .
ضحكت على شكلها مصدكه نفسها ؟؟؟ .

لملمت نفسي وكمت .
تجيت رأسي على الحايط .
الى متى راح اكون هيجي ؟؟!

نفتح الباب ولمحت أحمد .
أبتسمتله ورد الابتسامه .

أحمد :- شعجب مكاعده يمهن؟؟ .

روسم :- مالي خُلك أحد .

أحمد :- ليش شبيچ ؟ .