صدفتي المفقوده

بارت ١٠

الكاتبة :- رُقيه الـ مُحمد ..

مُشاهدة مُمتعة ..

_ رحنه ركض وشفناهااا
بالكاع والـ دم ينزل من رجلها .. ضليت الطم على رأسي شسوي؟؟
تقربت يمها وكمت اعيط بصوت عالي حتى يجون التموا كُلهم وهيَ روحها شايطه وتكرر جُملة

_ رأح اموت ماما

إيڤال تلطم على راسها وتشيل بيها وتوكع بالكاع ركضت أمُي لبست عبايتها وطلعت رجعت اسد الباب وإيڤال شايله روحها وتركعها بالكاع ركضت عليها روسم تكمش بيدها تسكتها
رحت بصفها كومناها وطبينه جوه
ضليت كاعده صافنه وكمت بسرعة اخذت الجهاز ادك على الولد ..
يرن جهازكم ومحد يفتح ضليت اغلط عليهم واحد واحد .

وكف إيڤال وتسحل بروحها وكالت .
_ دُكي على رجلي بسرعة راح اموت بسرعة

دخلت روسم بيدها مي وتسكت بيها
اخذت منها تلفونها ودكيت علي
اول مره ما رد ثاني مره كذلك كُلت هاي اخير مره حض يا نصيب
فتح خط ..

_ السلام عليكم

_ وعليكم السلام ، شكو خويه خوما إيڤالي بيها شيء !

ريماس :- لا لا مو إيڤال

_ لعد ؟

سكتت لدقايق عاجزه احجي شكُله ؟ بنتك لكينه برجله سجينه
لو شكُله ؟؟؟ ضليت الوب بمكاني ماعرف شكول كُلت خلي احجي وشيصير خلي يصير تاليها يعرف

ريماس :- شسمه أيناس أيناس

عاط بصوت عالي
_ شبيهااا شبيهااا احجي !؟؟

صارت غصه بلعومه ونفتح الباب وكفت ساكته
اخذت إيڤال مني التلفون ونترت بدموع

إيڤال :- تعال الحك بسرعةةة لتسأل الحككك

سد الخط بوجهه وهيَ نزلت على رجلها تشهك وتردد
_ هاي روحه هاي يموت اذا يشوفها هيچ ريماس يموتت

اتقربت يمها وسحبتها الحضني ابوس براسها
وهيَ تشهك ما سكتت عيونها أنفخن من البجي

ريماس :- كافي ياعيوني إنتِ مابيها شيء والله باعيلي شبيچ مابيها ترجع زينه والله

شهكت بصوت عالي وتهز براسها أي
كمت شلتها ونومتها على الجرباية
انفتح الباب ودخلت روسم بيدها كلاص عصير وكالت

روسم :- شربيها عفيه لان هبطت

هزيت راسي وحطيت مخده وره ظهرها
وتقربت روسم تشربها وهيَ منتهيه

روسم :- ليش تبجين وتموتين روحج ليصير بيچ شيء
أكيد تكوم بسلامه وروح امي

ريماس :- إيڤال كافي شهل سوالف من اول شيء وكعتي لازم إنتِ تسنديها ودكليلها مابيج شيء راح تصيرين بخير

ساكته تستمعلنه وصافنه بالمجهول
وتهز راسها ويا كلامنه
اشرتلي روسم حتى نطلع هزيت راسي وتقربت بستها بخدها وطفيت الضوه وطلعنه