صدفتي المفقوده

بارت ١٢

السلام عليكم .

بحزن جيرانكم چنت ألبس نگابين
وانتَ بموت اهلنا وجايني معطر

_________

درت وجهي بسرعة حط كلنس على خشمي
روحي راحت احس اختنكت اريد اتنفس ماكو !!!!
غمضت عيني بعد ما حسيت بشيء ...

فتحت عيني .
أحاول أشوف .
رفعت رأسي إلي فوك حتى أركز ماكو ؟ .

يا مُعين أعني يا مُعين أعني .
حسيت وشه بأذنه ماكدر ياعلي .
حطيت أيدي على أذني واردد

_ نحنُ معاكم بالموت يا بني هاشم ..

حسيت الوشه رأحت .
رفعت أيدي أعصر بعيوني حتى تنفتح ماكو !!!

ضليت سادته وشويه شويه أنفتحت
وضحت الصوره عندي
كمت بسرعة من المكان إلي أني بي

أعصر براسي عسا ولعل أذكر شجابني لهنا ؟؟؟
منو الراح يطلعني مِن هل جكيم ؟
معقوله أبقى هنا ..

جريت حجابي ولفيته
اباوع بالكاع المكان بي تراب وبالزوايه اشياء قديمه وكأنُ مخزن
أتجهة للباب ادك بي واعيط

_ افتتتحوووااااا البابببب يا ناسسس يا عالمممممممم
افتحووا راح اموت والله احد يساعدنيييييي

_ اغثني يااا مهدي اوكفلي يا مهدي .

ضليت أرجف والطم على روحي
الغرفة بيها ضوه أصفر ولو يشد حيله يطفه وتصير ضلمه .

رجعت للزاويه الطم على راسي
وين انطي وجهي ؟
واذا متت محد يدري يذبوني بالجوله
بسلا اموت بدون صلاة ؟؟؟

ضليت أون حسيت ضهري كام يوجعني حيل
من الوجع كمت ابجي بصوت عالي .

_ ساعدوني عليكم خدر العليله ساعدوني
لكن لا حياة لمن يُنادي .

دمعتي على خدي ما فاركتها
وجنها دكول المسيه مالج مفره مني شبعي دموع ريماس .

حطيت راسي على حديده
صايره مثل السرير لكن مكلوبه وصايره الحديده بصف راسي
عيوني على السكف أحسب منا للـ ١٠٠ وارجع أعيد من جده وجديد
حتى أمشي الوقت ..

حسيت عيوني كامت تأذيني من كد ما بجيت .
مسحتها بشالي ونفتح الباب .

حاولت أركز ويا هل شخص لكن
ذره ما طالعه من وجهه
حذر حيل وما طالع منه شيء
واكف وكانُ يباوع
دخل ورا شخص كذلك مثله

أخذ منه الصينيه وشمرها عليه .
جرني من شالي وهمس .

_ أكلي هواي وراج تعب

شجعت نفسي وكأني ما خايفه
سحبت شالي منه وعطت

_ لا ورايه حايط .
مو تعب .

طلعوا أثنينهن وسد الباب حيل
كعد يسركي الباب كمت احسب كم مره سرگا
يمكن أكثر من خمسه ..