صدفتي المفقوده

بارت ٦

الكاتبة :- رُقيه ألـ مُحمد .

أعطيتُكَ سَيفي لأريك وفائي
فَمالي أرى سَيفي املأه دِمائي

مُشاهدة ممُتعه ،

روسم ،

رفعت رأسي للحايط وكمزت

روسم :- دخيلك يا علي دخيلك

بزونه سوده وأكفه على الحايط تباوع ..

روسم :- عفيه روحيي مو وكعتج روحيي .

واكفه تباوع  بأستمرار

_ انتِ شنو؟؟ متخافين دوليي يلاااا

أبدًا ما تحركت ..
نزلت الم طابوك من الحديقة .
أشمر عليها واكفه !!!

روسم :- دخيلچ يا ام البنين .. ولي لج شكو هنا؟؟؟ توزيعاتت ؟؟؟

رحت أجيب نعال واشمر ..
خلصن النعالات يلا راحت ..

روسم :- امداج يالعوبه هسه شويديني اجيبهن؟؟

وكعن على بيت رأجس القديم ..
وكُلت الصبح اروح هسه دنيا ليل واخاف ..
فتحت الباب بهدوء والدنيا ضلمه ..
رحت ركض عند أحمد انام .
دحست روحي بصفه ونمت ..

________________
رأجس .

أسمع صوت الـ دندن مالتها
أبتسمت على صوتها جنها مطيرجي ..
فجأه !!!!

عاطت رفعت راسي لكيت بزونه بأتجاها .
نزلت بالكاع فحطان من الضحك
ضلت تحجي عليها وتعيط

ممعقوله هاي صاحيه!!
رجعت المكاني على الحايط .

ما حسيت غير مداهمه مال نعل صارت فوك رأسي .
لا اكدر اكوم !!! وانركع
ضلت تشمر حلالها الجو .
الحد ما راحت البزونه يلا كعدت

رأجس :- هسه اذا اشمرها عليها اخليها تكمز بهل ليل احد يكُلي ليش؟؟؟

صار هدوء
حطيت الجنطه بالكاع ونمت عليها
ضليت اتأمل السماء
فكره تجيبني ، فكره توديني .
ماعرف وين راح أصفه؟

الحد ما وكف تفكيري بيها !!! .
شلون خجوله .
ومن تشوفني خدودها كُبل ينكلبن حُمر .
انتبهت على نفسي أني اتخيل ومُبتسم ؟!

رأجس :- اصحه حبيبي رأجس مو وقت تفاهتك .

حسيت بنفسي ما جايني النوم ..
لملمت غراضي وكمت للمكان إلي اجه بالي
ضليت كاعد بي انتضر النهار

طلعت روحي يلا طلع الصبح
سمعت الباب أنفتح رجعت إلي وره .
ضليت اباوع .
صعد سيارته وكانما ماكو شيء

انطلق بسرعه
اختفه من المنطقه
طفرت بسرعه على بيت ابو احمد
واخذت الدراجه بهدوء وكُل خطوه كنت بيها حذر ورحت بسرعه

غطيت وجهي بالثام وحطيت كلاو القمصله على رأسي
ضليت اتبع هل سياره لكن من بعيد
حتى ميشك .