𝗙𝗢𝗥𝗘𝗩𝗘𝗥 𝗹𝗼𝘃𝗲 𝗬𝗢𝗨 🙊❤️ [𝘾𝙊𝙈𝙋𝙇𝙀𝙏𝙀𝘿] (G×G)

5 කොටස

"සනූ...සනූ අහන්නකෝ ළමයෝ...අඩන එක නවත්තන්නකෝ...දැන් ඔයා ස්කෝලෙට යන්නත් ඕනනේ පොඩ්ඩක් අහන්නකෝ..."

මන් කොච්චර කතා කරත් ගානකට ගත්තෙ නැති සනූ ආයමත් දුවගෙන එයාලගෙ ගෙදරට දිව්වත් එක්කම මාත් එයාගෙ පස්සෙන් දිව්වෙ මේ ළමයා කොහෙ යයිද මොනා කරයිද කියල හිතාගන්න බැරුව....මන් එයාගෙ පස්සෙන් එන බව දැනුන නිසා ආයම නතර උන එයා...

"මගේ පස්සෙන් එන්න එපා...ඔයා ඔයාගේ වැඩක් කරගන්න...ආය මගෙන් ඔයාට කරදරයක් නැහැ පරිස්සමෙන් ඉන්න..."

කියලා මේ කෙල්ල ආපහු දුවගෙනම ගියා...කෝකටත් තෛලේ කියල මාත් දුවන්නැතුවම හිමීට එයාගෙ පස්සෙන් ගියේ දැනුන බයටමයි...ඒත් එයා එයාලගේ ගෙදරට යනකොටම සනූගෙ හොදම යාලුවා උන නෙතූ නන්ගිත් එයා එක්කම ස්කෝලෙ යන්නද කොහෙදෝ ඇවිත් තිබුනා..මන් ගේට්ටුව ලග ඉදන් සනූලගෙ ගෙදරට නොයා සනූ දිහා බලන් උන්නා...

ටිකකිම් මන් ඉන්න පැත්ත බැලුව සනූ හයියෙන් හුස්මක් අරන් අහක බලාගෙනම නෙතූ නන්ගි එක්ක ඉක්මනට පාරට ගියා...

මූණ හෝදලවත් නැතුව විශූගේ කෝල් එකට ඇහැරුණ මන් සනූ ආය ගෙදර එන වෙලාවක් බලලම කතා කරන්න යනව කියල හිතන් ගේට්ටුවත් වහන් ගේ ඇතුලට ආවා...

මගේ හිතටත් ලොකු දුකක්...මගේ හිතට හරි වදයක් උනා...සනූ මන් දිහා බලලා අහක බලාගත්ත විදියටයි..එයාගෙ පස්සෙන් එන්නෙපා ආය මට කරදර කරන්නේ නෑයි කියල කිව්ව විදියයි මගේ ඔලුවේ දෝන්කාර දෙනවා දෙනවා ඉවරයක් නෑ...

සනූ එනකම්ම 2.30 වෙනකම් මන් බලාගෙන හිටියා මොකද සනූ ස්කෝලෙ ගිහිම් ගෙදර එන්නෙ ඒ වෙලාවට නිසා...

මන් හිමීට පොඩි ගේට්ටුවත් ඇරගෙන සනූලගෙ ගෙවල් දිහාවට ආවේ සනූ දැනටමත් ඇවිල්ලා ඇති කියල හිතුන නිසා...

"නැන්දේ, නැන්දේ

" ඕඕ..ආ මේ ....දේශි දුවනේ...එන්න පුතේ  ඇතුලට...

"අහ්..හරි නැන්දේ ...මේ....කෝ නැන්දේ චූටියි සනූයි...

සනූ තාම ආවේ නැද්ද කියලා අහන්න තරම් මගේ හිතට හයියක් දැනුන් නෑ...මොකද ඉමානි නැන්දා දැනගත්තොත් මන් නිසා සනූ ඇඩුව බව නැන්දට ලොකු දුකක් දැනෙන බව මන් දන්නවා...

"අනේ අන්න චූටි නම් ආවා පුතේ සනූ 12.30 ට වගේ ආවා ගෙදර ඇවිල්ලා ගියා පාඩම් කරන්න ඕනය මෙහෙ කිසි නිදහසක් නැතෙයි කියල නෙතූලයි ගෙදර ...

මන් දන්නෑ මේ ළමයට අපි කිසි වැඩක් පලක් කරන්න කියලවත් නෑ...චූටි කරදර කරනව කියලයෑ...මොන නිදහසක් ගැන කතා කරනවද දන්නෑ..."

"අහ්...එහෙමද නැන්දේ සමහරවිට කම්මැලි ඇති තනියම වැඩකරනකොට මාත් ඒ කාලේ විශූ එක්කමයි වැඩ කලේ...

"අනේ මන්දා පුතේ ඉතිම්ම්..විභාගෙත් අත ලග තියාගෙන ගෙවල් ගානේ යන එකටනම් මගේ හිතේ පොඩ්ඩක්වත් කැමැත්තක් නෑ..කොච්චර උනත් ඔය නේතූ ලමයින්ගේ අම්මාගේ හිත හොද නෑ පුතේ ...අපේ කෙල්ල තාත්තත් නැතුව මෙච්චර හොදට ඉගෙන ගන්න එකට ඔය ගෑනු එක්කෙනා කැමති නෑ අපේ ළමයට පොඩි කාලේ ඉදන් හරියට වෙනස්කම් කරනව ඔය ගෑනි..."

"ම්ම්ම්...ඒකනම් ඇත්ත නැන්දේ..මාමත් නැතුව නන්ගිලා දෙන්නම ඉගෙන ගන්න එක ගැන මට හරිම සතුටුයි...මාමා හුගක් සතුටු වෙනව ඇති ඉන්න තැනක ඉදන්....

මට හොදට මතකයි නැන්දේ මන් මීට අවුරුදු දෙකකට කලිම් මෙහාට ආව විදිය...මගේ මේ ගේ හදාගන්න කම් මාමා මට කොච්චර උදව් කරාද...ගේ හදලා ගේ වටේ තාප්පයක් ගහලා main gate එකට අමතරව ඔය දැන් නැන්දලයි ගෙදර පැත්තට වෙන්න තියෙන පොඩි gate එක මන් දැම්මෙම මාමා නිසාමයි....මොකද මට ඕන උනා හැමතිස්සෙම මාමාලා නැන්දලා මෙහෙ එනව දකින්න...සන්සාර බැදීමක් වෙන්නැති නැන්දේ නැන්දලව මට හම්බුනෙ ඒකයි🥺❤️....

"ම්ම්ම්ම්...පුතා ඒ ගැන කතා කරනකොට මට හරිම දුක සතුට මිශ්‍ර හැගිමක් දැනෙනව දරුවෝ..."

"ම්ම්ම්..මාත් යන්නම් නැන්දේ, නැන්දා වැඩක් කරගන්න...

කෝපි එකක්වත්  පුතේ...,

"අනේ ඕන නෑ නැන්දෙ, මන් ගිහිම් වෙන වෙලාවක එන්නම්කෝ...

එහෙම කියල නැන්දලයි ගෙදරින් එලියට ආව මන් බර හුස්මක් අරන් මගේ ගෙදරට ආවේ සනූ හෙටවත් ගෙදර ඒවිනේ එතකොටවත් කතා කරනව කියල හිතාගෙනමයි...