تارو: هو ده المكان مش كدة؟
ماكوتو: ايوة.. هو ده البيت بتاعي
تارو: شكلك غني
ماكوتو: هاها..
ماكوتو مشي ناحية البيت و تارو وراه.. لحد ما سمع صوت دوشة جاية من ورا البيت و راح يشوفهم بيعملوا ايه
تارو قرر يدخل البيت الاول بسبب فضوله و لأن الباب اصلا كان مفتوح علشان ماكوتو كان سايب المفتاح للسواق
تارو: .......
دخل و شاف المكان وااااسع
تارو: !!!... اوه.. ده مجرد الريسبشن..
انبهر اكتر و خاف يحسد البيت
هيناتا: البيت كبير اوي!!
جيرو: احنا مش جايين نحسد الناس...
تارو: (جيرو؟! و هيناتا؟! ايه اللي جابهم؟!!)
استخبى ورا حيطة
جيرو: انا مش قادر اصدق ان تارو نساني عادي كدة ولا كأني اخوه
هيناتا: ماهو ماكوتو كان بيحذرنا أننا نشوفه علشان عارف انك هتفكر كدة..
هيناتا: اعتبره.. حاله زهايمر بدري
جيرو: و هو لو جاله زهايمر دي حاجة تفرحني؟!
هيناتا: قصدي حاجة مش بايده..
جيرو: بايده ولا مش بايده حاول يقتلني
هيناتا: بطل تتكلم بانانية!!.. مانت زي الفل واقف قدامي اهو مقتلكش يعني.. انت عارف و انا عارف أنه لو كان عايز يقتلك كان قتلك هو انت يعني بتعرف تدافع اوي
جيرو: .....💢
تارو: (امتى الكلام ده حصل؟!)
جيرو: انا لو شفته تاني قدامي هضربه على دماغه لعل و عسى يفتكر
تارو: انتم بتعملوا ايه هنا؟!
جيرو: !!!!
هيناتا: يلا اضربه على دماغه بسرعة!!
جيرو: ااااا-
اتصنم فمكانه
تارو: ايه؟ مالك؟ شفت عفريت؟ انت اما فكرتني عفريت بجد مكانش ريآكشنك بالمبالغة دي
جيرو: طب مانت فاكر اهو و الدنيا لذيذة اومال مالك؟!!
تارو: صعب اشرحلك بما انك مش متابع الأحداث اول بأول
جيرو: صعب ليه تكونش هتحكيلي جبر ولا تفاضل
تارو: انت متعصب اوي كدة ليه؟
جيرو: معرفش يمكن علشان حاولت تقتلني فالمصنع؟
تارو: انا لو فاكر الهبل اللي بتقوله ده كنت اتأسفت بس انا معرفش انت بتتكلم عن ايه
يبص لهيناتا
هيناتا: انا بردو محضرتش الموقف متبصليش!
جيرو: انت بجح اوي.. مش كفاية اني سامحتك على طول على قتل ابويا
أنت تقرأ
A-0X
Misteri / Thrillerمجموعة مجرمين تم أخذهم من السجن لمكان غير معروف لأسباب غامضة..علشان يكتشفوا بعدها أنهم اتحولوا لفئران تجارب لمنظمة متخصصة.. (الرواية باللهجة المصرية) تحذير: القصة فيها خيبات امل و موت لمعظم الشخصيات
