بين النار والجليد...
ثم ينظر إليك......
فيجد أنك ترضى بما أنت فيه....
فيعطيك عطاءً يليق بقلبك ويرضيك.....
________________.
رجعت فتحت الموبايل لگيت نبراس كاتبه
" هلو رهوف گاعده"
رهف كتبت اي حبيبتي گاعده خير خوما اكو شي
اتصلت نبراس فتحت الخط
هلووو حياتي شلونچ اخبارچ
نبراس _ هلو رهوف الحمد لله بخير مبروك رح تصيرين خاله
رهف _ اوووي تحچين صدگ نبراس انتي حامل
نبراس _ ايي صار أكثر من شهر حاسه اكو شي ومغلسه اريد اكمل امتحانات بس اليوم مابيها مجال حسيت نفسي تعبانه و حتى مداومت
رحت حللت وطلعت حامل
رهف _ يله الحمد لله مابقى شي لامتحانات
نصف السنه تجيچ عطله وترتاحين شويه
نبراس _ اي والله صحيح شگد چنت رافضه فكرة
الحمل بهذا الوقت بس سبحان الله من صار احس نفسي طايره من الفرحه خصوصا من اشوف ياسر فرحان انسى الدنيا كلها..
رهف _ هههههه الله يحفظكم هاي كل المتزوجين هيج يگولون اذا تصالحو يصير هو وبس واذا تعاركو
يصير اناني وميحس بيه ...
نبراس _ لااا والله ابددد حتى لو نتعارك منزعل من بعضنا ابدا اگله هاي كل المتزوجين مثله يگلي لا مو شرط بس اني احبچ ميهون عليه زعلچ
ولتنسين احنه بيناتنا تفاهم قبل الحب لأن الحب مو كلشي اذا احبچ و ما افهمچ شنو الفائده؟
صح نختلف مرات لازم تصير عركه صغيره
بس راسا نحلها ابدا ما ننام و احنه بخاطرنا شي
واليوم من الفرحه راح اشترى ملابس مال نونو
تجنن اگله ميصير هسه بعد وكت بس هو حبيبي فرحان
رهف _ صرت اسمع كلماتها واتخيل نفسي اخذ شخص يحبني ويفهمني واعيش ويا بسعاده حتى مشاكلنا تزيدنا حب لان حبنا يصير أكبر من اي مشكله بالدنيا
نبراس _ الووو وين رحتي؟
رهف_ وياچ حبيبي الف مبروك الله يسعدكم يارب تگومين بالسلامة ان شاء الله
نبراس _امين يوم الالچ إن شاء الله رهوف و نفرح بيچ
رهف _ وانت حاضره حبيبتي
نبراس _ يله خاف عندج شي خطيه اخذي راحتج بس گلت ابشركم
رهف _لاا بالعكس والله فرحتيني حبيبتي
نبراس _ يله حبي مع السلامه
رهف _ مع السلامه حبيبتي باااي
رهف _ سديت الموبايل وبقيت افكر معقوله هذه
علامة الاستخاره الي صليتها؟؟ الله اعلم......
حسيت مكالمة نبراس وعتني انه اهم شي بالزواج
التفاهم قبل الحب خصوصا هي متعرف شي عن موضوع قصي حسيت تفكيري بدأ يشتغل على هذا الجانب وقررت مره ثانيه إذا اجه قصي يحچي اگله اني مااعرف شي عنك شلون تتقدملي اريد اعرف تفاصيل أكثر عنك ...
رهف _ داومت ثاني يوم بداخلي كلام هوايه واسئله اريد احچي لقصي كل شويه اعيد الكلمات بعقلي وارتبهم كأنه عندي امتحان
انتضر.... انتضر ماكو خلصت المحاضرات وانتهى الدوام و هو ماكو ضجت ليش من متحضره
وگاعده انتضره ميجي
و من ما منتبهه على غفله اشوفه واگف گدامي
نور وشهد يسولفن واني عيوني تتنقل
تدور علي وينه ليش ما اجه اليوم
