رحلنا عن بعض لكن تركنا بالقلوب أشواق
تنادينا ليالينا الجميلة يوم صدينا
وصلنا لآخر حدود الفراق اللي صحيح فراق
تصاريف الزمان اشلون ودتنا منافينا
ضمينا من الحنين وصدر هالدنيا علينا ضاق
يا دنيا وسعي صدرك علينا لا تخلينا
هوانا صعب وأيامه طويله والعمر سراق
وأنا ما ودي الدنيا على الفرقا تودينا
___________________.
سالم _ شنو رأيچ بليث صار فتره اني
احچي ويا وشفت اسلوبه متغير يگول
شنو تريد يجرالها من ايدكم هاي لايدكم
هاي وهسه السنه مال عمي طلعت صارلها
فتره و ميصير الحياة تتوقف لازم نعيش
ونستمر وانتِ إن شاء الله هاي اخر سنه
الچ يريد تسوون خطوبه هسه فانتِ شتگولين
رهف _الكل چان يسمعه مو بس اني بقيت
ساكته مااعرف شنو ارد عيوني تتنقل
بينهم كلهم كانه الكل مقتنعين باللي
سمعو واني مشاعري متخربطه
ما اعرف شأگله
سالم _ القرار الچ محد رح يدخل بشي
ويضغط عليچ فكري ورديلنا جواب صح
هو متهور بس بي هدايه وبي ردايه انتِ
راجعي نفسچ وشوفي
رهف _ هزيت راسي إن شاء الله
راحو كل واحد لبيته وبقيت افكر گعدت
ويه ماما وحچيت گالت اني ماادخل
اذا وافقتي أو لا القرار الچ
محد رح يجبرچ على شي
حيرتني بالزايد نمت وبقيت افكر شلون
شنو رح اسوي گعدت على صوت المنبه
توضيت وصليت دعيت من ربي يريحني
كلام سالم ينعاد بدماغي متردده بس
كأنه قنعني گلت خلص احاول اني هم
اغير اسلوبي ويا واشوف اذا تغير او لا
رحت للدوام من رجعت
كتبت لهيفاء خلص اني موافقه
ماكو ساعه واشوفهم كلهم اجوي فرحانين
عمه وفاء تبوس بيه ليث طاير من الفرحه
بيني وبين نفسي تندمت لان كنت اعاند
بابا واگله مااريده اني ليش چنت ازعله
شبي عقلي ليش ما ريحته وگتله مثل
متريد ليش قبل چنت اشوف الموضوع
غير عن ما اشوفه هسه
اتفقو على الخطوبه وكلشي مثل ما اتفقو
قبل ويه بابا گامو ديروحون وليث بقى گاعد انتضرهم يطلعون واجه گعد يمي
ليث _ شلونچ رهف اني فرحان مااعرف
شلون اوصف فرحتي إن شاء الله اگدر
اسعدچ واسويلچ كلشي بنفسچ
بس على حظي عندي إنذار لازم
اروح اليوم الفجر اسبوع الجاي يله ارجع
إن شاء الله لو بأيدي باچر اسوي
العقد بس شاسوي
رهف _ هذا هو الحمدلله
ليث _ اي الحمد لله بسسس مو اجي
الگاچ مغيره رأيچ هههههههه
رهف _ ابتسمت وسكتت
ليث _ يله اني رايح في امان الله
رهف _ الله وياك طلعو و گمت قفلنا الباب
اني وماما ونمنا
بعد أيام التهيت بالدوام اروح وارجع وادرس
شو عمه وفاء تتصل عليه رديت
هلو عمه شلونكم
