بين النار والجليد....
اجتهد في الوصول إلى ماتحب
فإن تحقق ونلت ما سعيت له ستنسى التعب
وستشعر بلذة النجاح
وإن لم تناله فيكفيك شرف المحاوله....✍️wateen*
رهف _ أول ما دخلت للعيادة اني وماما وانصدمت
قصي گاعد بمكان السكرتير يكتب باصات
والشباب الگاعدين كلهم الگروب مال الجامعه
واكو بنات هم شايفتهم بالجامعه ويايه بقيت اتلفت هاي شنو معقوله هيج صدفه كلهم اليوم جايين
ولا واحد مااعرفه كلهم ويايه!!!
خالدة _ السلام عليكم ابني الدكتوره موجوده؟
قصي _ عيني خاله تفضلي أهلا وسهلا اي موجوده
الاسم؟
ماما _ رهف رشيد
قصي _ كتبه وگال تفضلو استريحو شويه
رهف _ گعدنه انه وماما وهو دخل على
الدكتوره للغرفه
اني بس اتلفت الشباب كلهم بايدهم باصات حاجزين
وگاعدين صافنين ينتضرون دورهم اريد اسألهم بس اخاف مااعرف ليش اول مره اخاف من ماما تكشفني
طلع قصي
تفضلو خاله مشت ماما گدامي و هو غمزلي وابتسم
دخلنه للغرفه الدكتوره گاعده ايدها على خدها
شعرها مجعد اسود رافعته كبايه باهمال ملامحها ناعمه حلوه بايدها قلم تقلب بي باصابعها
ماما _ السلام عليكم
قمر _ عليكم السلام تفضلو استريحو
رهف _ گعدنه گدامها اني وماما كل وحده من جهه
وهي نظراتها تتفحص كل نقطه بيه
قمر _ تفضلو شنو عدكم؟
رهف _ اااا التهاب عندي احس اسناني كلها توجعني
قمر _ تفضلي اصعدي خلي اشوف
رهف _ بطني گامت توجعني كلش اخاف من طبيب الأسنان..... عفيه بس على كيفج والله اخاف
قمر _ تؤ لاااا ليش تخافين بس اشوف اذا اكو التهاب كلشي ما اگدر اسوي..
رهف _ شعلت اللايت قربته عليه
وسحبت مرايه صغيره
لا يربي مو هيج اتفقنا اكيد قصي گاللها
متسوي شي بقت تفحص شويه
قمر _هذا سن العقل ديطلع بس مسكنات رح انطيچ
اسبوع الجاي تعالي اسويلچ تنظيف
بس مو الاثنين
رهف _ گالتها بتحذير عبالك
تمام اوك شكرا دكتوره
قمر _ العفو... وانتي خاله تفضلي خلي نچيك
اسنانچ
خالده _ لاا ماعندي شي اني الحمدلله
قمر _ تعالي خاله اليوم عروض عندي فحص مجاني
خالده _ ياحبيبتي الله يزيدچ بس والله ما عندي شي اني
قمر _ ميخالف خاله بس نشوف
صعدت ماما تفحص وقمر تسولف ويانه
_گلتيلي اسمچ رهف؟
_ اي...
_ متشبهين ماما ابد ماشاء الله كل وحده جمالها شكل
_ اي صحيح اني اشبه والدي
_ الله يحفظكم
خاله هاي عدنچ 3 أسنان تحتاج حشوه لازم تسويها
خالده _ اي اعرف والله بس اني شويه اخاف
وهم مو كلش تأذيني فتركتهم
قمر _ لااا خاله ميصيررر لازم تحشيهم حتى ميزيد التسوس و تسبب التهابات تحبين اليوم نبدي
حتى كل أسبوع سن
خالده _ اااا والله ما اعرف اني بصراحه تركتهم لأن اتنرفز من صوت جهاز الحفر واخاف
قمر _ لا لا ابدا متحسين بشي هسه اخليلچ مخدر
