شضايا حواء
الكاتبه زهراء السداوي
لطفا لا تنسو تصويت تفاعل بين الفقرات
مر أسبوعين عذاب وتعب نفسي مو طبعي ماصور اشوف شخص يتحمل لي شفته بهل سبوعين البيت كله ترميم وهوسه وعمال ونفس الوضع ماكدر اصعد غرفتي ممنوع هيثم راح دوامه ونفس كل مره وحدي اتحمل كلشي مسؤوليه اكبر من عمري كل عيال ينامون بلا صاله علمود ترميم لبيت ماقبلو
انام بغرفتي يردوني يمهم انام يسمعوني حجي نامي هنا يمنا لصعدين غرفتج اني متحملت كتلهم
اصعد مانام هنا عندي غرفه ...
صار يكلون صعدي وعوفي يمنه ياررربي اني راح اموت راح تخبل هاي عائله صاحيه مخبله شنو نامي هنا يعني عمي وخالتي وعبله وحمايه واني انام عادي يمهم وين حلال وين حرام شلون ارتاح
رادن ابني ينام يمهن ماقبلت ماعرف انام عاندو وياي وكلولي امشي صعدي غرفتج يله اخذني حمايه يعبرني ويوصلني لدرج لان مواد بناء وهوسه ماكدر اعبر ..صعدت غرفتي شبعت شبعت بجي ليش اني هيج ليش ديصير وياي هيج ليش الله رجعني لهذا سجن مره ثانيه اني تعبت تعبت هيثم يغيب عليه ١٤ يوم لو بس افتهم ليش يكرهوني ليش شادين وياي اني سويت اريد ابني همه كلشي ميعرفون لطفل
غفيت ودموعي بعيوني تجري نمت مهضومه وكلبي
مشتعل نار على ابني فزيت على صوت أبني يبجي باوعت على ساعه ٢ ونص ياربي واني افتر بلغرفه اريد اشوفه شبي بس شلون انزل خاف يرزلوني
ضليت الوب وكلبي يفور متحملت نزلت كلت شيصير خل يصير احس بداخلي أبني يصيحني محتاجني نزلت واني أتفاجأت بلا لشفته عساني ميته ولا هل منضر صوت مبرده عاليه وعمي نايم وحمايه هم نايم ميدري بدنيا وخالتي دكول ميته مو نايمه وعبله شايله أبني واكفه بس ولطفل ميت بجي لا مرضعته لا مسكته لا هي جابته اليه بس اريد اعرف هذوله شديسون شنو من رحمه عدهم باوعتلي واردفت ...
عبله : هاج عفيه تعبت واريد انام باجر ورايه شغل انتي شعليج .
اخذت أبني بسرعه ملهوفه واني ادعي بكلبي يمه سوده عليه صوته راح حرارته شويه مرتفعه من وره أسنان شربته علاج رضعته ضليت شايلته واني طبطب على ضهره علمود غازات نام بحضني حضنته ونمت واني ادعي بكلبي ربي يخلصني فزيت على صوت لمنبه لازم انزل ساعه ٥ لصبح قبل ليجون لعمال وانزل وانزل غراض أبني وغراضي وضليت على هاي حاله بعذاب فوك ضيمي وقهري عبله خبلتني شايله خشمه عليه بس سمعني كلام لا تقبل اساعدها بشي اكعد خالتي ترزلني كومي وياه اشتغل وياهه كلشي ميعجبه ..عمي دمرني دمرني ٢٤ ساعه شايل أبني عوده على شيل لا يقبل اذبه بلكاع شويه لا يقبل يكعد بحجله عربانه لا يقبل يلعب
ضي : عموو فدوه اني داتعب لتعود لطفل على شيل خلي بلكاع يلعب بلعابه
ابو هيثم : مالج شغله يم جده
يوكلو حلويات وكاكو وصار أبني مياكل اكل صحي وليل بس يبجي مينام حياتي دمرت دمار من رجعت ومنا حملي ونفسيتي تعبانه وعفت أكل مدافكر بطفل بطني علاقتي ويا هيثم تخربطت كلش صار يهملني أيام ويذكرني يوم أبني ليل نهار بس بجي ميسكت لحضه وعيالي دمرو بزايد كل واحد ديجرب طريقه بي خالتي جذابه الي بس من شوف عمي لو هيثم ضل صيح شبي الولد ومن ماكو احد متسأل ابد لو عبله الي تشغل تلفون على كارتون وضل لازكته على عيون أبني عودته على تلفون حتى بنص ليل أبني يبجي اني اعرف شبي اريد اعلمه على نضام صحي اعرف شلون ارضعه شلون ارجع انومه اعرف اذا ديتوجع من شي ماكو والكم عيني راح اتخبل تكعد عبله تاخذه مني وتشغله تلفون دكلي خل يسكت ابويه نايم لو عمي عوده ليل نهار شيل ..تعبت اعصابي دمرت صرت ماتحمل احد الدرجه ابني صرت اكرهه واذا اسمعه كام يبجي اضربه وكله كافي كافي اسكت ساعه اهدء وضل ابوسه وعتذر منه مداعرف ديصير وياي تعبت اريد اصعدغرفتي ..وهذه كله ضيم وصار من ينزل هيثم صار نزوله حجيم بنسبه اليه بعد مجان أماني ماعرف ليش هيج تغير كلش من رجعنه صار يضربني وبعد مستمر يضرب ابني بليل اذا سمعه يبجي وصار يصادق بنات واسمعه يخابر ومره شكيتله على تصرفات اهله نزل تعارك وياهم وضعه وياي هنا وهنا يوم زين ويوم لا يهتملي ويطلعني وياخذ ابنه يلعبه ويشتريله اشكال دنيا بس هذه شي ميدوم علينا يوم واحد صرت اتوسل بي حتى ينزل على اكل جوه وياهم لو مرات يكول انتي سويلي وصعديلي فوك وكل ميشوف تصرفات اهله غلط ويا أبني يتعارك وياهم ويضرب أبني ويكول سبب انتو ومره جنه كلنا كاعدين ومجتمعين بغرفه وفرحانين بياسر وحركاته وضحكه ومشغلين تلفزيون على كارتون صدفه طلعت لقطه مال كارتون طفل ملثم اني اعرف أبني يخاف من لقطته رحت على سريع شلته بس الاسف شافه وصار يعيط ويبجي هيثم ميعرف بسالفه من افتهم صار مخبل ..جر ياسر من حضني وضل حاطه على شاشه مال تلفزيون ويصيح شبيك شبيك واهله يباعون عليه ميدخلون عمي يصيح عليه ميفيد واني اباوع وخاف تقرب لان اعرف يضربني حاطه أيدي على حلكي وأبجي كافي ياربي كافي اني تعبت لشوكت اشوف هيج شغلات متنحمل ومثل كل مره انتهت لمسرحيه وكل واحد رجع مكانه واني كملت شغلي اخذت ابني وصعدت مر يومين اني وهيثم نحجي بس بضروري خلصت شغلي وصعدت فوك كاعده دابدل أبني ودهن جسمه بزيت زيتون هيثم جابه من سيد علمود البجي طبعاً من يوم الي جبت أبني واني هاي حالتي بس بجي ميسكت ونفتر بي اني وهيثم من سيد ال سيد ماخلينه عليويه شيخ صارت عندي كومه ادعيه بلمخده بلفراش ملابسه وديفيد يكلولي ابنج اكو مره نافسته ورحه بي وعينه على حياتكم وعليكم عمل واني ادهن جسم أبني كام هيثم ضربه يصيح كافي دمرتني مدكلي شبيك ماخليت أمام مانخيته ماخليت دعاء قران يم راسك شبيك شاطت
روحي فتحت عيوني بصدمه مدستوعب لي شفته
