တောက်လျှောက်အဆင်ပြေလာခဲ့တဲ့ ချစ်သူနှစ်ဦးကြားက ဆက်ဆံရေးဟာ လက်ခံနိုင်စရာမရှိတဲ့အကြောင်းပြချက်တွေကြောင့် ပျက်စီးသွားနိုင်မလား။
Jiwoong ဒီနေ့တော့ Matthewနဲ့အတူ လျှောက်လည်ဖို့စီစဥ်ထားသည်။ ဘယ်ကိုသွားမယ်ရယ်တော့ မဆုံးဖြတ်ရသေးပေမဲ့ နှစ်ယောက်သားတွဲလာတာလည်းကြာပြီ အခုထိ အပြင်ထွက်လည်တာမျိုးမလုပ်ရသေးတာကြောင့် ချိန်းထားခြင်းဖြစ်သည်။
Jiwoongကိုယ်တိုင်Matthewအိမ်ကို သွားခေါ်တော့ အရင်က Yeriနဲ့vlogရိုက်ဖို့ ထွက်မယ်ဆိုတိုင်း Matthewကိုဝင်ခေါ်ရတာတောင် သတိရသွားသလိုလို။
အဲ့တုန်းကအကြောင်းတွေပြန်စဥ်းစားလိုက်ရင် သူMatthewအပေါ် အနိုင်ကျင့်နေမိသလိုမျိုးဖြစ်ခဲ့တာမလို့ အားနာသလို ဝမ်းလည်းနည်းမိသည်။
Matthewမျက်နှာမှာ မလိုက်ချင်တဲ့အရိပ်ယောင်တွေကိုတွေ့ခဲ့ရပေမဲ့ Yeriကvlogမရိုက်ရရင် ရစ်တော့မှာကို တွေးပြီး တစ်ကိုယ်ကောင်းဆန်ကာ Matthewစိတ်တွေကိုလျစ်လျူရှူပြီး အတင်းလိုက်ခိုင်းခဲ့မိသည်။
" Hyung! ဘာတွေတွေးနေတာလဲ မသွားသေးဘူးလား "
မျက်နှာအရှေ့ကိုလက်တစ်ဖက်ရောက်လာကာ အသံကြားလိုက်ရတော့မှ အတွေးကမ္ဘာထဲကနေ Jiwoongပြန်ထွက်လာမိသည်။
" သြော်...အင်း ဘာမှမဟုတ်ပါဘူး ဒီနေ့ဘယ်ကိုသွားရမလဲမစဥ်းစားရသေးလို့ "
" ဒါဆိုကျွန်တော်ရွေးကြည့်မယ် "
Jiwoongခေါင်းငြိမ့်ပြလိုက်သည်။ ဖုန်းကိုဖွင့်ကာ အသေအချာအာရုံစူးစိုက်နေသည့် Matthewက သူတို့နှစ်ယောက်ရဲ့dateလေးကို အလေးအနက်သဘောထားကြောင်းသိသာလှသည်။
" Hyung ကျွန်တော်တို့ Sweet Iceland cafe ကိုသွားကြမလား "
" အဲ့နေရာ ကိုယ်ရောက်ဖူးတယ် အစားသောက်တွေအဆင်မပြေဘူး "
" ဟုတ်လား အသားကင်တို့ဘာတို့သွားစားဖို့ကျတော့လည်း နေ့လည်ပဲရှိသေးတယ် Lotte Worldရော "
" ကိုယ် ခဏခဏသွားဖူးတာကို....တစ်ခြားနေရာပြောင်းပါလား "
" အင်း......ဒါဆိုBingsuသွားစားကြမလား ရာသီဥတုလည်းပူတော့ "
YOU ARE READING
Second Chance - Woongtthew (Ongoing)
Fanfictionနောက်တစ်ခေါက် ထပ်ကြိုးစားခွင့်ပေးနိုင်မလား? ေနာက္တစ္ေခါက္ ထပ္ႀကိဳးစားခြင့္ေပးနိုင္မလား?
