لمزيد من القصص تابع الحساب ..
#ضحيه_والدي
قصه تتكلم عن فتاة تتعرض للخطف من قبل3 رجال بسبب خلافهما مع ابيها
قصه حقيقه حدثت مع اقرب صديقاتي
محتواها يتكلم عن فتاة تعرضت للخطف من قبل3رجال بسبب خلاف لهم مع ابيها
اني سهى من بغداد عمري20سنه طالبه كليه مرحله اولى
ابوي رجال معروف بالمنطقه موضف بدائرة معاون مدير عندو علاقات واسعه مع مدراء وضباط حالتنه الماديه كلش زينه ابوي يحب يشتغل بتجارة رغم هو عندة راتب وراتبه كلش زين بس مايعتمد ع راتبه .
ابوي اسمه عبد الرحمن وامي اسمها رقيه وعندي 3 اخوان عبدالله ومحمد ويونس واخت وحدة مزوجه وعدها بنت اسمها نهى
راح اتكلم عن القصه..
اليوم كان الجمعه والدنيا صيف والجو كلش حار
رقيه :بنتي سهى كعدي كافيج نايمه ساعه9
سهى:يوم عوفيني نايمه بس شويه والله ماشبعانه نوم
رقيه:ولج كافي عاد اني ماصدكت تعطلين حتى تعينيني بشغل البيت يلا كعدي
سهى:اي اييي كعدت
كعدت وغسلت وجهي وسويت ريوك كعدت اتريك
رقيه:ادري شبيج انتي ماتكولين اروح اكعد اخوتي
يتريكون وياي ماتفكرين احد وراج كبل كعدتي تاكلين
سهى:اهووو يووم دخليهم نايمين اليوم عطله يعني اله تكعديهم خليهم
رقيه:انتي مامنج فايدة اروح اني اكعدهم
كعدو اخوتي
عبدالله اخوي الجبير عمره27 سنه تارك الدراسه من سادس اعدادي ابوي كلش يعتمد علي بأمور البيت والشغل هم
ومحمد الوسط عمره23 طالب كليه ادارة واقتصاد هاي اخر مرحله اله طبعا محمد كلش حباب وهادئ علاقتي بي حيل قويه اكثر من باقي اخوتي
اما يونس فهذا اخر العنكود عمره10سنوات امي حيل تحبه ومدللته متخلي احد يطخه حتى لسانه طولان شكد مامدللته
كعدنه تريكنه وخلصنه ريوك. بالعادة بهيج وقت اخوتي يطلعون ميبقون بالبيت عبدالله يروح يم بيت عمي مو بعيد علينه ولد عمي اصدقائو كلش
ومحمد يروح يم صاله قريبه علينه يلعب بيها ويتونس ويشوف اصدقائو
امايونس يبقى بالبيت يلعب بالايباد امي متخلي يطلع تخاف علي والجو هم كلش حار عاد تكله العب بالبيت
خلصت شغلي ورحت للمطبخ اعاون امي بالغدة
رقيه:اكلج سهى ليش ماتحجين ويه عبدالله بلكي يقبل ويقتنع يزوج كافي راح يصير عمره30
سهى: يايمه والله بزعت واني احجي معاه رافض الفكرة تماما
رقيه:ادري قابل بس زينب موجودة بالدنيا بنت وتزوجت خما شصار يعني ليش هو منو اخذ الي يحبها..بنتي اذا اكو بنت حليوة من صديقاتج خلي يشوفها بأي طريقه بلكي يعجب بيها وينسى هذيج الي اسمها زينب ويقبل
يزوجها
سهى:يوم شبيج انتي اكلج رافض فكرة الزواج المشكله يعني موشغله بنت حلوة او غير شي ليش شتحسبين اني ماكايلتله على نور وهاجر كل مااكله يكلي سدي الموضوع ويعوفني
فجاة ندك الباب
سهى: يوووووونس اطلع شوف منو عالباب
رقيه :يمكن هذا ابوج لان كال راح ارجع بال11
راحت امي فتحت الباب فعلا طلع ابوي
رقيه:جيبي مي لابوج. اي يوم هس اجيب
ها ابو عبد شسويت اليوم شاكو ماكو
عبد الرحمن:والله الحمدلله ماكو شي.. انتو شكاعد تسسون
سهى: دانسوي غدة
عبد الرحمن :اي خير انشالله اني اروح ارتاح شوي بغرفتي
صعد ابوي لغرفته وصعدت امي وراه
سمعت صوت موبايل باوعت شفت ابوي عايف موبايله عالطبله اجته رساله صار عندي فضول اقراها فتحتها وشفت مكتوب( خلال هذا الاسبوع اذا ما نطيت الفلوس راح تندم وماراح تشوف خير ابد)
متت من الخوف من شفت الرساله وكمت ارجف وافكر شنووو ومنوووو هذووله
