#البارت_5
#ضحيه_والدي
#alzubaidi
أحيانا نشعر بأن الضلام قد اشتد من حولنا كثيرا
لدرجه ان النور امامنا ولكن لانراه!!!!!
فتح الباب .ضليت لامه روحي مارفعت راسي
قصي:مايصير تبقين هيج بدون أكل
مارديت علي بقيت ساكته . والوجع موتني
قصي:يعني شنو انتي ماتجوعين مثلا
باوعت علي
قصي: شبي وجهج هيج اصفر ماجان هيج الصبح
رديت علي وبالكوة احجي سهى:اريد اروح للتواليت
قصي: اي طبعا كومي خلي اوديج للتواليت
طبعا التواليت ماكان داخل الغرفه صاير خارج بصف الغرفه
سهى:هاا ... ياربي شنو هالموقف هذا شون راح اكوم واني بهاي الحاله
رديت علي:ماكدر..
قصي:ليش ؟ليش ماتكدرين
سهى:خنكتني العبرة والدموع بعيني .كلتلك ماكدر شبيك
اجه اقترب يمي. باوع بعيني وكالي:احجيلي اذا بيج شي ولاتخافين
سهى:سكتت مارديت .جان يكوم ويسحب ايدي وكومني غصبا عني .باوع عليه وشاف الدم شون مالي هدومي
لحضه ماكدر اوصفه على حرج وخجل وشعور بالوحدة والضعف بمدي الكاع تبلعني .دمعت عيوني واني ساكته بدون صوت
قصي:هاي شصايررر بييج ..تنهد تنهيده طويله وكام يفرك بوجه.
هو من شافني هيج تأثر حيل بحالي
قصي:اصبري فد ساعه واجيج.كالي هيج وراح
سهى:راح وقفل الباب وراه رجعت كعدت بمكاني ..مرت تقريبا ساعه او اكثر . سمعت صوت السيارة وكفت
عرفت انو اجه . دخل للغرفه شايل علاكه كالي كومي معاي.كمت هو مشه كدامي واني امشي وراه طلع من الغرفه وراح يمشي طلعت اني هم من الغرفه. طلع مفتاح من جيبو وفتح باب صاير يم الغرفه كال: فوتي هين اسبحي وغيري ملابسج جبتلج كم شغله هين تحتاجيهم ماعرف بالضبط شنو تلبسين او شنو مقاسج بس حاولي تدبرين نفسج بيهن انطاني العلاكه اخذتها ودخلت
سهى:هذا الباب شون اقفله
قصي:اني اقفلو من تخلصين تدكين الباب وارجع افتحو
سهى: لا... انطيني المفتاح اني اقفلو
قصي:صفن بوجهي ورجع كالي :تمام تمام ونطاني المفتاح اخذته ودخلت للحمام وقفلت الباب هو مو حمام بس عساس اسمو حمام كلش تعبان وضعو. بي تواليت شرقي وبي حنفيه بيها مي وطشت وطاسه ومثل التخته او المقعد .فتحت العلاكه اول شي طلعتو منها تراك (بجامه وبلوزه نص ردن) وداخليات وحفاضات نسائيه.يما من شفتهم متت من الخجل ياربي شكد عيبب احسس وجهي صار احمر بس شسوي الزمن جبرني انحط بهيج مواقف صعبه. بدلت ملابسي وفتحت المي عالطشت .واني كل شوي عيوني يباوعن عالباب اخاف احد يفوت نضفت نفسي عالسريع بس اريد اخلص .خلصت وغسلت هدومي الي جنت لابستهم وعلكتهم بتعلاكه موجودة عالحايط ولبست الهدوم الجابهم مجبورة البسهم لان ملابسي صارو دوم بعد ماكدر البسهم.وفتحت الباب .اول مافتحت الباب اجه هوى قوي والدنيا تقريبا راح تصير مغرب رغم كل المأساة الجو كان كلش هادئ وحلوو غمضت عيوني وستنشقت هوى كل قوتي كأنو اخر مرة بحياتي راح اشم هوى. باوعت لكيته كاعد عالسيارة ينتضرني اخلص.
قصي:خلصتي؟
هزيت راسي بمعنى اي.
قصي:وين المفتاح .
سهى: بقه بالباب..اجه للحمام اخذ المفتاح وقفل الباب دخلت اني للغرفه الي جنت بيها..
قصي:راح اروح اجيبلج اكل لازم تاكلين ..اندار تايقفل الباب وكتله:شوكت اروح لأهلي شوكت تعوفوني
قصي: رجع فتح الباب وندار عليه:شوفي احنه مشكلتنه مو معاج اني اعرف ماالج ذنب مشكلتنه مع ابوج .ابوج اذا يحبج يسوي الي كلنالو علي وكلشي ينتهي.. ابوج لعب ويانا لعبه موحلوة وماجان محسب حساب للي راح نسوي
دنكت وكمت ابجي بكل قوتي بجيت بجي مثل الطفل الي ضايع ويدور لأمو ابجي وأشهك بكل قوتي
هو بقه الباب مفتوح وواكف متكي عالسيارة مقابيل الباب واني كاعدة وابجي مابطلت دموعي ابد وهو يروح ويجي ويفرك بوجهو وبشعرو
احس كل الي بجيته البارحه كوم واليوم كوم ثاني اخر شي اجه عليع وكالي
قصي: ولج كافي مو مردتي كلبي ...ارجوج كافي تبجين والله مابنيتنه نأذيج وماعدنه اي مشكله معاج والله
رديت علي واني اشهك:لعد ررجعني للبيت
قصي:اروح اجيبلج شي تاكلينو .طلع وقفل الباب
ضليت احووس بالغرفه واباوع من الشباك ماكو اي بشر سكته وهدوء فجاة حسيت نفسي نعسانه كلشش واريد انام يمكن شكد مابجيت . تمددت ونمت كبل نومه طويله .حسيت صوت الباب انفتح كعدت .شفت عدنان وصفوان
عدلت نفسي كبل.اجو شغلو الضو مال الغرفه وشايلين فراش معاهم رمو يمي وعافو أكل ومي همين وطلعو.باوعت عالاكل حسيت نفسي كلش جوعانه صارلي تقريبا يومين ماماكله شي كمت شوي شوي بعدين كمت أكل بكل شراها خلصت كل ألاكل وشرب المي.فرشت الفراش الي جايبينو.غطه خفيف ودوشك ومخدة .ماجان موجود فراش بس حصير
فرش الفراش وتمددت بلحضتها حسيت انو يمكن لازم اتعود ع هاي الوضعيه حاولت انام ماكدرت لان جنت نايمه وهس كعدت فماكدرت.بعد شوي اسمع صوتهم برة يتسولفون ويضحكون بعدهم موجودين مورايحين .كمت اتابوع من الشباك الدنيا ليل ودوكلش ضلمه .اشوفهم واكفين يم السيارة مشغلين الضو مال السيارة نفسهم عدنان وصفوان
بعد شوي اجت سيارة نزل منها قصي....
