#البارت_4
#ضحيه_والدي
#alzubaidi
قفلو الباب وطلعو ضليت ابجي واعيط ومرعوبه بنفس الوقت لحضات ماانساها وصعبه جدا بالنسبه لبنت بحياتها ماجانت تبات خارج بيت اهلها وحتى طلعاتي جانت قليله ودايما مع امي .....باوعت موجود حصير مفروش نصه كعدت علي وتذكرت شلون جان اليوم بدايته شكد حلوو وشكد جنت متونسه بنجاحي واهلي ينتضرون نتيجتنه اني ومحمد وتذكرت اهلي واحد واحد يجي على بالي امي اوووف ياامي جنت اضوج من تصخرني وهس اتمنى كلشي تسوي بيه بس المهم اكون يمها واحس بأمان.. وابوي ياترى شنو موقفو بعد مايعرف بالي صار بيه وبالاخص بسببوو وبسبب خلافو مع هذول الحواوييين وشراح يسووي
وعبدالله ومحمد ويونس ونهى .. اخخخخخ اذكرهم واحد واحد وابجي لويعرفون بلي بيه
حسيت نفسي تعبت من كثر الدموع والبجي وراسي كام يوجعني
نمت مدري بنفسي عالحصير ورى شويه انفتح الباب دخل واحد منهم الشاب الي عيط عليهم وكاللهم ليش جبتوها بدل اخوها ..فات شايل علاكه رماها يمي وكال: هذا أكل أكلي
سهى:ماريد اكل اريد تعوفوني الله يخليكم خلوني اروح
رد عليه:تروحين تروحين بعد ما يوفي ابوج الدين العلي تروحين
سهى:يادين هذا اني شعليه بدين ابوي
رد: كلنه لابوج ينطينه الفلوس وتعدي الامور على خير بس ابوج مافهم ومااجه بالتفاهم الضاهر هو هيج يريد المهم اكلي هس واشربي مي مايصير تضلين بدون اكل
كالي هيج وراح وقفل الباب
كعدت ماجنت جوعانه بس جنت عطشانه حييل فتحت العلاكه بيها لفات شاورما وبطلين مي
اخذت بطل المي وضليت اشرب اله خلصته بس مااكلت شي نفسي موطايقه شي ابد اريد بس يرجعوني للبيت
ضليت اباوع للمكان الي اني بي طبعا جان موجود شباك كلش صغير يعني مثل المربع الصغير وبي جام ماموجود غير هذا الشباك الصغير بالغرفه كلها رحت اباوع من عندة باوعت مكان مثل الغابه او زروع متروكه ماكو حواليها لابيوت ولاشي باوعت عالسما ضليت ابجي وادعي بعد شوي انتبهت انو الدنيا بدت تصير مغرب الشمس بدت تغرب بالزايد اختنكت واحس روحي طلعت اتذكر من جنت بالبيت المغرب واروح اسوي عشه اوووف ياربي شوكت ارجع للبيت
بدت الدنيا تصير ليل والغرفه بدت تصير ضلمه خفت حيل وكمت افكر شلون اذا تركوني هيج بالضلمه كل الليل والله اموت من الرعب لالالا مستحيل ماتحمل يارب ارجوك انقذني يارب
صارت الدنيا لليل والغرفه ضلمه كلشش اي شي مايبين كعدت عالحصير وخليت راسي بين رجليه واتنهد بعد فترة
انفتح الباب صحت منووو وكمت على حيلي بس مايبين شي فجاة اشتغل ضووو قووي بوجهي وبعيني عرفت انو احد مشغله بس اني من شدة الضوء على عيوني ماشفت منو الي مشغله يعني مثل واحد كاعد يطرخ بضو عليه
ماعرف شنو سوة بالضبط بس بالاخير علك ضو الغرفه باوعت علي عرفت انه الي خطفني بالسيارة
طبعا هم ثلاثه هذا الاول الي خطفني حيل موزين يباوع عليه بنضرات يريد ياكلني كأنما يريد يخلي انتقام ابوي بلي سواه معاهم بييه اني كلش جنت اخاف منه باوع عالعلاكه شاف اني ماماكله شي جان يكلي:شوفي اكلج لاتحسبين بهاي تصرفاتج راح تكسرين كلبنه ونعوفج لوتموتين ماتطلعين من هين اله ابوج يدفع الي نطلبه بدون نقصان دينار واحد والضاهر ابوج يريد يطول السالفه ويانا فشغلتج مطوله فعوفي هاي التصرفات ومن هس اكلج تأقلمي عالوضع يابنت عبدالرحمن كالي
هيج وطلع..حسيت بأحباط فضيع من هيج حجه معاي اووووف يااربي ساعدني ارجووك
ضليت كاعدة وفكرة تروح وفكرة تجي مرة ابجي مرة افكر اكون قويه كل ساع برأي اخر شي تمددت عالحصير ونمت كل شوي كابوس اشوف وارجع اكعد وارجع انام كانت ليله مثل الشبح ماتقبل تنتهي حالتي ماتوصف
كعدت الصبح على صوت الباب انفتح نفس الشاب الي جابلي الاكل البارحه ..هذا الشاب كان مختلف شوي احسن من البقيه الاثنين اجه وشايل معاه علاكه فتحها وكعد يمي طلع منها صمون وقشطه كالي هذا ريوك الج
سهى:شوكت تعوفوني والله اني ماليه دخل عفيه خلوني اروح
مارد عليه ضل ساكت. دخلو الاثنين الاخر .طبعا بهاي الاوقات اني ماجنت اعرف اسمائهم اوشنو علاقتهم بعض بس مع مرور الوقت عرفت اسمائهم من خلال واحد يصيح الخ وعرفت انو الاثنين الي خطفوني بالسيارة هم اخوان الي جان يسوق وخطفني بالبدايه وكت جنت بالسيارة اسمو (عدنان) هذا كان اكثر شخص متعصب دايما ومكروه ابد مينحب واحسه كلش يكرهني ويريد ينتقم مني لاني بنت عبدالرحمن. والخ الي جان معاه كاعد من كدام بالسيارة وكت ضربني راشدي هذا اخوه اسمو (صفوان) .طبعا هذا مايفرق شي عن اخوه من جنت اعيط او احجي جان يضربني دايما اثنينهم متوحشين
اما الشخص الي عيط عليهم وجان يجيبلي الاكل هذا يصير ابن عمهم اسمو (قصي) هذا كان احسن بشوي منهم ماجان يغلط ولايحجي علي .بس شنو الفايدة بالاخير كلهم نفس الزمرة وكلهم متفقين انو يخطفون على مود الفلوس
دخلو للغرفه
عدنان:قصي تعال
كام قصي راح يمهم يم باب الغرفه جانو واكفين يتسولفون وصوتهم واضح كلشي سمعت
عدنان:خابرته كتله بنتك ترجعلك مقابل المبلغ الي كلنالك عليه
يتبع.......🌿
