وصلو للبر واختارو المكان المناسب
صقر: يلا يعيال زينو الخيام للحريم وبعدها تعالو زينو مكانا
العيال راحو يزينون المكان والبنات وقفو عندهم يساعدونهم
عقاب : داليا تعالي ساعديني من عندي هنا
عزيز: انا اساعدك يبعدي ابعد عن اختي لا اكسر فرتك
عقاب: ي هادم اللحظات شتبيييي ابعد عنييي
عزيز: تقلع
كملو شغلهم بعد ضحك ومزح واستهبال عزوز والهنوف وجود محليهم
جود : الهنوف الهنوف تعالي بسرعه
الهنوف : هلا شتبين
جود : شرايك نروح عند ياسر وذياب نخوفهم ونجي هههههه
الهنوف : تم قدام يلا اركضي
الهنوف وجود : عووو انا جنيي
ذياب وياسر نطو بسم الله هذا وش الصوت
الهنوف وجود : هذولا حنا ي اغبياء ههههههههه
ذياب وياسر لحقوهم يركضون يبون يضربونهم وهجو جود والهنوف
فهد : يعياااال شبلاكم تركضون اهجدو
ياسر : يبه شوف بنتك بزر م تعقل
فهد : هنووفي لحد يجيها كيفها
الهنوف جت تركض عند ابوها : يابعد حيي ي فهودي
خالد : بنت هيه وين جايه مكان الرجال اطلعي برا
ضحكت الهنوف وطلعت تركض رايحه للحريم
عند هلا
تتمشى وتغني وابعدت شوي عن الخيام بدون لا تنتبهه
هلا : يمه انا وين رحت وين الطريق يمه وقعدت تبكي
ذياب : ابي اروح اتمشى شوي وراجع لكم
راح يتمشى وابعد عن الخيام سمع صوت بكي بنت
ذياب: بسم الله من هنا
هلا : انا تكفى ساعدني ضيعت اهلي
ذياب : انتي انس ولا جن
هلا : انسانه والله والله
ذياب قرب لين عندها ووضح له وجهها المحمر من البكي وعيونها الجميله وشعرها الاسود الطويل
ضل ذياب مفهي فيها يتامل جمالها
هلا : اااا انت مو ذياب ولد الشيخ صقر؟
ذياب: اخو قمر ايولله انا ذياب انتي منهي
هلا ركضت وحضنته وهي تبكي : انا هلا ذياب تكفى والله فيه ذيب قريب من عندي اسمع صوته تكفى رجعني الخيمه
ذياب انصدم من الحضن المفاجى وريحه عطرها خلاه يدوخ وصنم مكانه
هلا استوعبت انها بحضنه وابعدت وهي منحرجه وضحكت من الاحراج : اسفه والله م اقصد لاكن كنت خايفه
ذياب وهو يتامل جمال ضحكتها : لا عادي م صار شي يلا امشي ارجعك قبل يفقدونك
رجعو يتمشون رايحين الخيمه
ذياب :
في طرفها الجنه وفي رمشها الويل
وفي خدها غمازه تشغل العين
وفي فمها لونً كنا الدم لاسيل
وليا ضحكت بانت صفوف الفناجيل
ولها جسم متفصل خير تفصيل
كان يقصد هلا
هلا: الله ذياب انت شاعر؟
ذياب وهو هايم في جمالها ومو منتبهه لنفسه : اخ اصير شاعر بعد ابتسامتك وجمالك
هلا استحت وتوترت وسكتت
ذياب: جربتي الحب يهلا؟
هلا : لااا اكرهه الحب
ذياب سكت وقام يفكر فيها
وصلو الخيمه وراحت هلا عند الحريم وراح ذياب عند الرجال
ياسر: ذياب شفيك من رجعت وانت ساج ومانت حولنا
ذياب : ها لا والله مافيه شي
ياسر : والله ان وضعك مشكوك فيه من هالابتسامات والسرحان
ذياب ضحك : تطمن مافيه الا كل خير
ياسر : مردي بعرف شفيك وترا راعي الهوى مفضوووح
زيد وخالد جايين معهم ب خيولهم
زيد : خويلد شرايك نتسابق ونتدرب ل التحدي؟
خالد : عاد الادهم صاير يفهمني وسريع اتحداك تفوز علي
زيد : المرتجز من زمان يفهمني واسرع من حقك والله ان افوز عليك وتشوف
خالد : يلا نتسابق الحين ونشوف ( واحد ثنين ثلاثه) انطلقت الخيول يتسابقون
زيد من فوق الخيل : خااالد شوف سااابقك وهذا انا امشي بطيء
خالد : انا اوريك
فاز زيد على خالد : ها قلت لك لا تتحدى المرتجز مشروب فنجالك يولد حتى ب التحدي بفوز يعني بفوز
خالد : ي رجال انا خليتك تفوز مالي خلق لاكن ب السباق اوريك
زيد : هههههه هذا عذرك من حنا صغار مالي خلق يلا امش نعود
عند البنات
حسناء : هلا هيه شفيك من اليوم تهوجسين ومانتي معنا
هلا : لا وين معكم بس مالي خلق الا بسالك حسناء
حسناء : سمي
هلا : الحين اخوك ذياب شاعر؟
حسناء : متذوق للشعر ويحب الشعر حيل ليه شجاب طاريه
هلا : لا بس كذا سالت سمعت ياسر يقول شعر ذياب حلو وكذا
حسناء : تمام شرايك نقوم نتمشى؟
هلا : يلا تم
قامو يتمشون وخذو معهم داليا وقمر والهنوف وجود
عقاب وعزوز جو عندهم عزوز : نعم نعم وين رايحين كانكم خدامات هاجات هههههههههههه
عقاب : اقسم بالله حلوه يعزوز ههههههههه
الهنوف : يعع سااامجيين
جود : انتم شتبون جايين عندنا
عزوز: قولو انكم انقهرتو من ذبتي ههههه
عقاب : كلكم سلق
داليا : هااه كلهم ؟
عقاب : لا يعني انتي مو معهم
البنات :العب ، عاش
داليا ضحكت : خير بنات انطمو
الهنوف : كم عاقل صار ب امر الحب هيماني😉
ضحكو كلهم عليها وكملو يمشون
رجعو عزوز وعقاب للعيال
عزوز : شرايكم يعيال نتسابق والي يوصل الرضمه الكبيره هذيك اول هو يسوي العشاء
العيال قالو تم
وقفو كلهم ( واحد ثنين ثلاثه ) ركضو والي خسر عزوز
عزوز : يعيال امزح معكم بس كنت ابيكم تركضون معي العشاء كلنا نتساعد فيه
خالد : لا حبيبي غصب عنك عليك ونبيك تضبطه لنا ناكل اصابعنا وراه
ذياب : هههههه يعزتي لك عزوز طحت بيدين خالد وزيد
عزوز : ثوبي نظيف تكفون م جبت غيره يتوصخ
عقاب : اقول امش سو ولا يكثر انت وثوبك اللي تقل خيمه مفصلينها لمهرجان الجنادريه ههههههههه
ضحكو كلهم وعزوز ركض ورا عقاب يبي يضربه
عند الامهات
فاطمه : شرايك ي خلود ب بنت المساعد الكبيره سلمى ؟
خلود : بسم الله عليها والله تجنن البنت سنعه ومحترمه لاكن امها تغث
فاطمه : م علي من امها ابيها لولدي خالد احسها تناسبه
خلود : زين م اخترتي ي ام خالد والله انها عسل الله يوفقهم
صار الليل وكل واحد راح لفراشه ينام
عقاب : عزوز ي وغد منجدك تبي تنام ؟
عزوز : لا ابي بس اليوم فيه عرس ب الحلم ب احضره
عقاب هبده: مسوي تنكت انت ووجهك المربعي المهم صدز اذا نامو الشيبان نقوم نطلع نروح عند البنات عشان نلعب معهم
عزوز : يليل حقين الحب ياخي قول عشان داليا
عقاب : لا تفهمني صح
عزوز : تم بس بقول ل ذياب وياسر يجون معنا زيد وخالد ان درو م يخلوننا
عزوز : ذياب ياسر اذا نامو الشيبان نبي نروح عند البنات ترا شرايكم ؟
ذياب سرح يفكر ب هلا وابتسم من مرت ملامحها على باله
ياسر : والله ان وراك بلاء ي ذياب المهم تم
نامو الشيبان وطلعو العيال عند البنات يبون يلعبون معهم
عزوز : طلع صوت وخرشهم
هلا : يمهه عزوززز ي حيوان انطم وقفت قلبيي
ذياب سمع صوت هلا وابتسم : عزوز ي كلب لا تخوفهم
هلا ابتسمت لذياب
ياسر : المهم شرايكم نطلع نلعب كوره بعيد عنهم ونصير فريقين عيال وبنات ؟
البنات وافقو وطلعو يلعبون معهم
عزوز : يلا تقسمو فريقين شرايكم نسوي مجموعتين ثلاث بنات وولدين المجموعه الاولى وبنتين وولدين المجموعه الثانيه ؟
ذياب : تم منو يبي معي من البنات
هلا : انا ابي معك
ابتسم ذياب : تم هلا معي ومن بعد؟
حسناء : دام هلاوي معك انا ابي بعد معك
داليا : وانا معكم
عقاب : وانا معكم اجل
ذياب : خلاص تم عقاب وداليا وهلا وحسناء معي
وياسر معه الهنوف وعزوز وجود
ياسر : يعع مالقيتو غير المجنن كلهم معي؟
جود : يع مابي مع عزوز مجنون ذا يجيبها براسي
عزوز : افا ي زوجتي م تبين مع زوجك
جود : يععع تخسي تصير زوجي ذياب شوووف المجنون هذا
عزوز : من زينك عاد امزح انا صدقتي والله ان داخلك ميت فرح بس ماني ب ماخذك
ذياب : خلاص انت وهي وغدان والله راح الوقت خلونا نلعب
لعبو وخلصو وراح كل واحد ينام
انتهى❤️
