الصبح ببيت ال فهد
فاطمه : فهد شرايك نزوج خالد ؟
فهد : ان حصلنا له بنت الحلال ف الله يوفقه
فاطمه : عجبتني سلمى بنت ال مساعد
فهد : والنعم والله ب ال مساعد خير م اخترتي اجل المغرب نروح لهم
دخل خالد : السلام عليكم
فهد وفاطمه : وعليكم السلام
فهد : تجهز اليوم رايحين نخطب لك
خالد : من وين طلعتو ب سالفه الخطبه
فاطمه : يايمه عجبتني بنت ال مساعد وقلت م تناسب الا خلود
خالد : الي تشوفونه
فهد : تجهز اليوم المغرب نروح
خالد : ان شاء الله
عند ياسر وذياب
ذياب : ياسر بسالك
ياسر: سم
ذياب : اختك هلا كم عمرها؟
ياسر : ليه شتبي منها شفيك
ذياب : لا بس بشوف هي كبر جود ولا لا
ياسر : عمرها عشرين
ذياب سكت وقام يفكر فيها وسرح
عند زيد وخالد
زيد : خلود والله اني خايف على جود اختي احسها صغيره شلون تتزوج
خالد : يرجال م راحت بعيد حنا مثل اخوانها وبين اهلها
زيد : اخ والله اني احبها م اتخيل انها تبعد عني وشايل همها
خالد : انسى الله يجيب الخير المهم امش نروح عند العيال
راحو عند العيال
زيد : يعيال وحشتوني احس
عقاب : مشوين انت نايم معنا
زيد : وانا قلت وحشتني ي عقاب الثقه الي ابدا مو فمحلها انا اقصد ياسر وعزوز
عقاب : يع يشينك ي اخوي اكرهك هههههه
زيد : انا احبك حيل عقوبي اشبع مني يمكن مع الايام راح تشتاق لي وماتحصلني
ذياب : ليه وين تغدي ليكون تسافر وانا مدري
زيد : يمكن ما تدري
عزوز : اقول زيودي حتى انا وحشتني يقلبي انت يحبيبي ياروحي
زيد انصدم : ها خير حبيبي تراني مو جود شفيك ناقص حنان خفت على اختي بتنصدم يحياتي هي
ضحكو العيال قال عزوز : يحظها فيني بتقعد تتاملني اصلا
زيد : يشيخ روح انت وشنبك كانه شنب حرمه صارلها سنه م شالته هههههههه
عزوز : اصلا يقولون الي شنبه خفيف يدل على انه رومنسي وانه جذاب والنساء ينجذبون له
زيد : تقصد كذاب مو جذاب ههههههه
عقاب قام وحضن عزوز: خير مو على عزوزي شفيك زيد اليوم ماسكه من دخلت خلاص عزوزي عادي عادي
كملو سوالف العيال
عند البنات
جود جت تركض : بناااات عندي لكم سالفه
هلا : يمه بسم الله شفيك ي المصروعه خرشتيني هذي وهي تبي تصير عروس ومصروعه كذا كنسل م راح اخذك لاخوي
جود : باخذك لذياب عشان ارتاح منك ومنه ثنينكم مدري شبلاكم علي
قامت تهوجس هلا وسرحت تفكر فيه
حسناء : المهم وش السالفه
جود : انتظرو جت قمر بروح اجيبها واخذ منها رتوجه
راحت جود جابت ريتاج وقمر
قمر : اهلااا بنات وحشتونييي اف
البنات قامو حضنوها : اوف اكثر والله
قمر : جووود ي حيوانه منجد تبين تاخذين عزوز الخبل
جود : هههههه خير مو على زوجي انتي الخبله
ضحكو البنات : اخس اخس تفزع له بعد
جود : المهم بقولكم تخيلو خالد بيعرس وتخيلو ياخذ مين؟
البنات : مييين؟
جود : سلمى بنت ساحره الجنوب
هلا : يعع تكفين بموت
الهنوف : الله احصل لي فعاليات واتهاوش معها واقولها بنت ساحره الجنوب جت عندنا ههههههه
قمر : حرام عليكم بنات سلمى يحلوها م عليكم من امها
داليا: يع تكفين تفشل امها شلون نتقبل بنتها!
قمر : عادي يقلبي م عليكم من امها اهم شي هي
كملو سوالفهم وهم مروقين مع شاي وحب
المغرب راحو ال فهد يخطبون ل خالد
فهد : السلام عليكم ورحمة الله وبركاته
مساعد : عليكم السلام يهلا والله شيخ ابو خالد
فهد : ماني مطول عليكم لاكن اليوم جيت ابي قربكم وابي بنتك الكبيره لولدي خالد على سنه الله ورسوله
مساعد : يهلا والله انا موافق ولا راح احصل مثل ولد الشيخ فهد خالد رجال والكل يتمناه لاكن القرار بيد بنتي والحين اخذ موافقتها
وافقت البنت وتمت الخطبه بعد اسبوعين الزواج والملكه مع بعض
بعد اسبوع تحديدا يوم سباق خالد وزيد:
قدام عيون القريتين والكل موجود ويطالع ومتحمسين للسباق
ياسر : يرجال مشروب فنجالك الفوز ل خالد
ذياب : انت شفيك واثق بزياده ترا الفوز ل زيد
عزوز : والله ان خويلد يفوز وتشوفون واثق ب اخوي
بدا السباق وانطلقو خالد وزيد تحت توتر من القريتين لاكن فجاءه
رصاصه ضربت صدر زيد وطاح من فوق الخيل
اركضو اهل القريتين يتصايحون وخالد يصرخ ب اسم زيد ومحد مصدق الي شاف وانتقل الى رحمه الله زيد ال صقر😔
الرصاص الي انذبح فيها زيد كانت من سلاح ال فهد
صقر : هذا اخرتها يفهد هذي اخرت الصداقه ذبحتو ولدي ذبحتوني وانا حي بكري راح راح زيد الي تقول عيالك مثل عيالي ذبحت ولدك ي فهد
والتفت على ياسر : انت السبب بكل شي انت الي ذبحته انت صار بينا وبينكم دم ودم ولدي والله م يروح عبث والله ل اخذ حق ولدي من عيونكم ل اسيح الدم ب قريه العز واخذ حق ولدي مثل م غدرتو به عشان سباق وتحدي والتفت على خالد : وانت ي خالد هذا اخوك شلون قدرت تذبحه يحبك اكثر من عقاب وذياب وذبحته شلووون وانت كل وقتك معه شلون قدرتو تذبحونههه اطيب واحد من عيالي رااااح راح وانهار طاح عليهم وشالوه عياله وهم يتوعدون ب عيال ال فهد وصار بينهم دم وذياب قال ل ياسر : الدم عمره م راح يصير ماء م ي ياسر وحق اخوي اخذه من بين عيونك وانسى انك كنت اخوي وصديقي
كانو عيال فهد وفهد منصدمين من كل شي قاعد يصير ومن اخوتهم الي خسروها ومن موت زيد لين انهار خالد عليهم
وصار الكلام بين اهالي القريتين كلهم ان ياسر وال فهد ذبحو زيد ولد صقر
وصار بينهم دم
انتهى البارت الحزين😔
