اليوم الثاني بالبر
قعدو الشيبان والعيال نايمين
فهد : يعيااال قومو صار الصبح
عزوز: يبه تكفى بنام شوي شوي بس
فهد : ضربه ب العصى : قم ل اخلي العصى يلعب ع ظهرك
عزوز : اهخ يبه خلاص قمتت بس على عزوز والدلوخ خل ينامون والله داري محد يحبني
فهد : لا حول ولا قوة الا بالله بزر انت والله بزر قم اذلف وانتم يلا قومو بسرعه خمس دقايق الي م يقوم والله ل اخلي العصى تعلم ب ظهره
قامو العيال وهم يتحلطمون غسلوا وجيههم وقعدو مع الشيبان
عند البنات :
جود : يماااه بنام شوي تكفين والله تعبانه
خلود : قومي كل البنات قامو الا انتي يلا اعجلي
جود : اخ م يخلون الواحد ينام
طلعت جود تبي تروح تغسل وجهه وحصلت قدامها عزوز دفت عزوز من كتفه : ابعد عن وجهي انت الثاني وين م اروح قدامي الله بلاني فيك
عزوز : خير خير انا جاي قبلك ي مجنونه بعدين مالي خلق لك ترا انقلعي عني
جود : عزيزوه والله اذبحك هنا واخلي الذياب تاكلك ومحد درا عنك اذلف عني
عزوز : يمه يمه خفت انقلعي تكفين
جود غسلت وراحت قعدت مع الحريم
افطرو تقهوو وجا الليل
راحت جود تتمشى وابعدت عنهم حيل لاكن م خافت وتقول ادلها قريبه علي
عند الشيبان
صقر: يفهد شرايك نرّوح يم القريه ابطيت عن الحلال
فهد : يلا والله اني زيك واشتقت للقريه
صقر : يلا اجل على قومو يعيال جهزو الاغراض نمشي
جهزو اغراضهم وركبو ومشو ولا واحد منهم فقد جود
عند جود راجعه الخيام بعد م تعبت واعطشت لاكن م حصلت الخيام وقعدت تدور خايفه
جود : يمه وين راحو يبههه ذياااااب عزوززز تكفون وينكم الهنوووفففف زيددددد ويينننكممم وين رحححتوووو يماااه
وضلت جود ضايعه ب البر لحالها محد حولها
عند سياره صقر ذياب : وين جود مو معنا!
خلود : اكيد انها تخبت مع الهنوف جنيه جويدو
وكملو يحسبونها مع عايله فهد
عند جود شافت ضو وراحت تركض عنده تحسبهم اهلها
وصلت : ذيااب زيددد عقااب انا هنا وين اختفيتو
طلع ذاك الرجال الطويل الاسمر وعيونه وسيعه وشكله مخيف : هههه يهلا والله من وين جيتيني
جود : يمه تكفى لا تسوي شي والله اني ضايعه تكفى ودني عند اهلي وقعدت تبكي
الرجال تعاطف معها وشافها صغيره ورحمها : شسمك انتي ومن وين ومنهو ابوك ؟
جود : انا جود بنت الشيخ صقر من ديره العود انت منو انت جني ؟
الرجال : انا رعد لا انسان خلاص لا تخافين برجعك لاهلك دامك بنت الشيخ صقر بس بشرط اني اتزوجك !
جود قامت تبكي : تكفى رجعني بدون شي والله صغيره مابي اتزوج مابي
تكفى
رعد : هههه ع كيفك؟ كل هالجمال وبنت الشيخ بعد وتبيني اخليك؟ ارجعك بس اتزوجك
جود : طيب موافقه بس رجعني تكفى
رعد : ادخلي الخيمه الحين اشربي ماء كولي لك شي بعدها نمشي
دخلت جود وهي خايفه وقعدت بعيد عنه
وصلو القريه ونزلو عايله صقر ذياب: بروح اجيب جود من عند عايله فهد واجيكم
راح ذياب عنده ال فهد
ذياب : وين جود
عزوز : جود وش اختك؟
ذياب : لا بنت عمي شرايك يعني
عزوز خاف ودق قلبه رعب : ليه مو معكم!
ذياب : عزوز بلا استهبال اخلص وينها جيبها برجع انام تعبان
عزوز : اقسم بالله ماهي ب معنا تكفى يولد تستهبل؟
ذياب خاف : والله م هي معنا
ركض عزوز داخل : ي جماعه جود بنت عمي صقر عندكم!
ركضت الهنوف : لاااا جود كانت تتمشى وحنا مشينا حسبتها رجعت
عزوز : م رجعت نسوها يحسبونها معنا
جو يركضون ياسر وفهد وخالد مع ذياب ل صقر وخذو صقر وزيد وعقاب
رجعو البر يدورونها
راحو لنفس المكان ودوروها لين طلع الصبح وماحصلوها انجن صقر وتعب طاح عليهم ورجعو للقريه
عند جود ورعد
رعد : يلا قومي ارجعك
قامت جود وركبو راجعين للقريه
وصل رعد ونزل وجود ركضت لابوها تبكي
صقر : يبه جود وينك يبنيتي
جود وهي تبكي : يبه ليه خليتوني ومشيتو ضليت لحالي رجعني رعد
ذياب : رعد منو؟
رعد : السلام عليكم ورحمة الله وبركاته انا رعد وهذي بنتكم جتني تبكي ضايعه وصارت امانه ب رقبتي وسلمت الامانه لاهلها
ذياب : م قصرت والله انك رجال ي الرعد ولك مننا جزاتك
رعد : جزيتي ابيها بنتكم على سنه الله ورسوله
انصدمو كلهم من الطلب
صقر : تفضل اقلط ومايصير خاطرك الا طيب
ركض عقاب ل عايله فهد : عمي فهد ابوي يبيك فيه رجال جاب جود حصلها ب البر ضايعه ويقول ابيها زوجه لي وابوي يبيك تجي
عزوز ضاقت فيه الدنيا (عزوز يحبها لاكن محد يدري)
راحو معه فهد وعياله
فهد : السلام عليكم
ردو السلام عليه وقعد
فهد : م قصرت ي رعد ولك مني الي تبيه لاكن جود صغيره ومانبي نزوجها
رعد : انا مابي شي منكم غير جود
عزوز : وجود مخطوبه مالك عندنا نصيب
انصدمو كلهم من عبدالعزيز
رعد : منو هو خطيبها ؟
عزوز : انا خطيبها وملكتنا بعد شهر نعتذر منك وجزاك الله خير انك رجعتها لنا بخير ولك مننا من الحلال الي تبي اختاره
رعد عصب وطلع من القريه وهو متضايق
صقر: شنو الي قلته ي عزوز ؟
عزوز : ي عمي اسف والله لاكن انا ابي جود
صقر : ليه م جيت من زمان وقلت ابيها ؟
فهد : استهد بالله ي صقر وم صار الا كل خير واعتبرنا اليوم جينا نخطب بنتك جود لولدي عبدالعزيز والقرار عندك وعند بنتك
صقر : انا موافق وخير نسيب عزوز ولد فهد الباقي بيد البنت
قوم ي عقاب شوف اختك موافقه ولا لا
ركض عقاب يشوف اخته
عقاب : ي حريم طريق
تغطو الحريم ودخل عقاب : عزوز خطب جود وابوي وافق والقرار بيد جود جود موافقه ولا؟
انصدمو كلهم وقامت خلود : عقاب يمه شصاير اشرح السالفه
شرح لهم السالفه كلها
جود كانت خايفه م اخفي لكم انها تحب عزوز وتغليه من هم صغار
جود : انا موافقه
باس راسها عقاب وبارك لها ورجع يعلم ابوه انها موافقه وحددو الملكه بعد شهر هي والعرس مع بعض
الهنوف : يحيواااانه بتصيرين زوجه اخوووي الله ثنينكم مجانين وتجتمعون مره حلوييين هههههه
ياركو لجود واستانسو
انتهى اليوم على خير
انتظرو البارت الجاي فيه احداث حلوه وعطوني احداث تبونها وقيموها ب التعليقات❤️❤️.
