بعد ما دخلت ملاك غرفتها على طول راحت لسريرها تعبانه مانامت زين من يوم مادخلت بيت ام عباس
نامت بعد ما صلت ل ربها شكر انها رجعها سالمه ما فيها شي
الصباح ببيت ابو عبدالله
ملاك قامت بعد ما شافت ضوء الشمس على عيونها ابتسمت
راح عمها محمد لغرفتها ودق الباب بشويش : صباح الخير
ردت ملاك بابتسامه: صباح النور
محمد : يالله ي بنتي قومي افطري
ملاك : عطني ثواني اخذ شور والبس وانزل لك
محمد: انتظرك بس لا تطولين!
قامت ملاك بكل حب اخير ارتاحت من العذاب اللي كانت عايشه فيه
طلعت من الغرفه بعد ما اخذت شور مريح
نزلت تحت وشافت عمها و عبدالله
راحت جلست ب مكانها وابتسمت لهم
عمها أعطى اشاره للخدم يقدمون الاكل
محمد ناظر ب ملاك وقال: كيف ي بنتي عساك مرتاحه
ملاك : ابشرك مرتاحه الحمدلله وكل شي تمام
عبدالله ناظر فيهم وقال ل ابوه : اجل يايبه انا استأذن بروح للجامعه أجلت ترم كامل
ملاك نزلت راسها وتنهدت كل شي صار من وراها هي
محمد و عبدالله ناظروا فيها مستغربين وش بلاها ذي
ملاك بعد ما اكلت راحت لغرفتها
العصر بعد ما رجعوا الكل من الدوامات تعبانين اللي نام واللي يكمل اشغاله
قامت ملاك بعد ما لبست شرشف الصلاه راحت للمطبخ بخاطرها اليوم هي اللي تسوي الاكل وبنص افكارها عمها دخل عليها وابتسم
محمد : ليش داخله المطبخ يابنتي كان قلتي للخدم يجبوا لك اللي تبينه
ملاك : لاا ي عمي بس كان بخاطري اسوي لكم اليوم العشاء
محمد ابتسم لها : الله يعطيك العافية ، بس اليوم بيجونا ضيوف وهم اعمامك ي ملاك
ملاك رفعت حواجبها : أعمامي! وهو كل يوم يطلع لنا واحد ماشاءالله
محمد ضحك على عفويتها : ههههه والله ادري انك راح تنصدمين بس لازم تتعرفين عليهم ي بنتي انا ما راح أدوم لك
ملاك والخوف بعيونها من كلام عمها : بسم الله عليك وش هذا الكلام ي عمي انا مالي غيرك بعد الله ابوي وما ادري عنه وش اسوي اذا رحت
محمد : ما عليك ي بنتي ابوك راح ندور عليه بس جهزي نفسك المغرب راح يجون
ملاك : طيب
راحت غرفتها تفكر الحين ابوها ما تعرف عنه شي وراح يجون اخوان ابوها تحس بخوف
《ببيت ابو عبدالله المغرب》
ملاك تجهزت لان حتى زوجات اعمامها بيجون
نزلت تحت ملاك وتشوف ناس نوعًا ما كثار
راحت مع عمها محمد عشان تسلم على اعمامها
بعرفكم على اعمامها
ابو فيصل: خالد وهو اكبر واحد بين اخوانه شخص طيب وعصبي شوي عند الخطأ وعمره 66.
ام فيصل : هاجر حنونه وتحب اولادها وزوجها وهم اولويتها الاولى وعمرها 60.
فصيل : اكبر عيال ابوه متزوج وعنده بنوته ومتعلق فيها كثير عمره 29.
رنا : زوجة فيصل شخصيتها محبوبه وتحب الوناسه عمرها 27.
سدن : بنت فيصل ورنا دلوعة جدها وطلباتها اوامر عمرها 5 سنين.
نواف : ثاني اولاد خالد شخص غيور لأبعد درجه ع اخته عمره 22.
فرح : اخر العنقود دلوعة الماما و البابا واكيد حب حياتها سدن وهي شخصية حساسه واي كلمه ممكن تأثر عليها و تبكيها وتكون تؤام نواف وعمرها 22.
عمها الثالث أصغر من ابوها
ابو لين : علي حنون ويحب وحيدته لين ومتعلقه فيه كثير ويخاف عليها من نسمة الهواء وعمره 53.
ام لين : حصه حنونه مثل زوجها ومتعلقه ببنتها كثير وعمرها 49.
لين : خجوله كثير وتحب نفسها وامها وابوها يحبوها
وعمرها 20.
نوره : هي اصغر وحده حبوبه وتحب تسولف والكل متعلق فيها وتحب بنات اخونها وعمرها 29.
راحت سلمت عليهم
خالد (ابو فيصل): اهلين ي بنتي كيف حالك
ملاك بتوتر : اهلين ي عمي بخير الحمدلله
علي (ابو لين ) : ياهلا والله كيفك
ملاك حست ان عمها هذا حبوب على طول يدخل القلب : هلابك الحمدلله بخير
راحت مع عمتها نوره عشان تسلم على زوجات اعمامها
ام فصيل (هاجر): اهلين ي ملاك كيفك
ملاك: هلا بك بخير الحمدلله
وسلمت على حصه (ام لين ): ياهلا والله بنتنا ملاك
ملاك ارتاحت ل زوجة عمها علي : هلا فيك ي قلبي
بعدها سلمت على فرح و لين
وكانوا عسل على طول حبتهم وارتاحت لهم مره
