ودع سياف اهله والكل دموع لأنهم متعودين عليه مره ومتعلقين فيه وابوه يعتبر سياف يده اليمين وصل للمطار وشاف متى الرحله حقته وكانت الساعه 9:30 يقلعون وباقي نص ساعه بس
سياف حس بشي غريب خايف يصير شي ب الرحله ذي : بسم الله انا شبلاي؟ راح يشتري له شي يتقوى عليه شاف رجال ماسك يد بنت ويبتسم جاء بباله سحر حس ب اشتياق بس تعوذ من الشيطان ومشى
بأمريكا
سحر تسولف مع أمها بحماس صحت مروقه تحس بشي حلو بس ما تعرف ايش سببه : مامييي احس بشي حلو راح يصير ما اعرف وش هوااا
ام سحر (زينب ): ي حبيبة ماما انتي ان شاءالله دايم كذا مبسوطه
سحر: ماما ايش رايك نطلع اليوم
ام سحر : من عيوني كم عندي سحر انا؟
قامت سحر وحضنت امها : ي روحي ي ماما والله
تصدقي ي ماما من بعد ما توفى بابا وانتي معوضتني عن كل شي ما نقصني شي طول عمري ما حسيت ب اي شي ناقص صح ما عندي اخوان لكن خوالي كفوا ووفوا الله لا يحرمني منك ي ماما
نزلت دمعه من عيون زينب : ي حبيبتي ي سحورتي ان شاءالله دايم ما ينقصك شي دامني حيه انا ما راح ارتاح الا يوم يجيك العريس اللي ما يحرمك من شي ويخاف عليك
حز بخاطر سحر شوي تذكرت ايام الطفوله و المراهقه للحين ما نست سياف للحين تحبه تبي تعرف هوا تزوج ولالا تخاف تحلم فيه واخر شي يطلع متزوج وعنده عيال : ماما ي قلبي انتي ان شاءالله يجيني الرجال اللي اتمنها العمر طويييل ي ماما لا تخافي علي تمام ؟
ام سحر : ي قلبي ان شاءالله يااارب
باست سحر راس امها ودخلت غرفتها طلعت صندوق وسط فتحته اول شي طاح عيونها عليه كانت صورتها هي وسياف كان سياف ماسكها مع خصرها وهي تبتسم وطالعه غمزاتها والشمس جايه على عيونها ومخليتها جميييله نزلت دمعه من عينها دون سابق إنذار قالت : وينك ي سياف انت ما تدري اني مو بس حبيتك انا ما نسيت يوم جبت لي شكولاتة و يوم تدافع عني ياارب اجعله من نصيبي يارب
لبست وطلعت مع امها برى وكان الجو غيوم وأخذت المظله حقتها للاحتياط
وصل سياف ل أمريكا بس تعب دام 12 سااعه كان حاجز ب احد الفنادق ويوم وصل للجناح على طول نام من التعب
ب المالديف
نايف طلع يجيب فطور ولأن ملاك تحب الخبز فطلع يجيب لها بس مو اي خبز لا
وصل للبيت وفتح الباب ودخل لقى ملاك مسويه الفطور
نايف : الله يسلم هاليدين وباس يدها
ملاك : الله يسلمك يلااا اجلس ما بقى شي والشاي خلصته
نايف: حتى واحنا مو ب السعودية الا تجيبي معك شاي
ملاك : افاااا ما عرفتني تراني مهووسه شاي لاازم تعرف ومو اي شاي لا شاي السعودية غيير الله يعزنا يارب
نايف قطع له خبزه : ههههه والله ما دريت ان زوجتي تحب الشاي هالكثر اجل وش بقى لي
سوا نفسه زعلان قامت ملاك وجلست جنبه
ملاك : نيوووف والله ما قصدي كذااا انا احبك اكثر من الشاي وش تبي بعدد
ابتسم نايف وقال: ما ابي شي غيرك انتي بأس جبينها الله لا يحرمني منك ي عيوني
ملاك نزلت راسها وقالت : ولا منك يارب
كملوا فطورهم بعدها طلعوا لان الأجواء خييااااال
