الساعه 10 بالليل بتوقيت السعودية
لين قاعده تكلم فرح : اف والله مليت لو ملاك موجوده بس
فرح بيأس : صدق والله مره ملل بس وش رايك بكره تجين عندي ونروح السوق بعدها او تنامي عندي ؟
لين : واااييي تم ع الساعه 4 اجيك ونروح السوق وبعدها نسوي فعاليات
فرح : الله حمستيني
لين : اسمعي ي قلبي ماما تناديني بروح لها يلا مع السلامه
فرح: مع السلامه ي قلبي
قفلت فرح الخط وبالها للحين مع انس ايش وراه وايش ورا خطبته لي مستحيل يحيبني من كلام رهف عني افف مع ان مره على جيتهم 5 ايام بس للحين ببالي
جاء اتصال ل انس وطلعوا من حق الطياران وان لازم يروح بعد ثلاث اسابيع على طول قال ل ابوه عن الموضوعابو سياف: والله ي ولدي الموضوع ذا ما اعرف وش بيصير بس لازم تكلم عمك ابو فيصل اخاف تصير مشاكل
انس : لا يبه ما عليك بكلمه الحين
ابو سياف: اي احسن يلا انا بروح انام تصبح ع خير
انس وهو يفكر وش يقول ل ابو فيصل : وانت من اهله
دق على ابو فيصل ورد على طول
انس :السلام عليكم ي عمي
ابو فيصل : هلا والله وعليكم السلام
انس ب ارتباك : عمي والله اني مستحي منك بس..
ابو فيصل : ليه وش فيه ي ولدي
انس: عمي توهم اتصلوا علي من الجامعه اللي بسويد يقولوا لازم اروح بعد ثلاث اسابيع وانا ما اقدر اروح واترك زوجتي هنا لحالها لاني بطول ب الدراسه
ابو فيصل وهو متفهم الوضع : فاهم عليك ي انس انا بقول ل فرح وان شاء الله انها تقتنع
انس وهوا يحس براحه : الله يريحك ي عمي يلا انا استأذن
ابو فيصل: الله معك
بعد ما قفل ابو فيصل راح لغرف فرح ودق الباب
فرح: تفضل
ابو فيصل : زاد فضلك فاضيه اكلمك؟
فرح : اي عادي بابا
ابو فيصل: يبه فرح قبل شوي دق عليك زوجك
فرح جاها مغص وش زوجي!: اي وش يبي ؟
ابو فيصل وهو يحكي لها كل شي ويفهمها
فرح : طيب بابا انا بصير زي البنات ما ابي كذا وصارت تبكي
ابو فيصل كل شي عنده عادي الا دموع فرح لأنها غاليه عليه : يبه فرح والله بسوي لك ب افخم القاعات بس انتي وافقي
فرح وهي تبكي:اللي يريحك بابا
حضنها وباسها على راسها : الله يتمم لك على خير ويسعدك يارب
فرح وهي تمسح دموعها : امين يارب
طلع ابو فيصل وأعطى انس خبر
أنت تقرأ
رواية شفتها ومادريت انها من نصيبي.
Adventureبطلتنا ملاك عاشت اسوء الأيام بس قدرت تتخطها بفضل الله ويقع بحبها نايف اللي ما تجمعهم صلت قرابه بس يتشابهون بطيبة القلب و الحنيه للكاتبة: بيـان