البنات ناموا بعد ما شافوا الفلم واللي كان من اختيار ملااك
وكلهم بنفس الغرفه ونفس السرير لان محد رضى ينام تحت وأشكالهم لا تعلى عليها كل وحده بتجاه
《 الصباح الساعه 9》
محمد طلع للحوش : يالله صباح خير
عبدالله سمع صوت ابوه : يبه وش تسوي مو المفروض تكون ب الشركه
محمد لف عليه: هلا عبدالله لا اليوم ماخذ اجازه لان بنروح بكره البر لا تنسى انه خميس
عبدالله وهو توه يستوعب : اهاا العيال امس قالوا انهم راح يطلعون البر
《بغرفة البناات》
ملاك قامت وهي تحس بوجع ما نامت زين كل وحده تضرب من جهه: اففف ي بناات قوموا يلاا
فرح وهي تتقلب: ملاااك انقلعي عني ترى ما نمت الا الساعه 4
لين كانت بسابع نومه
ملاك : اف خلاص ناموا بروح لعمي
ملاك : السلام عليكم
محمد: وعليكم السلام ياهلا والله
ملاك : هلا فيك ، عمي عادي لو نروح العصر للمول ؟
محمد وهو يبتسم : ابشري من عيوني (وهو يأشر على عيونه)
ملاك : تسلم الله يخليك لنا يارب
《ببيت ابو فيصل 》
ابو فيصل: ام فيصل بكره ان شاءالله نروح للبر نقعد ثلاث ايام
ام فصيل : زين الله يقويكم اعطيت خبر ل اخوانك؟
ابو فيصل: اي قلت لهم بس وين العيال ؟
ام فيصل : نايمين بقومهم الحين
ابو فيصل: اجل انا بستأذن عشان اروح للشركه
ام فيصل بحب : الله معك
راحت ام فيصل للعيال عشان يقوموا يفطروا
هاجر : قوم ي نواف
نواف وهو تعبان ويفتح عينه بشويش: اممم طيب بس شوي خمس دقايق
هاجر: اقول قوم يلا
نواف وهو يتأفف: طيب الحين بقوم
هاجر عصبت وهي تضربه بشويش ب المخده : اف اجل اوريك
نواف يضحك لان شكل امه وهي معصبه تضحك : ههههه طيب يلا بقوم بقوم
هاجر(هذا وش بلاه ما يستحي)
《بيت ابو لين 》
علي : ياصباح الخير والفل
حصه وتبتسم له : صباح النور اشوفك مروق جعله دايم
علي وهو مبتسم : بكره نروح للبر ان شاءالله مع اخواني
حصه: زين اجل بعطي لين خبر
علي : اي قولي لها
《 العصر والكل مروق 》
مجتمعين ببيت ابوهم (الله يرحمه )
ابو عبدالله و ابو فيصل و ابو لين قاعدين يخططون لمشيت بكره
اما الحريم يسولفون ومبسوطين
《 البنات 》
لين : وناااسهه اخيرا راح نطلع البر انا قلت مره لبابا بس كان مو فاضي
ملاك : والله انا خايفه اول مره اطلع
فرح : عادي والله وناسه وبابا عنده استراحه هناك اكيد نروح لها وفيه احصنه وبقول لماما اننا نستأجر دبابات وناسه
ملاك وهي تتذكر وش صار لها ابدا مو مستعده لشي زي كذا
فرح و لين يناظرون لها : ملاك فيك شي !
ملاك والدمعه بعينها : لالا ما فيني شي انتوا روحوا جهزوا
ملاك ولين راحوا عند أمهاتهم
جات نوره : وينك اليوم ما شفنا الحلوه
ملاك تحب عمتها بشكل مو طبيعي: اهلين ي عمه
نوره : لاا عيونك تقول ان فيك شي (نوره كانت تدرس ب علم النفس ف تعرف أي أحد من عيونه)
ملاك وبقلبها كيف عرفت : هههه ما فيني شي شدعوه
نوره جلست على الكرسي اللي مقابل سرير ملاك : ملاك مو علي انا اعرف ترى والله اعرف قولي لي تعالي ماني بقايله لحد
ملاك وهي ارتاحت لكلام عمتها: عمه انا مابي اروح للبر
نوره وهي عارفه وش السبب : عادي ي قلبي ما فيها شي توكلي ع الله واقري اذكارك وبإذن الله ما يصير شي
ملاك : عمه والله اخاف واكيد البنات بعدين يبون نطلع نتمشى
نوره وهي تمسح على ظهر ملاك : ي ملاك ما فيها شي عادي تعوذي من الشيطان لا تخلين افكار الشيطان تخليك تخافي نصيحه
ملاك وهي تضم عمتها وتبكي : انا وش اسوي بدونك ي عمه
نوره ابتسمت لها وقالت : يلا خلينا نروح قبل لا أحد يحس
