ولم يكُن لقائٌنا إلاَ بِداية حكايتُنا

البارت "4"

لمى : اذا كان محترمك ومقدرك بيقدر يسكن بقلبك الموضوع واقف عليه وعليك بعد
اذا شفتي فيصل يحاول يكسر الحواجز لا تصدينه ساعديه بعد بس بحذر
غلا تنهدت : ان شاء الله
ورجعو سكتو الاثنين وصار بينهم الهدوء بس لمى قطعت الهدوء يلي صارت بينهم وهي تنطق
علي الاقل بقلبك فيه احد مو انا خالي
غلا عقدت حواجبها : وخالد ؟
لمى :شكله انا يلي تسرعت بقرار الزواج ماهو بانتي
غلا : ليش قلتي كيذا
لمى :ماعرف بس من قرب ملكت وفيه ضيقه بداخلي مو راضيه تروح 
غلا : ليش
لمى : تعرفين من يوم الملكة ماعرف عنه شي حتى رساله ما ارسل مابي شي بس كان على الاقل اعتذر عن تصرفه يوم الملكه محد عارف انا قد ايش انحرجت
غلا : لمى اذا تحسين ان فيه شي غلط من البدايه اقطعيها تراك باقي على البر
لمى : شلون على بر وانا صرت زوجته
غلا : اهمشي لا تستعجلين يا لمى وفكري بلموضوع اكثر
هزات راسها لمى بـ ايه : ان شاء الله بفكر
وتركتها لمى ووقفت قدام البحر وهي تتامله ناظرتها غلا واتجهت لسياره وخذت ترمس الشاي
واتجهت للمى وهي تصب لها
ابتسمت لمى : تعرفين تجيبين راسي
غلا : لا تخافين ويلي كاتبه ربي بيصير واعرفي ان هذا نصيبك بلحياه فقط عليك بدعاء
تنهدت لمى : الله ييسرها

~بيت ابو سعود~
دخلت مكتب ابوها وسلمت عليه
المها :شلونك يبه
ابو سعود : على ما تحبين يا بنتي امريني !
المها : يبه اذا ماعندك مانع تقدر تغير المحامي ؟
ابو سعود : ليش يبه ايش فيه؟
المها : يا يبه سألت عنه وبحثت وكلهم تقريبا نفس الجواب ومحد يمدحه لي ابدا
ابو سعود : بس يا بنتي مافي وقت وكل ماعرضت مشكلتك لاحد يرفضه
المها : عندي وحده بكلمها وباذن الله ما بتعارضني
ابو سعود : من ؟
المها : لمى بنت فارس ال زيد بنت شريكك
ابو سعود : تصدقين فعلا ومكتبهم معروف بعد
المها : انا بكلمها وباذن الله ما رح تردني
ابو سعود : بس يلي اعرفه يا بنتي ان لمى بتاخذ اجازه طويله ولا ؟
المها : ماهو بضروري تكون لمى بس على الاقل نتعامل مع مكتبها
ابو سعود : على زين اجل نكلمها
المها : تسلم يا يبه والحين انا استاذن
طلعت المها وتركت ابوها في المكتب

~بيت ابو فيصل ~
دخلت غرفتها من بعد ما وصلتها لمى ناظرت بلغرفه ما شافت احد
خذت زياد وددته على غرفته وبعد ما بدلت ملابسه ونومته طلعت من الغرفه لغرفتها
وشافته قدامها ناضرته وطنشته وهي تنزل عبايتها وتعلقه وخذت بجامتها وراحت للحمام
بعدها طلعت وهي تتوجه للتسريحه تحط من كريماتها وقفت من سمعت فيصل
فيصل : اسف كان مضغوط وحطيت كل حرتي فيك
غلا تركته يلي بيده وهي تعدل جلستها وتناظره : ومن قالك ان انا اداه تفريغ الغضب
فيصل يلي سكت هو خجلان من نفسه ومن حركته اليوم
غلا : لا تسكت يافيصل وهو شي واحد بقوله لك اذا كنت مضغوط او معصب لاتجي وتفرغ فيني
يا تجيني تفضفض وانا اسمعلك يا لاترجع البيت
وقامت من مكانها وهي تسكر لمبات وطنشه وتنسدح بسريرها وتغط بنومها