ولم يكُن لقائٌنا إلاَ بِداية حكايتُنا

البارت "28"

~بيت ابو سعود  ~
طلعت من المطبخ وهي تحط القهوه على طاوله وتنطق : زارتنا البركه والله امي وابوي عندي يا بختي
ضحك ابو عبد العزيز بخفه وهو ينطق : والله وانا ابوك ماكنا ناوين على الجيه بس هذا عزيز ماخلينا نفطر حتى زي الناس وهو ماخذنا غصب عشان نزورك اليوم،،، ابتسمت ام سعود : زين ماسويت ياعزيز امي وابوي اجل يبيلكم كيذا عشان تزرونا
ام عبد العزيز : لا تعاتبين يايمه احنا كبرنا خلاص وماصار فينا شده نجيكم ابقو انتي وخيتك زورونا مو احنا
ام سعود : والله اني عاذرتكم يا يمه معليك مو شايله بخاطري بس عزيز دامك جمعة الشمل دق على
شيخه خلها تجي بعد ،،عزيز يلي كان يهز رجله بخفه وينطق : تمام الحين ادق بس قبل ابي الحمام واجي ادق ،، تركهم وهو يتجه للحمام
بس وقف عند الدرج الفاصل وهو يغير اتجاه للمطبخ ويدخل وهو يرسل رساله للمها تجيه الحين للمطبخ بدون لاتقول لاحد وانها بتروح تشرب مويه بس ،،كانت قاعده هي وريوف وهم يسولفون مع جدهم وياخذون اخباره وعقدت حاجبها بعدم فهم وهي تشوف رساله عزيز وهي تلحقه للمطبخ بوجه مو فاهم شي ونطقت : صاير شي فيه شي
عزيز يلي تركها وهو يسكر باب المطبخ وينطق بخفه : اسمعيني الحين وبعدها حققي بس الحين لارجعنا داخل
بفتح موضوع وبقول لامي وابوي انه ودي اخطب ،، شهقت بفرح وهي تنطق : احلف اما بتسويها
مسك فمها بوهقه وهو يكمل : اصص فضحتينا الحين اسمعيني ولاتسوين شي وزي ما قلت بعدين حققي
انا بفاتحهم بلموضوع وبقول لهم انتم اختارو البنت يلي على هواكم بس انتي بتنقزين وتقطرحين عليهم انه ياخذولي ايلاف بنت عم حرم سعود ،، وسعت عينها بصدمه وهي تصغر عينها بشك : والله ان كلام ريوف صح من زمان وهي تقولي وانا اقول لا يتهيألك وطلعت حبيب يا الخال ماعرفتك بس زين ماخترت يا خال
ابتسم عزيز وهو ينطق : لو داري اني مفضوح عند ريوف كان كلمتها ولاكلمتك يا مفضوحه وبعدين انا عزيز اكيد مابختار الا زين وبس  المهم انتي اطلعي قبلي وانا بعدين اللحقك وحاولي تقنعينهم بكل طرق سوي اي شي واقنعيهم تراني معتمد عليك يا المها ،،ضربه على صدرها بخفه وهي تنبتسم ببتاسمه وتنطق بخفه : ازهلني يا الخال ان مابيضتها لاتسميني بنت اختك ،،ضرب كتفها بخفه : عساك القوه اطلعي يلا
هزات راسها وهي تطلع من المطبخ وهي تهز راسها بخفه وهي تحاول تخفي علامات الفرح الواضحه بوجها
وهي تشاركهم القعده بصمت وهي تناظر بعزيز يلي توه جا وهو يجلس جنب ابو سعود وهو يدق على شيخه تجي
وسكر الجوال وهو يتنحنح وينطق : يمه يبه ابيكم موضوع
ابو عبد العزيز : لاتقولي انك بتفتح فرع جديد ياعزيز خلاص اعتقنا بنفلس ورا محلك
ضحك بخفه وهو ينطق : لا هالمره غير هي بكل الحالتين انت خسران بس المره هاذي خساره انت تحبها
ام عبد العزيز : عساها الزواج بس تكفى يايمه قول ايه وفرحني
ابتسم ام سعود يلي نطقت : ماعجزتي يا يمه ماتعرفين عزيز ياما قال لنا انه مايفكر بزواج
ابتسم عزيز يلي نطق : والله هالمره يوخيتي انك غلطانه واقول ان هالمره انا جاهز للزواج ودوريلي على بنت الحلال يا يمه
فزت بفرح وهي تنطق : الله يبشرك بلخير يا يمه والله يفرح قلبك مثل مافرحت قلب امك والله
عزيز يلي ناظر للمها وهو يغمز لها ونطق : ايه يا يمه بس ابيك دوريلي على وحده على جوي مابيها سنعه ابيها تكون جميله ودايخه مثلي
ام عبد العزيز : والله اني عارفتك يا ولدي وعشان كيذا اخترت لك حصه بنت خالك مصفوقه مثلك
وسع عينه بوهقه وهو يأشر للمها تتكلم وهي تشرب بقهوتها وتبتسم له بفهاوه تتصنع الفهاوه وهزات راسها بمعنى ايش تبي ارتخت ملامحه بصدمه
من المها يلي مسرع مانست الموضوع ونطق بورطه : لا لا يمه شوفيلي غيرها
ام سعود : يمه بنت عمي ساره بعد حليله مافيها ،، ناظر المها وهو يحرك حاجبه لها يبغاها تنطق والمها مصره على موقفها عض شفته بورطه
وهو ينطق : لا لا هاذي سمعت ولد عمتي يبيها مانبي مشاكل
ابو عبد العزيز : ايه حتى انه كلمني يبنا نخطبها له
ام سعود : حسافه والله عاد والله انها عسل ،،ناظرت بناتها وهي تنطق انتو يا يمه ماتعرفون احد او شي
اخذ نفس وهو يناظر للمها وبترجي يبيها تنطق : ايه بنات اختي ماعندكم احد منا ولا منا
ريوف بتفكير : لا والله مافيه عندي حتى انه اغلب بنات العائله تزوجو بس جده اشرايك ببنات نسايب
ام عبد العزيز : من تقصدين
ضحكة المها يلي رحمت عزيز يلي بدا يعرق وهو يبيها تنطق ونزلت فنجانها ونطقت : ايه والله جابتها ريوف واشرايكم بايلاف بنت عم لمى حرم سعود
صراحه تنحب وناس نعرفهم من زمان حتى انه يابوي انت تعتبر شريك مع ابوها والبنت من عائله محترمه ونفس جوه ولابعد ازود سنعه ومصفوقه
بتكون على جوك وعلى جوه يا جده ،، اخذ نفس براحه وهو يتوعد المها بنظراته وكان صامت يقرا ملامح امه يلي نطقت : ايه والله انك جبتيها يايمه
ها عزيز ايش قولك
عقد حاجبه وهو يمثل انه يفكر وابتسم بخفه من سمع المها يلي نطقت : عشتو مسوي يفكر لا شكله جازتلك عاد نسايب ولا اروع
تنحنح وهو كابح ضحكته : والله اذا انتو تشوفون كيذا اجل خلاص الله يكتب يلي فيه الخير
ام عبد العزيز : صدق يا يمه خلاص نخطبها لك
عزيز : شوركم وهدايه الله
ابو عبد العزيز : اجل بعد العيد باذن الله نروح نخطبها من ابوها وانت يا راشد تعرف ابوها صح
ابو سعود يلي ناظر المها : بنت مين بضبط فيهم من اعمام لمى
المها : على ما اعتقد اسم ابوها غازي ابو حمد
ابو سعود :ايه وصلتي خير ايه ياعمي اعرفه
ابو عبد العزيز :زين اجل بعد العيد نطلع ونخطبها لولدنا ،،عزيز باستعجال :ليش يبه مانطلع بكرا ونخطبها لي اخاف البنت تضيع من يدي
رفعت حاجبها وهي تنطق بسخريه :عشتو مسرع حبيتها يا خال
بتهديد للمها ونطق بترقيع : لامو عشان سالفه حب بس مابي اتعب على سالفه ندور البنت يلي تليق لي خلاص دام لقيناها نروح بكرا ايش فيها
ابو عبد العزيز :وانت صادق نطلع ونخطبها لك الخوف مو من البنت الخوف منك بعدين تغير رأيك ونرجع نحاول نقنع فيك
ابو سعود :بس عطو رجال خبر اول انكم بتزرونهم
ابو عبد العزيز :عطني رقمه لو كانت عندك وانا اكلمه الحين
ابو سعود يلي فتح جواله وهو يدور على رقم ابو حمد وهو يعطي عمه يلي قرر من بعد صلاه التروايح يدق عليه ويعطيهم خبر ان هم بكرا جاينهم
اخذ نفس براحه وهو يبتسم ويناظر للباب من دخلت شيخه ام مازن وهي تسلم عليهم ويتركهم ابو سعود لوحدهم وهو يطلع عشان ام مازن تاخذ راحتها معهم ،،وعزيز يلي قام وهو يمسك المها من يدها وينطق :تعالي ابيك بشي
المها يلي مسكه يد ريوف معها وهم يدخلهم المطبخ ويتفاجئ بريوف يلي معهم وكانت مصدومه ونطقت :ايش فيكم انتو الاثنين والله وراكم شي اصلا نظراتكم لبعض ماريحتني ،،وفزت من صرخت المها وهي تنط ورا ضهرها تستنجد فيها وتنطق :انا في وجهك يا ريوف
ريوف بعدم فهم :ايش بلاكم انتو الاثنين
عزيز ويلي بيده ملعقه الخشب يبي يضرب فيها المها ونطق :والله العظيم مانتي كفو نشفتي دمي عيني بغت تطلع من مكانها اجل خل الموضوع عندي
ضحكه وهي متمسكه بضهر ريوف :بنهايه هذاك بتاخذها ايش تبي الحين
عزيز :بعد ايش طاح قلبي لا يختارون لي وحده ثانيه
ريوف يلي صغرت عينها ومن خوارها بدت تأكد شكوكها :خالووو عيني بعينك طلعت تحب
قامت المها وهي تضرب بكتف ريوف وتنطق :والله انك داهيه فعلا طلع يحب ولا بعد مثل شكوك
ريوف :والله اني قايله وعشان كيذا ترى قلت ناخذ من بنات عم لمى قلت لو انقال اسمها ببصم بلعشر بعد
عزيز :جنيه ماينشره عليك كل شي تعرفينه بس تصدقين ليتني قلت لك انتي من الاول بس قلت هاذي مصفوقه بتعبني معها وهاذي المها العاقل يلي بتوقف مع خالها ايش بلاك انتي ايش صار لك ولا عاشرتي هاذي وانصفقتي معها
صغرت عينها : اجل انا المصفوقه تستاهل يلي سوته فيك المها
ابتسمت المها يلي شبكه يدينها بذراع عزيز وتنطق :دعابه دعابه اشفيك خالو
عزيز :خال تخلخل عظام العدو قولي امين
المها وريوف بصوت واحد :اميييين