كنا واقفين أنا ويونس قدام البيت، بعد ما حط شنطه في العربية وقالي أن عمو أنيس قرر يعاقبه.
وَنَس__أنا مش فاهمة يا يونس، يعني ايه متعاقب، وليه؟
يونس__أستخدمت قوتي بشكل غلط.
وَنَس__يونس أنا بجد مش فاهمة!؟
حمزة__هو أنتِ مش واخدة بالك مثلًا من الدُنيا اللي مطرت فـ أغسطس؟ طب بالنسبالك عادي أن الصدفة تخلي واحد يبقى معاه شمسية في الوقت ده؟ طب النجوم اللي كانت بتلمع زيادة؟
وَنَس__أنتَ اللي عملت كل ده؟
كنت ببصله مستنية أي رد يطمني، بس كان واضح على ملامحه أن هو اللي كان قلقان ومحتاج يطمن، وأنا كنت عاجزة مش عارفة مفروض أعمل أيه، ولا حتى عارفة هو رايح فين.
حمزة__أحنا لازم نمشي عشان منتأخرش.
وَنَس__هترجع أمتى؟
يونس__لسة مش عارف، بس متخافيش ، أوعدك أن كل حاجة هتكون بخير.
فات شهرين على سفر يونس، كنت حاسة فيهم بأن حد بيخربش على جدار قلبي ، وكل اللي كنت بفكر فيه أمتى هيرجع، أنا مش حابة الحياة من غيره.
وَنَس__مالك يا يوسف قاعد حزين كدا ليه؟ كنت خارجة من البيت لما شوفت يوسف قاعد في الجنينة، وشكله تايه وسرحان.
يوسف__مريم سابتني.
وَنَس__سابتك ليه؟
يوسف__بتقول أنها حاسة بـ حاجة ناقصة معايا.
وَنَس__طب وأنتَ حاسس بـ أيه؟
يوسف__هي معاها حق، مهما حاولت عمري ما كنت هقدر أديها شعور كامل، كنت هفضل طول حياتي عايش بـ نص قلب.
جه في بالي كلام يونس عن أميرة ويوسف.
وَنَس__بسبب أميرة؟
يوسف__حياتي كانت ماشية مظبوط لحد ما هي ظهرت.
وَنَس__مش يمكن أنتَ اللي كنت بتحاول تقنع نفسك بـ أن حياتك ماشية مظبوط؟
يوسف__محتاج أتكلم معاها.
وَنَس__متقربش من حد وأنتَ مجبر على القرب ده.
يوسف__أنا مش مجبر أقرب، أنا مش فاهم نفسي الفترة دي وهي أكتر حد أنا محتاجه.
وَنَس__ممكن تفهمني حاجة؟
يوسف__عن رفيق الروح مش كدا؟ كل حد في الدنيا له رفيق روحي ربنا كاتبهوله، في ناس بتكون محظوظة كفاية عشان تقابل الشريك ده، وناس بتعيش عمرها كله وتموت مع ناس غلط وهيفضلوا لحد ما يموتوا حاسين بالنقص وعدم الأمان... لأن بكل بساطة هما مع الشخص الغلط، بس أحنا عندنا ميزة شوية، عندنا علامة بنقدر نعرف الشخص ده منها.
وَنَس__علامة ايه؟
يوسف__بنشوف هالة الشخص ده.
وَنَس__أنتم بتقدروا تشوفوا هالات الناس؟
أنت تقرأ
مطر أغسطس
Romance⥢يبحث يونس عن نصفه الآخر. ⥢قصة حب بالعامية. ⥢الرواية قيد التحويل لنسخة فصحى. جميع حقوق الرواية محفوظة بالكامل للمؤلف. لا يُسمح بالنقل أو الاقتباس دون إذن مسبق.
