Unicode
"ဟမ်!!! တီချယ်! .. တီချယ်မေ ကနောက်တစ်ဗိုက်လုပ်လား!!"
ဆု ထံမှစကားသံမကြား ခေါင်းကိုသာ အသွင်သွင့်ညှိမ့်လေသည် ။ မြတ်နိုးနှင့်နန္ဒာကတော့ အတော်လေးအံ့ဩသွားသည့်ပုံ ။
"တီချယ်မေ ကလည်းနော် တွေ့လိုက်တိုင်း ရန်ဖြစ်နေလို့သာဘဲ ၊ ရန်များမဖြစ်ရင် အမွှာတောင် မွေးမလားမသိဘူး ဟီး!!"
"မိဆုတော့ အငယ်လေးထိန်းရတော့မယ် ဟား! ဟား!"
သူငယ်ချင်းသုံးဦးသား ကန်တင်းတွင် ထိုင်နေကြလေသည် ။ အသက် ၄၁ နှစ်အရွယ် မိခင်ထံမှ ရုတ်တရက်ကြားလိုက်ရသော စကားကြောင့် အနည်းငယ်တော့ ကြောင်အမိသွားလေသည် ။
သို့ပေတည်း အိမ်ထောင်တစ်ခုမှာ သားသမီး ရတာ အထူးအဆန်းမဟုတ်ပေ။ ဆု ကတော့ အငယ်လေးထိန်းရဦးမည့် အဖြစ်ကို မြင်ယောင်နေမိသည် ။
မေးထောက်၍ ဘဝရဲ့ အနာဂတ်အကြောင်းကို တွေးတောနေသည့် ဆု ၏အနားသို့ သတိုးစည်သူ ရောက်လာလေသည်။
"ဆု! .."
"ရှင်! .. ဪ .. သတိုး"
"ကျွန်တော် အဝေးကနေကြည့်နေတာ ဆု နဲ့တူပါတယ်လို့"
"ဟုတ်ကဲ့ ဆု တို့ဒီနေ့ နေ့လည်အတန်းမတက်ဘူးလေ"
"ဒါကြောင့် ကန်တင်းမှာတွေ့နေတာကိုး ကျွန်တော်လည်း အတန်းလစ်လာတာလေ ဟို .. ဒါနဲ့လေ ဆု"
"ဟုတ်ကဲ့"
"မနေ့က အဆင်ပြေရဲ့လားဗျ ဆု ရဲ့ .."
"ဟဲ့!! မိဆု!! ငါတို့ ရုပ်ရှင်ကြည့်ဖို့ အချိန်နီးနေပြီ! သွားရအောင်"
"ဪ .. အေး အေး"
မြတ်နိုးမှ ဆု ၏ လက်ကို အတင်းဆွဲ၍ ကန်တင်းမှ ထွက်လာလေသည် ။ သတိုးစည်သူ ၏ အမူအယာတွေ အကြည့်တွေကို မြတ်နိုးမကြိုက်ပေ။ အိမ်ထောင်သည် အမျိုးသမီး ထံသို့ ချဉ်းကပ်လာသည့် သတိုး၏ ပုံစံသည် သိပ်ကိုရဲတင်းလွန်းသည်ဟု ထင်ရသည်။
"ဟဲ့! မိဆု! သတိုးစည်သူ နင့်ကိုကြည့်တဲ့ အကြည့်တွေကို ငါတစ်ကယ်မကြိုက်ဘူး"
"အဲ့ဒါတော့ ဟုတ်တယ် ၊ နင့်မာမီသိရင် ပြဿနာအကြီးအကျယ်တက်မှာနော် ပြီးတော့ နင်က အိမ်ထောင်သည် လူလွတ်တစ်ယောက် မဟုတ်ဘူး အရမ်းမရောနဲ့"
YOU ARE READING
Mommy Wife (Completed)
Romanceယူ့သမီးလေးကို တို့ သဘောကျလို့ အပိုင်ပေးပါလား (ဒေါ်တင်မမမောင်)