مـن يـوم شـفتك وانا في داخلـي ونهَ

بارت 6...

دش راشد لغاليه وكانت غاليه ناشه بس صاده عنه
راشد : سامحيني غلوي
غاليه بلا رد
راشد : والله لو ادري صج كنتي تعبانه كنت برقد معج
غاليه (ببرود) : ابا اطلع
راشد : بنطلع بس سولفي
غاليه : اليوم الاربعاء ليج ما رحت دوامك
راشد : واسطه
غاليه : احين اذلف برا ابا ارقد
راشد : شف الاسلوب ، قاعد على جبدج ما بطلع
غاليه : ابا عموتي تيي
راشد : انا قايل لها امس من رحنا المستشفى رسلت يعني من بتشوف اكيدد بتيي
...............
عند عمه موزه
شافت رساله وراحت حق سلطان
موزه : سلطان قوم ودني المستشفى
سلطان : ليج
موزه : غالية تعبانه
سلطان : كيف ومتى
موزه : امس فليل ساعه ٣ يلا بلا اسأله نروح
قام سلطان تروش ولبس كندورته وطلع ودا امه
سلطان : انزل وياج
موزه : عيل شو
سلطان : امييي بروح حق شما تباني اطلعها احين
موزه : لا تطلعها خلها عن تفوت دروسها شو وراها طالعه هاي
سلطان : زين
بركن سلطان نزل ويا امه
راحو ودقو الباب غاليه عدلت شيلتها
راشد : الله يابج عموه انا بروح البيت اتروش عندي حصص احينه
موزه :  رح ياولدي انا بقعد وياها ان احتجنا شي ويانا سلطان وبدر
سلطان : شحالج بنت العم بلاج
غاليه : جب انت
راشد : تحملوها نفسيتها خايسه
موزه : ليج ما قلتي لنا انج تعبانه
راشد : ما ابا اخوفكم بس هي امس كانت تصر ايي ارقد وياها كانت تعبانه بس انا ما اهتميت قلت لها عموه او شما ييونج بدلي ما رضت
موزه : الله يهداج غاليه
غاليه : عموه خلاص ما صار شي ها انا بصحتي وعافيتي
راشد : انزين على ظهر اباكم بموضوع لان هي ساعه بتطلع
الكل : زين
راح راشد
سلطان : انا بروح
موزه : اقعد ترا باقي شوي ويخلص
غاليه : فرط حركه اعوذ بالله بلاك اصبر
قعدو لين خلصو وخذو غاليه ومرو على شما وراحو البيت
راحت غاليه غرفتها لبست مخوره ورديه وشيله ورديه ونزلت
يا راشد

غاليه : يلا يوعانه انا سنه انت لين تيي
راشد : باقي بدر
غاليه : اوففف يوعانه
يا بدر
غاليه : اخيراا الحمدلله احسب بتتأخير يلا قومو
قامو الكل وقعدو ياكلون وخلصو قعدو بالصاله

راشد : بنسافر
غاليه : وين
راشد : الاسبوع الياي بتبدون اختبارات لين تخلصون بنروح بس وين مدري
شما : تركيا
سلطان : يع ملينا منها
بدر : خلو غلوي تختار احسن
غاليه : همم ابا اروح لندن
شما : رحناها ميه مرا
بدر دقها وهمس لها : يمكن هي مب رايحه
غاليه : معرف شكلكم مختمين الدنيا انا بطلع الي تبونه روحو بقعد ويا ربيعاتي ابرك
راحت غاليه

موزه : زين احين زعلتيها
شما : بس صج طفشت منها
بدر : بس مب جيه هالاسلوب
موزه : سامحنا رشود
راشد : لا عادي عموه وهاي شما زله لسان
شما : فديتك فاهمني
بدر : لا تتفدينه روحي اعتذري منها
شما : ما قلت شي بلاكم
راشد : ما يحتاي خلاص ، هي شوي بترضى
...........................
عند غاليه دقت على ربيعاتها كول
غاليه بضيق : شحالكم
دانه : بخير بس انتي بلاج
غاليه : ولا شي بس ابا اطلع وياكم المول
دانه : الاختبارات
شيخه : حرام عليج دانه ترا واضح عليها متضايقه
غاليه : افف خلاص اذا ما تبون قولو
دانه : مب قصدي
غاليه : خلاص خلاص بطلع لحالي
دانه : غلويي مب قصدي ازعلج حبيبي
غاليه : عادي دانه وصج اختبارات يلا انا بسكر بروح اذاكر
شيخه : بتيين بكرا
غاليه : اكيدد بيي اشتقت لكم
شيخه : انزين بكرا نطلع كوفي نذاكر هناك ونرد بيتج غلوي نكمل مذاكره
دانه : حلوه فكره اهم شي تغير جو غلوي
غاليه : احبكم
دانه وشيخه : احنا نموت فيج
غاليه : يلا باي
سكرو قامت غاليه تذاكر المواد علميه
على صلاه العشاء
غاليه : اخيرا خلصت
طلعت غاليه شلت كتبها ونزلت 
موزه : غلوي وين رايحه
غاليه : بذاكر برع 
موزه : الله يحفظج
غاليه طلعت وحطت طاولتها وطلبت من كوفي عشان تركز
وقعدت تدرس لين ساعه ١٠ راشد دش عليها
راشد : غلوي بس عن تتعبين
غاليه بلا رد
راشد : حبيبيي زعلانه مني
غاليه بلا رد وتكمل تذاكر
راشد قعد يمبها : احين زعلانه من شما وتطلعينها علي
غالية: مب زعلانه
راشد : عيل شو سبب سكوتج وقاعده بالغرفه من ظهر
غالية: اذاكر بلاك
راشد : من ظهرر
غاليه : شوف غياباتي وايد اكيد بذاكر
راشد : قومي يلا رقدي
غالية : مابا
راشد : ليج
غاليه : بخلص ها درس
راشد : براحتج
غاليه قعدت لين ساعه ١١
ويا بدر
غاليه : لا حول كل واحد يدش وقت غير
بدر : بلاج قاعده هنيه
غاليه : اضن مالك خص وين اقعد وين اروح
بدر : بلاها نفسيه
غاليه قامت شلت اغراضها
بدر قعدي ابا اكلمج
غاليه : اذا عن شما انا مب زعلانه منها ليج ازعل عشان مختمين الدنيا انتو عارفين حالتي من وينن ييت يعني على الاقل تعرف ما ترد جيه والله ملينا منها حسو شوي فيني