مـن يـوم شـفتك وانا في داخلـي ونهَ

بارت 1......

يابها العم مسعد بيتهم لما شافها عدال بيتهم ترجف من البرد

وقت كان عمر غالية سنتين
لقت غالية نفسها مرميه بالشارع بالبرد وتصييح
العم مسعد كل ما يقرب يسمع صوت غالية لين لقاها محطيه بوكس وما عندها شي وترجف
شالها بحضنه : اخخ من ها الي مسوي فيج جيه يا قساوه قلبه
لقا ورقه وكان مكتوب
( لو تسوي خير يا عم وتشيلها مقدر اتحمل مصاريفها وخلها بعيونك)
شالها العم مسعد وداها بيته ودش
الريم : بلا مسعد ييت ومنو هاي 
العم مسعد : هاي بتكون بنتنا
قعد يقولها كيف لقاها
الريم : ما ابي بنت شوارع
العم مسعد طنشها وخذاها غرفه مريم وحطها جنبها

نرجع للواقع
نشت غالية ساعه ٦:٣٠ تروشت ولبست مريول المدرسة وشلت كتبها ونزلت سلمت على العم مسعد
غالية : بابا ابا فلوس بررح ويا ربيعاتي اليوم
الريم : انتي تبين تفلسينه
غالية طالعتها بنظرات وصدت ل العم مسعد
غالية : ها بابا بتعطيني
العم مسعد : اكيد بعطيج كم تبين
غالية : الي تقدر عليه
العم مسعد : زين بحول لج ٥٠٠
ظبيه : شوو ٥٠٠ انت امس عطيتني ٢٠٠
العم مسعد: انتي قلتي لا تزيد
غالية وصل ل فونها تحويل
غالية : وصل ابويه يلا مريوم نروح
مريم : زين بروح وياج ويا ربيعاتج
غالية : اكيد بس يلاا
مريم راحت وراها ودشت ويا سايق
ظبيه وراهم راحو المدرسة

دشت غالية الصف ولقت ربيعاتها
دانه وشيخه وحضنتهمو
غالية : اشتقت لكم
شيخه : امس شايفتينا
غالية : جب يلا حرام اشتاق لكم
دانه : تدرون بيي استاذ يديد يدرسنا ماث
غالية : قولي والله اخخ فكه من استاذ فؤاد
دانه : والله اخيرا بنرتاح
شيخه : اشك الي بيي اخس منه
غاليه : لا تقولييين ياخي
شيخه : يمكن
ودش استاذ الماث
اسمه : راشد عمره ٢٥
قعد يعرف عن نفسه
شيخه تهمس حق دانه : ياخيي فيه شبه هو وغاليه
دانه : صجج حتى انا لاحظت
شيخه : يمكن هو صبري نسألها
شيخه دقت غاليه الي كانت سرحانه بالاستاذ تحس بشعور غريب جنها تعرفه
شيخه صراخ  : غاليييييهههه
استاذ راشد : لو سمحتي انتي قصري صوتج
شيخه : عندي اسم اسمي شيخه ما انتي
سكت الاستاذ وجت عينه على غاليه حس بشعور بس ما اهتم
شيخه : غاليه بلاج
غاليه : ها شو تبين
شيخه : ليج سرحانه فيه (غمزت لها ) عايبنج
غاليه : ماله خص
شيخه : انزين ها اخوج شو
غاليه : يعني كيف اخوي الي وياي جلب ونتي شايفتينه وزياده بعد انا مب من دم وياهم انتي بلاج مفهيه
شيخه : ويه اسفه
دانه : ياخيي والله احس انه يعرفج فيهه شعور
غاليه : بعدين اقولكم ركزو احينه بالدرس بكرا ورانا اختبار
مرت الحصص لين الفسحه
طلعو كلهم وراحت غاليه  سفهت ربيعاتها مكانها المعتاد وقت تضايق ورا المدرسه وقعدت تصيح
عند استاذ راشد كان يتمشى يشوف المدرسة وقعد يسمع صوت صياح وحده تشاهق
(ليج ليج جيي حياتي انا بلاي انا جي ليج تفكيري جي اهلي تركوني وروموني ويا اهل وصخين يضربون محد مهتم فيني غير ابويه مسعد ومريم الي دوم اشوفها كلها طالعه)
راح استاذ راشد لها من خوفه عليها وحس بشعور بس ما عطى اهتمام وقعد يمبها

ويا غاليه الي مغطيه راسها وتصيح
استاذ راشد : لو سمحتي
غاليه خافت وشلت راسها ومسحت دموعها
استاذ راشد : غالييه
غاليه : ها استاذ بعد ها الي ناقص استاذ يشوفني بهاي الحاله
استاذ راشد: غاليه ليج تصيحي
غاليه : استاذ امنتك بالله ما تقول حق حد لقيتني اصيح هنيه
استاذ راشد : ما بقوب بس غاليه عادي تقولي شسالفتج وش سالفه الضرب
غاليه خافت : استاذ ما يحتاج
استاذ راشد ما حب يضغط عليها : زين قومي كلي لج اكل وروحي الصب ارتاحي
غاليه : ما احب اكل المقصف يع
استاذ : زييين يابج الله طلبت اكل من ماك زياده تبين ؟
غاليه : الله ماك ، هي هيه ابي اكيددد
استاذ راشد: زين قومي غسلي ويهج تعالي بعدين ذيك قاعه بناكل
غاليه : تم
راحت غاليه غسلت ويها  وراحت القاعه وكلت ويا الاستاذ
استاذ راشد: غاليه احس فيني فضول ابا اعرف سالفتج
غاليه تنهدت : استاذ انا عندي اهل بس مش نفس الدم افهمها الي تفهمه

استاذ راشد: تدرين انا نفسج
غاليه : ليج يعني عشان يعني اففف قصدي كيف وكذا اخ عقلي
استاذ راشد ضحك : شوفي انا لقيت نفسي مقطوط بالشارع تقريبًا عمري كان ٨ سنوات شالتني حرمه كبيره ربتني بس احينه
نزل راسه : الله يرحمها
غاليه : الله يرحمها
استاذ راشد : يلا قولي لي انتي
غاليه : همم استاذ انا نفسك كنت مقطوطه بالشارع عمري سنتين شافني العم مسعد شالني وياه بس عنده حرمه وبنت يكرهوني
استاذ راشد : شفتج نازله وياهم ظبيه ومريم
غاليه : انت شدراك بهم
استاذ راشد : هدي ادرسهم ترا ظبيه اسلوبهازمب زين بس مريم هاديه ومستواها متوسط
غاليه : هي هم جيه الله يعينك على ظبية
استاذ راشد : تدرين عندي اخت وادور عليها
غاليه : شسمها ؟
استاذ راشد : العنود وادوررر عليها دواره قال لي امي الله يرحمها كانت رساله مكتوبه (عنده اخت اسمها العنود  وقطيتها لو كبر شوي علميه )