مـن يـوم شـفتك وانا في داخلـي ونهَ

بارت ٢٠...

بعد يومين طلعت ام ذياب وراحو البلاد

غالية دشت ويا ذياب بيت اهلها وماسكه يده
الكل استغرب
راشد : اوه رجعتو حق بعض
غالية: هيه
راشد : ما قلتي لي وقت اتصل لج
غالية: خليتها مفاجأة
راشد : احلى شي
الكل فرح لهم
غالية: انزيين شيخوه وراشد متى عرسكم
ذياب : اوهه نسيب بيتزوج مبروك
راشد: الله يبارك فيك
شيخه : دامج ييتي خلاص بنسويه ها الاسبوع
غالية : يايه وانا حاسبه حساب فستاني الحمدلله
ذياب : انا اقول بلاها حرمه مرتبشه تروح مول تشتري فستان
سلطان : بقوم انا ارقد
غالية رمت عليه مخده : كله رقاد
دانه : كله يرقد صاير ودريه لو قلتي الي قلتيه بيرقد
سلطان : فيه احلى من رقاد
غالية: هيه انا
سلطان : واثقه من نفسها
دشو شما ومحمد
غالية قامت تحضنهم
محمد : غلوييي اشتقتت لج
غالية: انا اكثثثر ولهانه عليكم ، شحالكم وشحال ابويه وشحال الريم وظبيه ومريم
محمد : شوي شوي مستعجله على شو ، كلهم بخير الحمدلله ترا ابويه مسعد يباج
غالية : بروح ارقد وياهم اليوم
ذياب عطاها نظره
محمد : اوه نسيبب هنيه
ذياب : هيه
قام ذياب سلم عليه وتخاشمو
شما : انا نستني تسلم على محمد
غالية : انتي بالقلب فديتج
العمه موزه يت : يلا عشاء
غالية: بعده وقتتتت عموهه
موزه : شو وقت ساعه تسع ما تشبعون من سوالف
غالية: بروح اليوم بيت ابويه مسعد
محمد : ذلفي ويا ريلج
ذياب : تيين ما تروحين
غالية: ذيابب حبيبي انته يلا عاد بروح اليوم بس
ذياب : يالله
موزه : ما وقتكم يلا
غالية: رشودد اقنعه برقد بيت ابويه
راشد : مالي خص فيكم انتي الحين متزوجن مش عزابيه
غالية: اففف بس يلا قومو
راحو الكل قعد بطاوله قامت غالية قعدت عدال محمد وراشد
محمد : انتي ياهل روحي عند ريلج
غالية : مالك خص فيني
راشد : قوميي قعدي عنده
غالية قامت : اففف انتو ما تهنون الواحد ب اكله
قامت طلعت فوق
راشد : هاي تزعل بسرعه
هيام يت : ماما بلاها
ذياب : زعلانه روحي راضيها
هيام : منو تعلها (زعلها)
راشد : واييي فديتج انتي ، انا زعلتها
هيام : انت حواننن
ذياب : عيييب هيامي
هيام اشرت على سلطان
ذياب : تدري من شفتها وهي تقول انت علمتها
سلطان : حشى عليي
هيام راحت له : عطني دياي
سلطان : اوهو روحي حق ابوج
هيام : تببب
سلطان : تعالي عيوني انتي باكلج
قعد يأكلها
ذياب بقوم انا اشوف غالية
راح لها دق الباب
غالية: منو بعد
ذياب : انا
غالية: يعني من انت كيف بعرفك انت تقول انا
ذياب دش : غبيه ما تعرفيني من صوتي
غالية : هيام كلت
ذياب : هي سلطان يأكلها ، انتي ليج زعلانه
غالية: مشتاقه حق ابويه مسعد
ذياب : تعرفين جو نروح لهم الحين نقعد وياهم شوي
غالية: ابا ارقد
ذياب : غالية عقلي
غالية: افف زين
ذياب : يلا قومي
غالية: اوكي
ذياب حضنها وباس راسها ونزل
غالية تجهزت ونزلت وراه راحت شلت هيام غسلتها
راشد : على وين
ذياب : بنروح الي بنروحه انت شدخلك
غالية: ذياب تعال نروح ها خله يذلف
راشد : اوه يزعوله
غالية : جب
طلعو غالية وذياب ومعهام هيام توجهو بيت العم مسعد
دشو البيت
غالية: سلام عليكم
قامو يحضنونها
ظبيه : اوه منو ويانا ذياب
غالية : هيه رجعنا حق بعض
الريم : الله يديمكم حق بعض ، هيامي تعالي
راحت هيام قعدت بحضن الريم
غالية: انزين ابويه مسعد وين
الريم : طلعي فوق بتشوفينه بغرفتج
غالية: غريبه بغرفتي ليج
الريم : غالية ابوج مسعد مشتاق لج
غالية حزنت طلعت على طول فوق
غالية: ابويه مسعد
العم مسعد : ولهت عليييج
غالية حضنته وصاحت : شحالك ابويه والله سامحني ما اسأل عنك ورحت ما ييت اودعك زين
العم مسعد مسح دموعها : بس بنتي ليج صياح تراج عدالي
غالية: اسفه ادري مقصره وياك
العم مسعد : بس غلوي خلاص بلا صياح ، انا يومي قرب
غالية زادت تصيح : لا تقول جيه الله يحفظك لنا
العم مسعد : غالية الموت حق على كل انسان
غالية: يعل يومي قبل يومك
دق الباب ذياب
غالية: دش
ذياب : سلام عليكم عمي
العم مسعد : وعليييكم السلام ولديي شحالك شمسوي
ذياب : الحمدلله بخير عمي دامك بخير
العم مسعد : عادي تطلعين شوي غلوي
غالية : زين ابويه
طلعت غالية نزلت
العم مسعد : يا ولدي بنتي امانه عندك صح هي ما بنتي بالدم بس انا ربيتها من هي صغيره ما ابي اشوف اي شي ياذيها من بعدي كون وياها بالحلوه والمره وهي غالية ، غالية على قلبي ، اعتبر هيام بنتك واكثر ، ترا غالية واضح كيف متعلقه بهيام
ذياب : بنتك امانه عندي منعيوني الاثنين وهيام اعتبرها اكثر من بنتي لقيت الحب والحنان كله عند غالية وهيام
العم مسعد: احس يومي قرب ما تعرف يا وليدي الموت حق ، لا تخلي غالية تحزن على غيابي
ذياب باس راسه : يعل يومنا قبل يومك ، الله يطول بعمرك
العم مسعد: ييب لي هيام
ذياب نزل ييب هيام : هيامييي
هيام : ها
ذياب : يلا نروح حق ابويه مسعد
هيام مسكت يده وراحت
دشت على العم مسعد
ركضت تحضنه
هيام : باباااا
العم مسعد : هياميي
هيام : ابا اقعد وياك
العم مسعد : قولي حق بابا
هيام : بابا بقعد مع بابا متعد
ذياب : لا نروح بكرا تيين صبح لا نسوي ازعاج لهم
هيام: اوكي
غالية يت : يلا ذياب احسني تعبانه نروح
العم مسعد : روحو ما ريحتو اليوم من ييتو
يت غالية باست راسه : تصبح على خير
سلمو على بعض وراحو طلعو

غالية دشت شافت مزنه : همم عموه وين
مزنه : راقدين كلهم
غالية: انتي ليج ما راقده
مزنه : اشوف مسلسل
غالية: الله هااا انا وصلت نفسج بيي اشوف
ذياب سحبها : تعالي رقدي وياي
غالية: ذيابب حبيبي
ذياب : انتي تعبانه عيوني يلا نروح
غالية: انزين انا مافيني شي خليني
ذياب : ياربيييه
سحبها وراحو
غالية رقدت هيام هي راحت تروشت لبست بجامه نوم حرير فيها ريش خفيف
عطت ذياب ظهر
فجأه يسحبها
غالية: ذياببب
ذياب : بلاج ها ترا سحبتج ما صار شي
غالية: ابعد
ذياب مسك خصلات شعرها قرب منها : اخخخ ريحتج تييب راسي
غالية: ذياب ابا ارقد
ذياب سحبها وقربها منه اكثر : والله ما اخليج
باسها على شفتها
غالية: خلصت
ذياب : لا أصلًا ما بخليييج
غالية : اتزين ذياب
ذياب : اص
قرب منها
غالية: ذياب انت من متى حبيتني
ذياب : من اول ما شفتج بالمطار من عرفتج حامل خاب ظني بس من قلتي سالفتج تشجعت وتقدمت لج ما ابا اخسرج
غالية قربت منه باسته : احبك
ذياب : اموتفيج
غالية: شرايك نخلي هيام ويا بيت ابويه مسعد يبونها ونروح فندق لحالنا
ذياب : تم ما عندي مانع