مـن يـوم شـفتك وانا في داخلـي ونهَ

بارت ١٤...

(بسرع الاحداث)

*بعد سنه*

من مرورها وقعدتها ببريطانيا رغم تذكرها بشخص الي تحبه بس تخطت كل شي صارت دكتوره قلب مشهوره وصار عندها مستشفى ب اسمها فيها كل الاطباء المشهورين ونجحت
هيام كملت سنتين وصارت تتكلم

شما ومحمد تزوجو
بدر كمل حياته
وسلطان ودانه انخطبو ل بعض
ظبيه تزوجت واحد من اهل امها ومستانسه بحياتها
هممم وراشد
راشد ولهان حق اخته وبنت اخته ويبا يجيهم بس مب قادر بحكم الشغل الي عنده وناوي يخطب شيخه من تجي غالية

وييينا حق ذيابب وامل

امل راعيه شباب وتطلع وياهم فليل وقت ينام ذياب
ذياب كشفها وهي تكلم واحد يتواعدون يتلاقون بالفندق
تركها وندم انه ترك غالية وحالته صايره اسوء بس يسوي نفسه طبيعي ومافيه شي

مزنه حاولت تسوي شي بس ما قدرت وسافرت تكمل دراستها

............

غالية : حبيبي هيام يلا
هيام : لا ماماا ابا لشوددد خالي نلوح احين
غالية: انزين بنروح حبيبي انتيي بعد اسبوع خلاص
هيام : تكدبين
غالية: ما اجذب ليج اجذب خلاص بنروح ورا بكرا بعد بقدم حجز يلا
هيام : زين
راحت هيام ورقدت
دقت غالية على اخوها راشد
غالية: بييكم ورا بكرا
راشد نط من فرحه : صجج اخيرا بشوف اختيي يالله مب مصدق
غالية: ادري من ورا ها نط شي
راشد : احبهااا افهميني
غالية : بس خلاص جب برقد
راشد سكر عنها وراح يركض حق اهله يبشرهم بتيي غالية
الكل فرح بالخبر وراحو جهزو البيت ب الاستقبال وعزمو الكل
واثثو غرفتها من اول ويديد

اليوم المنتظر راحت غالية شلت اغراضها وتوجهت بسيارتها التشارجر الشحن عشان توصل الامارات
وراحت المطار بعد رحله ٦ ساعات وصلو
وصلت الشحن وراحت توجهت ل سيارتها ساقت لين بيتهم
غالية: يالله شقددد ولهانه على الداررر
وصلت والكل كان يستقبلها
سلطان: ذويقه عندج تشارجر
غالية: ما تعرفني بعدك
سلطان ضحك
وقعدت تسلم على الكل والكل فرحانه وحضنتهم
هيام ماسكه عصير وانكب
غالية عصبت :لااا هياممم بلاج
راشد : هديي لا تعصبي ياهل ترا
غالية: وسخت ملابسها والميلس شو ما اعصب
راحت هيام ركض حق راشد
هيام : كله تعصب
راشد : هيام ماما ما تعصب الا لانها تحبج وترا حتى انا تعصب علي
هيام : زين
راشد : عطيني بوسه
هيام قربت لخده : موححح
غالية: هيام بتوسخي خالج تعالي نطلع ابدلج
راشد رص على هيام : حلال عليهاا خلا توسخ خالها حدييي ولهان عليها
موزه : بتبرد خلا تقوم تلبسها
شما : الا غاليه ما لقيتي هناك واحد جيه فارس الاحلام
راشد : سكتي شماا
غالية: كلهم غاويين هناك بس انا عزيزه نفس ما ابا احد يذلني عادي اكمل حياتي بدون زوج مافيها شي

قامت سحبت بنتها وطلعت
سلطان : يبا لج كفف انتي والله
محمد : ايييه ما على زوجتي
دانه :جب انتت
سلطان : انجب هيه
شما : شسويت ترا ما قلت شي
سلطان : هيه ما سويتي شي فديتج
شما : ما قصدي
راشد : خلاصص بسس شما ارتاحي ما سويتي شي ، بقوم اروح حق غالية
عند غالية دشت غرفتها بدلت ملابس هيام
هيام : ماما نطلع الالعاب
غالية: حبيبي هيام مب الحين خليها فليل احين تعبانه
راشد دش : بوديها انا
غالية: ما يحتاي بوديها فليل
راشد قعد يمبها : غالية تدرين اني ولهان عليج والله البعد اتعبني اشتقت حق هيام
غالية: راشد ها كان الحل الاخير اغير من نفسي الحمدلله تغيرت
راشد: عادي اسألج
غالية: تفضل
راشد: تحبين للحين ذياب
غالية عيونها انترسو دموع: ليج الحين يا ها سؤال
راشد : جاوبيني
غالية حضنته وصاحت
راشد: كنت متوقع
غالية: هو وينه الحين
راشد: تعدل وتركته امل على الي سمعته كانت راعية شباب
غالية: زين اطلع انت وهيام برقد انا
راشد : متى بتخطبي لي شيخه
غالية: انا اقول على وش جيه تعاملني ، اليوم بطلع وياهم فليل وبقيس قلبها
راشد: تم عليج ترا
غالية: يلا فارج انت وهيام
طلع راشد هو وهيام
على المغرب نشت غالية تروشت ولبست دريس خفيف ابيض وعبايتها الكحليه و اكسسواراتها سوت ميكب خفيف وطلعت
هيام ركضت : ماما نلوح
غالية: هي ماما نروح يلا ييبي نعالج
هيام راحت تييب نعالها
موزه : وين بتروحي
غالية: بنطلع انا ودانه وشيخه
موزه : زين
سلطان : هاي بعدها مفطسه رقاد دانه ترا
غالية: اخيه قوم انزين قومها زوج على فاضي
دانه : اييه اسمعج الا على زوجي وتراني نشيت
غالية: يلا نروح نمر على شيخة
سلطان: غلوي ابا دودج حقج
غالية: اذلف لحالي رايحه فيها
طلعت دانه وغالية وهيام راحو مرو على شيخه
شيخه : شحالج غلويي
غالية: بخير دامج بخير انزين وين نروح
شيخه : روحي ها المول يديد وحلو
عطتها لوكيشن راحو
وصلو المول نزلو غالية خذت هيام الالعاب
شيخه : خليها ويا ذي بتهتم فيهم
دانه : هي ترا اهني كوفي يعني عدالها
غالية: زين
راحو الكوفي وطلبو لهم
غالية شافت ذياب
غالية: بنات شوفو هناك منو
شيخه لفت : هيييي جلبب ذياب
غالية: هيه
شيخه تبا تغير موضوع : انزين شو كنتي تبين مني
ذياب شاف غالية وراح لها : سلام عليكم
غالية : وعليكم السلام
ذياب : غالية عادي اكلمج شوي
غالية : ما اعرفك يا اخوي واضن ما بينا شي عشان تكلمني فارج عن ويهي
ذياب: شوي غالية لا اكثر ولا اقل والموضوع متعلق ب امي
غالية خافت : زين بيي
دانه : من صدقج
غالية: ترا امه عمتي كانت ربت بنتي وياي يعني من حقي اعرف عنها شي ما قصرت