وقف عمران بعصبيه وحبه توتر
_ انتِ اتجننتي ازاي تدخل اكده مش في باب تخبطي عليه؟
بصتله ملاك بحزن وألم وحس عمران بأحساس غريب وهو شايف عينها بتتكسر بدموع بعيد عنه
ملاك_ اسفه مكنتش اجصد أدخل طوالي لكن الباب كان مفتوح
عمران _ برضك حتى لو الباب مفتوح تكحي او تخبطي علي الباب من الجمب مش اكده؟
بصتله ملاك وسكتت ادتهم ضهرها وخرجت من الاوضه
جميلة_ ازاي البت قليله الحيا دي تدخل علينا اكده؟
عمران_ جميلة خلي بالك من كلامك! ملاك مرتي وكرامتها من كرامت ومسمحلكيش تغلطي فيها بالشكل ده!
جميلة_ والده يعني انتَ بتدافع عنها يا عمران من دلوك ؟
عمران_ مش بدافع عنها يا جميلة بس معني انك تغلطي فيها قدامي اني مش فارق معاكي اصلًا! وبعدين لو جيتي للحق هي مغلطتش احنا الي المفروض نخلي بالنا علي تصرفتنا
جميلة_ قصدك ايه يا عمران!
عمران_ قصدي انتِ فهماه زين يا بت عمي؛ انا سبق وحذرتك ميه مره من الحركات المايعه بتاعتك وانتِ مش بتسمعي كلامي؛ ودي اخر مره هقولك لو كررتيها يا جميلة حسابك معايا هيبقا كبير
____________
دخلت ملاك المطبخ وهي مضايقه ومتعصبه؛ مأخدتش بالها ان المطبخ فاضي ومفيش الا عزيز في نحيه
ملاك- مرقعه وقله حيا
عزيز_ ممكن افكر مين ممكن تكوني بتشتميه اكده!
ملاك_ بسم الله الرحمن الرحيم؛ فزعتني؛ انتَ بتعمل ايه اهنه!
عزيز بابتسامه _ انا عزيز ابن عم جوزك
ملاك_ عرفاك؛ بتعمل ايه في المطبخ!
عزيز_ كنت جي اشوف العروسه الي بيقولوا عليها؛ لكن متخيلتش تكون حلوه اكده!
ملاك_ خلي بالك من كلامك يا جدع انتَ وبلاش مساخه
عزيز_ هو الاعتراف بحلاوتك مساخه اوعي تقولي ان عمران مقلكيش اديه انتِ حلوه
ملاك_ الي بيني وبين جوزي ملكش صالح فيه؛ حلو عفش متدخلش فيه!
قرب منها عزيز بابتسامه واسعه_ شرسه يا ملاك كيف الخيل الجامح عايزله خيال يروضه
ملاك_ هتظبط كلامك ولا اجيبلك ولد عمك يتصرف معاك!
عزيز_ هنتقابلوا تاني يا حلوه
خرج عزيز و وقفت ملاك تغمض عينها بتعب
ملاك_ ايه بس الي حصل يا ربي! في يوم وليله الدنيا اتخربت فوق دماغي! ايه الي حصل قلب الدنيا عليا بالشكل دا!
أنت تقرأ
ملاك في جحر الافاعي" بقلم نانسي الجمال"
Romanceفتاة بريئة.. تعشق أبن خالتها.. تسوقها الأقدار بأبشع الطرق لتصبح زوجتة.. تقاسي انواع شتى من العزاب.. تُرى ما سيحدث معها وما نهاية ذلك العشق مسلسل علي قناة "حكايات شمس ٢" *عامية*
