ملاك في جحر الافاعي" بقلم نانسي الجمال"

ا لحلقه الاولي

بتبداء حكايتنا في احدي القرى الصعيديه؛ قرية" آل غريب"

  في بيت كانت بطلتنا ملاك بتتسحب بليل وهي بتبص حواليها بخوف.

وصلت ملاك للجنينه ورا البيت وهناك شافت شاب واقف بيلف حواليه بقلق؛ قربت منه ملاك بسرعه
_ خد يا وليد الحاچة اهي.

مدت رسالة نحيتة وأول ما مسكها وليد طلعت ملاك تجري علي بيتها وهي فاكرة أن كدا كل حاجة خلصت وأن السر أتدفن ومعدش فيه خطر علي حياتهم.

لما رجعت ملاك اوضتها كانت أختها واقفه تبصلها
_ خلاص يا ملاك وديتي الرسالة ياختي!

ملاك_ متجلجيش يا يسر كل حاجة أتحلت يا بت ابوي.. اني في ضهرك يا يسر الي اتكسر بيتصلح ياخيتي

أبتسمت يسر ولمعت عينها بمكر.
______________

وفي بيت "آل غريب" أكبر بيوت القرية والي بيسكنه بطلنه عمران مع عيلته.

صحى عمران من النوم علي خبط عالي فوق الباب واتحرك نحتيه بسرعة وقلق
عمران_ في ايه يا مجنونه بتخبطي من الصبح وكأن الدار هتتهد علينا؟

ردت اخته سمر_ جدي عايزك بالمكتب؛ وبيقولك تروحله طوالي والا العيلة هتتفضح وهيبتنا هتبقا في التراب.

عمران باستغراب_ ساترك معانا يا رب.. دا ايه الي شقلب الحال من صبحيه ربنا اكده!

كان بيتكلم وهو بيتحرك نحيه مكتب جده و وقفت سمر تدعي بخوف
_ يارب استرها معانا..

دخل عمران المكتب ولقى جده قاعد قصاده شاب غريب
عمران_ حصل ايه يا جدي مخليك قالب البيت عليا من الصبح!

الجد_ ادخل تعال وشوف نسلنا الي بيعرنا؛ هنتفضح بسبب بت خالك الناقصه ربايه وشكمه

عمران_ ربنا ما يجيب فضايح ابدًا يا جدي حصل ايه قولي بدل ما بتولع فيا النار من غير فهم!

الجد_ قول يا وش المصايب ؛ اديله الرسالة الي هدفنك محلك بيها ولا انك تفضحني وتهين اسمي.
وليد_ انا مليش دخل يا حج غريب؛ انا جيبتلك الرسالة ومش عايز شر ولا مشاكل

مد الرساله لعمران الي اخدها وهو مش فاهم في ايه؛ وبداء يقراها
عمران_ وليد حبيبي ونن عيوني؛ انتَ عارف جلبي متعلج بيك كأنك طوق نجاته.. بس الحمل بيتقل يا وليد؛ اني حامل ... عيل منك بيكبر في بطني.. وبرغم فرحتي علي قد فزعي منه؛ هروح بيه فين واقول ايه للناس؟ جبت الواد دا منين واني لسه في عينه بت ملمسهاش راجل ! عارفه انك مش هتقدر تتحمل يا وليد عشان اكده انا هاخد الواد ونهرب.. وهرجعلك.. بس لما ابني يكبر ومحدش يقدر يمسه بشر حبيبتك ملاك.