تاني يوم بعد ما فطر الرجاله مشوا علي اشغالهم؛ طلعت ملاك بسرعه لاوضة يسر وخبطت
ملاك بهمس_ ها يا خيتي هنعملوا ايه؟
يسر_ هنروح السوق؛ هناك هنعرفوا نتكلم من غير قلق
ملاك_ السوق دا الناس بالكوم هناك يعني لو قولنا كلمه البلد كلها هتبقا عرفاها!
يسر_ يا خيتي ثقي فيا انا عارفه بعمل ايه صُح؛ اني دلوك هخرچ للجنينة وانتِ ورايا؛ هراقبلك الدنيا وتهربي أنتِ من البيت اول واني هبجا وراكي يلا.
خرج ملاك وقلبها بيدق بعنف
ملاك لنفسها_ ما عمران قالك لاء يا ملاك ليه العِند ده! بس برضك خيتي مقدرش اخسارها واهو افهم أيه الي بيحصل
خرجت ملاك لما يسر شاورت ليها؛ بعدها خرجت يسر وراها
ملاك_ اني خايفه يا يسر؛ خلينا نرجعوا ونتكلم في الدوار!
يسر_ لاه اني مش عايزه اقعد ولا اتكلم في بيت الظلمه ده تاني.. اني ما صدقت مشيت منيه يا ملاك
ملاك_ قوليلي يا يسر ايه صاير والكل بيتعامل ويايه اكده ليه!
يسر_ مش دلوك يا ملاك؛ نوصل السوق بس
فضلوا ساكتين بحد ما وصلوا السوق وبدأت يسر ادخل بيها في اماكن زحمه وغريبه
يسر لنفسها _ ايوه اكده انتِ تتلهي واني اهرب
ملاك_ يسر... يسر روحتي فين؛ يا مصيبتي.. فينك يا يسر
فضلت ملاك تلف حوالين نفسها وهي بتدور بخوف؛
ملاك_ هعمل ايه دلوك! اروح فين واجي منين، لو رجعت البيت اقولهم ايه يسر راحت فين واحنا ايه خرجنا من اساسه! اني احسن حاجه اعملها اقعد استناها؛ اكيد هي هتدور عليا ولما متلاقينيش هتبقا هترجع؛ فاستناها في مدخل السوق ايوه
عند يسر فضلت تمشي بين الناس وهي مداريه وشها لحد ما لمحت وليد بعيد؛ مشيت نحيته
يسر_ اتأخرت ليه يا وليد
وليد_ اكده واتأخرت دا اني جيتلك بأسرع ما عندي و واقف مستني من عشر دقايق
يسر_ مش مهم هنقف نحكي ونضيع الوقت
وليد_ ايوه صح اطلعي ورايا هخدك علي بيت فاضي يخص صاحبي واخدته منيه يومين
يسر_ ماشي خلينا نروح يلا.
______________
بعد فتره رجع عمران البيت واستغرب لما ملاقاش ملاك في المطبخ
عمران_ ايه يامه ملاك وينها؟
الام_ ملاك في الاوضه من الصبح يا بني منزلتش قولت يمكن تعبانه وسيبتها .
عمران_ ماشي يامه اني طالع اشوف
أنت تقرأ
ملاك في جحر الافاعي" بقلم نانسي الجمال"
Romanceفتاة بريئة.. تعشق أبن خالتها.. تسوقها الأقدار بأبشع الطرق لتصبح زوجتة.. تقاسي انواع شتى من العزاب.. تُرى ما سيحدث معها وما نهاية ذلك العشق مسلسل علي قناة "حكايات شمس ٢" *عامية*
