ملاك في جحر الافاعي" بقلم نانسي الجمال"

الحلقه الثامنه

عمران_ هتمثلي انك مكنتيش فاهمه كمان يا ملاك! بس متجلجيش اني مش عيل أصغير عشان ارد علي عصبيتك دي

ملاك_ اني مش متعصبه يا واد عمي؛ اني مصدومه انك أتخيلت اني ممكن اعمل أكده؛ انك حكمت ونفذت الحكم من غير ما تسمع دفاعي عن نفسي يا عمران! ليه عملت ايه خلاك سهل تصدق اني زانيه

عمران_ انتِ معملتيش يا ملاك؛ لكن الرساله الجابها وليد شاهده علي كل حاجه؛ فاكره الرسالة يا ملاك ؟

ملاك_ رساله.. ايه الي الرساله شاهده عليه يا عمران!

عمران_ الرساله مكتوبه منك لعشيجك وليد بتجوليله عن العيل الي حملتي فيه من غلطتكم؛ العيل الي وطيتي بيه راس العيله والي انتِ عارفه انه مش هيجدر يجف جصاد حد عشانه عشان اكده هتهربي ومش هترجعي الا وابنك كبير؛ ولما جينا عندكم يسر جالت انك سجطي العيل، ساعتها مكنش فيا دماغ افكر وكل الي شايفه انك كسرتي ضهرنا وحنيتي راسنا، لكن دلوك بفكر ليه هتبعتي رساله تجولي فيها انك هتهربي عشان مش هتجتلي ولدك وبعدها تكوني مسجطاه من فتره؛ كنتِ عايزه ايه من وليد خلاكي تلعبي عليه!

ملاك_ اني بريئة من كل ذنب وكلمه بتقولها يا ابن خالتي... اني كيف ما عيوني جالتلك يا عمران بريئة مذنبش اكده ابدًا يا واد عمي؛ بس اني مفيش في يدي حاجه أثبتلك بيها أني معملتش الذنب ده..

عمران_ في فيدك يا ملاك؛ أثبتيلي أنك طاهره بنت بنوت ملمسهاش راجل سابج

ملاك _ موافجه؛ أدلي دلوك هات الحكيمه واني لا هعاند ولا هقاوح وياكم!

عمران_ لاه يا ملاك؛ انتِ عارفه ان حاجه زي اكده مستحيل تحصل؛ لا جدي هيوافق عليها؛ ولا يصُح تحصل؛ اني رفعت منديلك للكل؛ والبلد شافته كيف ادلي عند دايه ولا حكيمة تجع بكلمه وسط حد تفضحنا؛ ولو كلامك صُح هنبقا بدل ما نكشف الحقيقه ننشر الكدبه !

ملاك بأستغراب _ امال في فيدي أيه اكشف بيه الحقيقة غير الحل دا

اتوتر عمران
_حلال ربنا؛ انا جوزك وانتِ مرتي

وسعت عينها بصدمه وحست بأحراج وهي بتبعد عنخ
_ كيف تطلب مني حاچة كيف دي؛ مجدرش.. ان..اني مجدرش

عمران_ ليه متجدريش يا ملاك دا حلال ربنا

بصت ملاك بعيد عنه_ اتكسف منك يا واد خالتي؛ مجدرش علي اكده؛ احنا جوازتنا غير الطبيعي ؛ اطلب اي حاجه غير ده!

عمران_ لاه يا ملاك.. دا الحاچة الوحيدة الي هتثبت الحقيقة؛ ومش دلوك يا بت خالتي متخافيش؛ وجت ما تجدري اني مستني