" تطري علي واشتاق لك واتخيلك..وانسى منامي والتهي في خيالك 💙🥀'جزء 2'

". . . 68. . ."

/لُطفاً لايك قبل القراءه لجهودي وشكراً/
.
.
.
.
.
.
.
.
.
.
.
.
.

‏"وماحيلةٌ للنفس ياربّ إنّها..
أتتكَ بشكواها وأنتَ طبيبُها..

وماكنتُ مخذولاً وماكنتُ بائساً..
وماكنتُ مرتاباً وأنتَ حبيبُها..

وماخاب ظنّي في أمورٍ وكلتُها..
إليك وأنتَ اللهُ ، أنت حسيبها"..

»«»«»«»«»«»«»«»«»«»«»«••«»«»«»«»«»«»«»«»«»««»«»

باقي قاعده بغرفتها مو راضيه تنزل..
وتفكر بكل شي صار معاها.
وهنا طق الباب.
ماردت ولا كلفت نفسها تقول شي.
ام ساري الي فتحت الباب وشافتها متكوره ع السرير.
تنهدت بضيق، دخلت وسكرت الباب: رغوده.
ماردت عليها.

ام ساري الي توجهت لعندها وقعدت طرف السرير وعيونها على رغد: يابنتي لاتسوي بنفسك كذا، قدر الله وماشاء فعل، الله يرزقكم خير منه قولي امين واذكري الله.
رغد الي بدت تحس ب حرارة انفاسها برغبه للبكاء.

تنهدت ام ساري الي لاحظت دموعها بعيونها وحضنتها: انا بمثابة امك يارغد اي شي تبيه بس علميني.
رغد الي انفجرت بكي بحضن ام ساري..
ام ساري قاعده تهدي فيها: هدي خلاص مايصير تسوي كذا، تحمدي الله ع الشي الي صار، والله يجعله لكم شفيع بالاخره.
رغد الي تبكي بحضن ام ساري الي فعلاً حست بحنان الام الي فقدته من سنين فيه.

ام ساري الي باقي تطبطب على جروحها وتحاول بقدر امكانها توصل شعور الحب والامان لها وفعلاً نجحت بهالشي،
ام ساري بااختصار كانت طوق نجاة رغد من الي هي فيه.

وبعد كم دقيقه، عدلت رغد نفسها بعد ماهديت شوي وردت تقعد ع السرير وتمسح دموعها: اسفه.
ابتسمت ام ساري: ولو، حضني لكل اولادي يارغد.
ابتسمت رغد: راكان محظوظ فيك كثير والله.
ضحكت ام ساري: هههههههههههههههه ذاك المشفوع ماعاد يلفت لحضني خلاص، لقى حضنك.
انحرجت رغد وبنبرة زعل: خالتيي تكفين..
ضحكت ام ساري لما شافت تعابير رغد المنحرجه: ههههههههههه خلاص خلاص كل شي ولا يزعل الزين، الحين قومي غسلي وجهك وانزلي تحت مسويه لك ذيك المكرونه الي تاكلي اصابعك بعدها.
ضحكت رغد والي تحس ان ام ساري فعلاً استنزفت كل حزنها ووجعها: اذا فيه مكرونه ابشري ثواني وانا عندك.

ابتسمت ام ساري ووقفت: يله ناطرتك تحت.
رغد: زين.

وفعلاً راحت ام ساري، ورغد الي استوعبت ان وجودها بقوقعة حزنها مالها اي فايده، ولازم تحاول تغير شوي، لان بالنهايه هذا قضاء الله وقدره والحمد لله على كل حال مرينا فيه.

وفعلاً قامت غسلت وجها ونزلت..

______________••______________

راكان الي حس برجوله ماهي شايلته من الصدمه الي حلقت عليه! وابو ساري انفاسه ثارت وفاتح عيونه على وسعها يحاول يستوعب الي سمعه.! يزن الي غمض عيونه بقهر، اكثر ماحرقه هي حالة رواد لما عرف بهالصدمات بيوم واحد.