"لطفاً لايك قبل القراءه لجهودي وشكراً ♡"
.
.
.
.
.
.
.
.
.
.
.
مازالَ صوتُك في ثنايا مَسمعِي..
والشُوق في صدري يُفتت أَضلُعِي..
والله إنَّ الشُّوق فاق تحمُّلِي..
ياشُوق رِفقًا بالفؤادِ ألا تَعِي؟..
حاولتُ أن أُخفي هواكَ وكُلَّما..
أَخفيتُه في القلبِ فاضت أَدمُعِي..
«»«»«»«»«»«»«»«»«»• •«»«»«»«»«»«»
قاعد عند سيارته ومبتسم وبباله فكره وده يسويها.
اخذ جواله واتصل على امه.
وفعلاً ماهي ثواني لين ردت.
مازن: هلا يمه.
ام طلال: هلا ياولدي بغيت شي.؟
مازن: والله ودي اكلمك بشي ضروري..
ام طلال استغربت: خير.؟
مازن ابتسم: معليه خير خير.
ابتسمت ام طلال: ادخل الصاله بتلاقيني.
مازن: زين اطلعي يله جاي.
ام طلال: زين.
وفعلاً ام طلال الي توجهت لغرفه منعزله عن الضيوف والمعازيم.
ومازن الي توه داخل عليها.
ام طلال: خير.؟
مازن ابتسم: يمه تدري بالجو المتوتر بيني وبين مي صح.
ام طلال: اي.
مازن: زين ودي اسوي شي واحاول اصلح الشي التالف بينا وابيك تساعديني.
ام طلال ابتسمت: زين وش بتسوي.؟
مازن: بصراحه مو انا الي بسوي انتي.
ام طلال استغربت: شلون.؟
مازن: اسمعي........
____________________________••_________________________
وقف مكانه بصدمه وقلبه الي دق دقه اول مره يحسها..مستحيل الي قدامه بشر..بس مفتوح عيونه شبرين ويناضر الملاك الي قدامه..
لفت عليه والصدمه احتلتها..عيونه بعيونها ماقدر يشيلهم ابد..حس بقلبه خلاص طار من صدره وصار بين ايديها..
صح انه شافها بالشوفه الشرعيه بس مادخلت قلبه زي هاالمره..
روعه الي لابسه فستان الزفاف وعامله تسريحة عرسان ومكياج يخبل..خلاص انأسر فيها..
ماعرفت وش تسوي من هاالموقف..لفت بسرعه: فهددد اطلللعع...
نغز على نفسه ولف بيطلع من صدمته حتى الباب الي نصب عينه ضاع منه.
طلع بسرعه وداخله يستغفر ربه.
روعه الي ارتبكت وتوترت وخافت بعد..موقف لاتحسد عليه..
حست بمشاعرها متلخبطه..بس ماتنكر انه تغير عن اخر مره شافته فيها..ولما سافر زادت حلاوته واناقته بنفسه.
حطت يدها على صدرها تهدي دقات قلبها الي من قوتها على وشك تنسمع.
" بجهه ثانيه "
واقف برا الصاله وبيده جواله يحاول يتصل على احد...
قطعه السياره الي وقفت نصب عينه..
نزل ابو ماجد مبتسم ونزلو الحريم على طول دخلو الصاله.
ماجد الي توه واصل بيسارته..
نزلت ريم ودخلت.
والتمو الرجال.
رياض الي سلم على ماجد وابوه..
ماجد ضحك: وين مستر مناف.؟
ضحك رياض: بالسياره.
استغرب ماجد: خير ليه ماينزل.
رياض: والله معه الايباد الله لايبلانا.
ضحك ابو ماجد: لاتخليه يتعود.
رياض: اكيد.
ابو ماجد: رياض تعال ابيك بكلمة راس.
ماجد الي يعرف بالسالفه وقرر يترك ابوه ورياض لحالهم..
دخل الديوان يبارك لراكان وللاهل.
أنت تقرأ
" تطري علي واشتاق لك واتخيلك..وانسى منامي والتهي في خيالك 💙🥀'جزء 2'
Gizem / Gerilim"للكاتبه: أّسِـيِّرةّ أّلَصّـمًتٌ♡" الروايه تحكي عن اشخاص اختلفت اقدارهم وتنوعت.. ~الحزن،الحب،الحماس،المزح،الضحك~ -بنت معروفه بغرورها وقوة شخصيتها وم ننسى مشاكلها الي دايم وين م راحت تكون اول الحضور..وش مخبي لها القدر ومن الشخص الي بيكسر غرورها ويكو...
