على قمة الحكيم ( الجزء الثاني )

البارت الحادي عشر

_ الكاتبة : Duha_al amer 🦋

_ صوتو للبارت بنجمة ✌️

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا. duu_199  🎶🎶🎶

____________________________________

نرمان : طلع فاروق يركض بدون ميحجي شي وجهه

وتر : وين رايح

فاروق : صاحبي مسوي حادث

نرمان : صعد بسيارته ونزار نزل ورا يركض راد يحجي ويا ذاك صعد بسيارته وطلع

نزار : اني اوصلكم تفضلو

نرمان : اخذهم نزار وراحو طب حكيم يصفن

حكيم : هاي البنيه ماعجبتني بس لو اعرف شعجبه بيهه فاروق

نرمان : من البدايه حجيت وكلتله متناسبك

حكيم : ليش انتِ شايفه عليهه شي

نرمان : مثل شنو .. اني مشايفه شي بعيني اذا قصدك عدهه علاقات او سوالف بس الصراحه .. بين السمع والشوف اربع اصابع

حكيم : اي !

نرمان : اني استغربت خطب وما سأل عنهه بالكليه ادري هيه جانت تحب وعدهه علاقه اكثر من مره تاركه

حكيم : اني ما اكدر احجي بعد الله وصى بالستر .. والبنيه مراهقه

نرمان : يعني

حكيم : يعني امشي كبالي دام البيت فارغ وذوله نزليهم يم عمتج

نرمان : اخذت علي وكنان انزلهم جوه شلت الصينيه وغسلت المواعين جانت تكح شويه انطيتهه شراب وتوني اريد اصعد شفت نزار طب

نزار : الشوارع طين

نرمان : باوعت الحكيم فرك وجهه بتعب

نزار : شبيكم من شفتوني جنكم شايفين يهودي

حكيم : وصلتهم الباب البيت

نزار : شارعهم طين نزلتهن على الشارع وكلتلهه خاله سرفني بجامتج وامشي

حكيم : يعني ما وصلتهم للباب !!!

نزار : تريد السياره اطب بالطين وهستوني غاسلهه

حكيم : يا صبررررر ايوووووب

نزار : هيه ما قبلت سرفنت ونزلت

نرمان : شكد عيب هسه تطلع بوجه فاروق

روح ..

_ الكاع متغثر بيهه الدم واحس صوت دكات كلبي مسموعه رعشه ايدي والكهرباء تطفه وترجع نصيت عليهه اسمع نبضهه بعدها عايشه !