على قمة الحكيم ( الجزء الثاني )

البارت السادس والعشرون

_ الكاتبة : Duha_al amer 🦋

_ صوتو للبارت بنجمة

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا.  duu_199 🎶

بكيت وهل بكاء القلب يجدي ؟ فراق أحبتي وحنين وجدي فما معنى الحياة ؟ اذا افترقنا وهل يجدي النحيب فلست أدري فلا التذكار يرحمني فأنسى ولا الأشواق تتركني لنومي فراق أحبتي .. كم هز وجدي وحتى لقائهم سأظل أبكي

_________________________________

_ عبرت الشارع فتحت جنطتي ماعندي فلوس كروه ارجع بيها قررت اعاقب نفسي وارجع مشي للبيت

_ امشي ودموعي تنزل اذا صدك حامل اكتل روحي وما اكعد بينهم ويحكمون عليه بالموت .. فاتت سياره سريعه شخطت كبالي نزل الجامه رجال صاح

_ شنووو ثوله انتي مشوفين جان دعمتج وصرتي معيشتهم

_ ما ادري عمو اسفه ما شفتك .. طبيت بفرع ما ادري وين رايحه شفت مالك من بعيد بسيارته وكف

مالك : اعتبريني سايق تكسي وخليني اوصلج

روح : رحم الله والديك عاجبني امشي

مالك : خوما حجه وياج ابو السياره

روح : لا ماحجه عفيه روح ما الي خلكك

مالك : واذ حلفتج بالله تصعدين

روح : الدنيا ظهر والشارع فارغ حتى سيارات ماكو قليل .. مشيت سريع واجاهلته دخلت بدربونه صغيره ماكدر يدخل بسيارته وراح

_ كملت مشي لحد ما وصلت قريب البيت فحطت بعد ما اكدر امشي .. شفت خالو من بعيد واكف ويا زوج نرمان دنكت وفتت

مؤيد : ها خالي اليوم من وكت راجعه چا ابو حسين وين ما اجاج

روح : ميدري اطلع من وكت

مؤيد : شلون رجعتي !

روح : ويا الخط مال صديقتي .. رفعت راسي شفته يباوعلي بنضره ماعرفت افسرها دخلت للبيت كلبي ياكلني شمعنى كل مره هيج يباوعلي

نجاة : ها اليوم شعجب من وكت

روح : باوعت عليها كاعده هيه وبيبي يسون كليجه تمر كلبي رف ع العجينه اكلها نيه شلت بيدي واكلت منها

الهام : يصير بطنج دود اكعدددي

روح : ليش متخلون دارسين عليها احس طيبه

الهام : شنو تتنسين علينه

روح : وجهي صار احمر شكرتها من ايدي .. بس اشتهيتها

نجاة : من اشويها ارشلج عليها دارسين

روح : اييي ضربت كصتي .. باجر عيد !