على قمة الحكيم ( الجزء الثاني )

البارت الرابع عشر

_ الكاتبة : Duha_al amer 🦋

_ صوتو للبارت بنجمة ✌️

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا.  duu_199 🎶🎶🎶

علقو بجميع الفقرات وصوتو احبكم حييييل

____________________________________

روح : وصلت قريب بيت بيبي .. نزلني هنا ما اريد احد بالمنطقه يشوفني وياك

فاروق : لازم مستعره

روح : حجيت بصوت ناصي وانداريت ع الشباك .. الي يشوفني وياك شيكول كافي نظره الناس عليك

فاروق : ليش شنو كدامج طالع مصلخ بالشارع لو ضارب ركن اصجم بيج

روح : لا بس صديقه بيبي ام حسن جيرانكم تكول عليك مدكدك وسمعتك مو شي

فاروق : مو هاي مقهوره لان حصرت بنتهه وما حصرتهه ضلت حسره بكلبهه يله ع الجايات

روح : باوعتله صفح وبقيت ساكته .. وصلنه باب بيت بيبي فتحت باب السياره ونزلت ركعتها ومشيت خطوتين صاح ورايه

فاروق : اوكفي هاج جنطتج

روح : انداريت عليه شالها من الكشن وشمرها من شباك السياره وكعت بالطين .. شلتهه وتخبلت صحت .. فارررررروق الله ياااااخذك

فاروق : يومج قبل يومي

روح : طبيت للبيت ادبج من القهر ركعت باب البيت وركعت جنطتي بالكاع

الهام : شبيج جنج حصان

روح : مابيه وكعت بالطين

الهام : شنو زعطوطه

روح : حسيت كلبي محروك على الكيكه حيل انقهرت .. بدلت ملابسي وما الي خلك اطلع من الغرفه حطيت راسي ونمت

مر يومين جابر يوديني وجيبني كالب وجهه حتى سلامه ثكيل باليوم الثالث جنت راجعه من الدوام قريب نوصل البيت كال ..

جابر : اختي منا. ورايح عذريني.  ما اكدر اخذج. بعد شوفي خط ثاني

روح :  ليش خاف لان تتأخر عليه مرات عادي

جابر : لا والله بس عذريني. اني مكتفي بخط المدرسه

روح : ليش صدر مني شي

جابر : لا

روح : ما لحيت بعد وصلني للباب يعني باجر ميوديني .. اخذت جنطتي ونزلت من دخلت للبيت ما لكيت بيبي جانت رايحه للسوك شفت نجاة تكول بتها سريلاك سلمت عليها ما جاوبت

_ اكلت شويه وقررت انام دخلت للغرفه سمعت باب الحوش انفتح وصوت العلاليك بيبي طبت ح سيت مشتاقتلهه طلعت مبتسمه .. شلونج بيبي