على قمة الحكيم ( الجزء الثاني )

البارت السادس عشر

   _ الكاتبة : Duha_al amer 🦋

_ صوتو للبارت بنجمة ✌️

_ صلو على الحبيب محمد

_ بسم الله الرحمن الرحيم .

احبكم ❤️❤️

تابعوني بالانستا.  duu_199 🎶🎶🎶

حيل تعبت بهل بارت فرحوني بتعليقاتكم وتفاعلكم فجرو البارت ..

___________________________________

_ دخلت للصاله حجيت بصوت ناصي .. احم نرمااان .. وووينج .. سمعت صوت انسدت الباب التفتت انحبست انفاسي وانسد حلكي رفعني من الكاع ومشى بيه الغرفه دخلني وقفل الباب ..

_ شمرني بالكاع وسد باب الغرفه انهديت عليه اتهسترت من الخوف

_ ووووخرر لتقرب مني .. رفع ايده فاتحهه يهدي بيه

فاروق : اششش ما اقرب اريد اسمعيني

روح : افتح الباب فارررروق لهنا وكافي

فاروق : ما افتحها شسوين

روح : لكيت بطل مال مي بصف الجربايه شلته وضربته بي

فاروق : من اضربين اوجعي لا هيج اصيرين فاهيه

روح : افتتتتح الباب لا اعيط والم الناس عليك .. لزمت كلبي يوجعني احسه راح يطلع من صدري من الخوف

فاروق : اهدي ما اسويلج شي كعدي هنا

روح : اشر على السرير التفتت اباوعله بصدمه هناااا تريد تحجي افتح الباب واحجي بالصاله ليش الا هنا

فاروق : يعني ترضيها يطب واحد ويشوفج كاعده وياي بالصاله شيكولون عليج

روح : لا شلون ارضاها يشوفونه بالصاله خل يشوفونه بغرفه النوم .. راح للجهه الثانيه من صفحه الجربايه وطلع بزون صغير اجه باتجاهي

فاروق : هاي الج

روح : شهكت بفرحه واخذتها منه حضنتها تخبل لونها رصاصي وناعمه خشمها وردي

فاروق : احلى من ذيج البلكه جنها فاره

روح : لتحجي عليها الله يرحمها

فاروق : هم صدك الله يرحمها راحت الدار حقها

روح : كلبت وجهي عليه من اذكرت ذيج البزونه .. خلصت يله افتح الباب اتأخرت هسه الكا نجاة كالبه الدنيا

فاروق : شو تحجين على اختي

روح : مو بس على اختك حتى عليك ثنينكم نفس الطينه متنجرعون

فاروق : لحمنه مر

روح : هوه منو ياكل لحمكم اني اكل طبخ نجاة حتى اكل لحمها .. اجاهل كلامي وباوع على ايدي وكش وجها