اليوم الثاني يوم الجمعه نشت شما و لبست مخوره حمره حلوه و حطت ميكب خفيف و نزلت عسب بتسير بيت يدتها صح ان هي ما تحب اتسير عندهم بس اتسير عسب ابوها و لان هي من زمان ما سارت عندهم سارت ركبت سيارتها و راحت بيت يدتها نزلت
شما بدون نفس: السلام عليكم
اليده : و عليكم السلام امي جيف حالج
شما : الحمدلله
راحت ويلست عند يدتها لان الكل يكرها لانها اتكون بنت شمسه شمسه هاي الانسانه الي اتعذبت في حياتها من خذت سعيد الي هو ابو شما شمسه بنت جميله وايد و مزيونه وخوات سعيد كانو معارضين فكرت زواج سعيد لانهم ما كانو مقتنعين فيه و مب حابيناها لانها جميله و المسكينه كانت علي نياتها بس لانها كانت اتعيش في بيت ابو سعيد لين ما يبنون بيتهم فكانو يبتلون عليها و هي مسكينه مالها خص وي هذاك اليوم كانت بتسير عند اهلها و اول مره عسب اتعرف شما علي خالاتها فا وحده من عمات شما كانت واقفه فشارع الثاني و سوت عمرها تعبانه و تبا مساعده جان اتجوف شمسه ضاهره من البيت هي و بنتها شما جان تزقرها عسب اتعاونها و تي سياره تدعمها و ها كله كان كله تخطيط من عماتها من الكره و الحقد الي فيهم
و كت الحادث
شمسه (ام شما ) : شمو حبيبتي ركبي السياره بسير اساعد عمتج و بي انزين امي فديتج
شما : ان شاء لله ماما
سارت شمسه و هي تسرع في خطواتها الا بمممممم اتي سياره و اتشيل شمسه و طيرها فسما و طيح علي الارض بالقو
عمت شما : شمسه نشي شمسووه عن الدلع
و تتصل علي اخوها سعيد وصل سعيد و شرات المينون و يشيل مرته و يوديها المستشفي و هي خلاص تلقط اخر انفاسها
شمسه : سعييييد
سعيد : امري اتحملي شوي هني المستشفي
شمسه : بنتي بنتي اهتم فيها و لا تخليها في بيت امك
سعيد : شمسه شو هالرمسه انتي مابيستوليج شي شمسه شمسه ردي عليه
و شما شافت كل شي من جامت السياره و علي طول انهارت ما قدرت تستحمل اتجوف امها جي
انرد للواقع
العمه حصه : ها شما شخبارج
شما بدون نفس : كنت بخير
اليده : عيب امي شو هرمسه
العمه شيخه : والله نحن الي كنا بخير و الحين الله يعلم بحالنا
اليده : بسكم لا اذيتو البنت
العمه مزنه : هي نحن كلشي
شما : امايه انا بسير اعاون البنات عسب نحط الصفره
اليده : سيري فديتج
شما و هي تمشي شوي الا بلغلط تدعم في شخص ضخم و طويل
شما : اخخخ
منصور : اسفف السموحه منج
شما : مسموح بس جوف ياريال جدامك
منصور : اووههه شمو شخبارج
شما : بخير الحمدلله
منصور : دوم
جان شما اطنشه وتمشي لان هي مب وايد مع اهل ابوها لان قامت تكرهم كلهم من بعد ما امها اتوفت
منصور فداخله : فديتج انتي و فديت حسج ليش جي اتعامليني والله اني احبج
سارت شما عند بنات عمتها
شما : بنات اعاونكم
ميثه : هي زين انج يتي و لا كنتي تترين بطاقت دعوه
شما : اقول بس لا تكثرين سوالف
وديمه : شمو تعالي شيلي هاي صينيت العيش
شما : حبيبتي وايد ثجيل ما اروم بروحي وحده منكم اتي و تعاوني
ميثه : والله كل وحده سوت شغلها وانتي ما سويتي شي فاشيلي
شما : لا تستعبطين تراها وايد ثجيله
وديمه : مب مشكلتنا
شما : اوك
و سارو البنات يلسو علي الكرسي ، يوم شما ما عرفت شو اتسوي سارت اتصلت في ابوها عسب يساعدها
الكووول
شما : الووو بابا
ابو شما : ها ابويه شو تبين
شما : بابا ما اقدر اشيل صينيت العيش عادي اتي اتساعدني لاني ما ابا اتضارب و يا بنات اختك
ابو شما : انزين ابويه الحين بي
فالميلس :
يو شما : زايد ابويه تعال
زايد يستوي ولد عم شما
زايد : امر عمي
ابو شما : ابويه اسمع ما اقدر اهد الريايل سير داخل المطبخ بتجوف شما ساعدها اتشيل الصينيه
زايد : ان شاء لله عمي
طلع زايد وهو يبا يجوف شما كيف استوا شكلها لان هي من زمان مايت بيت يدتها دش المطبخ و جاف البنات واقفين يتضحكون برع
زايد : بنات في حد فالمطبخ
وديمه بدلع : هي شمو
زايد : هود هود
شما : هدا
زايد : شمو شخبارج
شما : بخير الحمدلله
زايد : من زمان عنج وين اختفيفتي
شما : والله اشغال الدنيا ها انزين شو يغيت
زايد : ياي اعاونج وين الصينيه
شما : ها
زايد : هي ابوج مطرشني
شما : انزين انت من طرف وانا من طرف
زايد :لا عادي اقدر، اشيلها بروحي
شما : لا مايستوي يلا شيل من هذاك الصوب
شلو الصينيه و طلعو و دوه علي الصفره و من جافت وديمه ان زايد شايل الصينيه من شما علي طول عصبت
زايد : تأمرين علي شي
شما : لا شكرا
زايد : عيل يلا مع السلامه
وديمه : انتي اي شو هل دلع بعد اونه ما تقدرين اتشيلينه
شما ببرود : شو اسوي متعوده علي الدلع و هذا وايد ثجيل
ميثه : انتي اي اعرف انج حاطه عينج عليه
شما : علي منو
وديمه : حركات مسويه فيه هبله مب علينا اوك
شما مشت بدون ما اتعور راسها منهم ، و راحت تيلس عن يدتها
شما : امايه انا شوي وبرد بيتنا
اليده : ليش امي توج يايه ايلسي اتغدي ويانا و بعدين اتوكلي
شما : عسب عيونج بتم
عمتها حصه : حبيبتي اتسيرين بيتكم عند منو عند الخدم تيلسين
شما : انتي ليش زعلانه ايلس عند امنو
عمتها حصه : قليلة ادب
عمتها شيخه : شو فيها عادي ترا متربيه علي ايد الخدم
اليده : استحن علي ويهكن شو هرمسه بعد
شما : امي مربتني احسنا تربيه احسن من تربيتج حق بنتج
عمتها مزنه : اييه انتي بقص لسانج ترا لازم تربيت شمسو و الخدم جي تطلع مالت بس
شما و عيونها متروسه دموع : لين هني وبس امي ماترمسين عنها و عن تربيتها الحمدلله ربتني احس تربيه
عمتها مزنه : بنت بس قلت ادب امج متوفيه و الحمدلله متفكين من شرها
شما : و الله الشر انتو مب امي و الله ان رمستو عن امي مره ثانيه والله بكسر البيت عراسكم
عمتها مزنه : اقول اسكتي بس بسج هذربان
شما : انتي منو عسب اتسكتيني اقول سيري ربي بنتج عقب رمسي الي تغاااا .........
وطخخخخخ ايلها كف من عمتها
اليده : شيخه هاي يتيمه ربج قال و ام اليتيمه فلا تقهر انهبلتي شو
طلعت شما و ركبت سيارتها ويلس اتصييح صياح يعور القلب ، كان زايد طالع من البيت و جاف سيارت شما مصكره بس فيها صوت و طبعا الجامات شفافه راح وانصدم يوم جاف شما اتصيح
زايد فتح باب السياره : شما شو فيج ليش اتصيحين
شما وهي اتشاهق : اتخيلل اههه يرمسون عن اميييي
زايد : منو. لا تسوين فعمرج جي لاتصيحي بسج
شما : عماتي مايحبوني انا شو سويت و شو ذنب امي استخفر الله
زايد : شمو بسج مب زين جي اتسوين فعمر ج
شما : انا بسير قول حق ابوي اني سرت العزبه و مابرد الا الفليل
زايد استغرب و مايعرف هي شو يالسه اتقول لان محد يعرف انها اتسير العزبه غير ابوها و يدتها لان عندهم عيب و جي
سارت شما وهي اتسوق بأقصى سرعه عنها و اتصيح فدربها لان من حد ايب طاري امها علي طول تنقع لانها تذكرها و تذكر كل شي كيف اتوفت جدامها
يتبععع.....................
اتمنى عيبكم البارت و لو جفتو ان شي اغطاء او يباله ازيد عليه شي خبرون اتقبل كل الكلامكم و شكرا و طولت البارت لعيونكم
أنت تقرأ
سود العيون
Randomروايه اماراتيه ترمس عن حيات بنت عندها حلم تبا اتحققه و يتصادف صدفه بتغير حياتها بس هل هاي الصدفه بتكون زينه و لا بدمر حياتها بتعرفون كل هذا في الروايه
