دش بو شما و ايده علي قلبه سار فوق عند شما
بو شما : مهره و ين شما وين
مهره و هي كاتمه الصيحه : داخل عمي
زايد تم برع و يا راشد لان ما يستوي يدش اما ذياب و مايد تمو يراقبون وهم مب فاهين شي منو هذيل و لاشي
بو شما : شما بنتي شو ياج
شما بتعب: ابويه جسمي يعورني ما اقدر انش
بو شما : ما عليه ابويه كل كم يوم و بتردين البيت عندي
شما : بابا ما ابا اتم هني ما احب المستشفي
بو شما : ماعليه ارتاحي الحين عقب بنرمس
و طلع بو شما و سار عند مهره
بو شما : مهره بنتي تعالي
مهره : ها عميي
بو شما : شو فيها شما
مهره : طره فضهرها و كسر في ايدها
زايد و هو منصدم : بسم الله عليها من شو
مهره : خافت اتقول فتمت ساكته
بو شما : مهره من شو استوابها جي
مهره و هي متردده و ماسكه الصيحه : اههييي
بو شما : عادي بنتي رمسي ما بغيض عليج
مهره : خبرته كل السالفه
بو شما بعصبيه: انا قلت ان العزبه ما تسيرها و هي عصتني ها يزاتها
زايد و راشد مصدومين من قوت شما و كيف سوت هاكله و من ورا ابوها تموو ساكتين لان ابو شما كان وااايد معصب دش عند شما الغرفه و قال
بو شما بعصبيه و صوت عالي : شما يابنت الكلب
شما بخوف و تعب : شو فيك ابويه
بو شما : عيل انا تيلسين تجذبين عليه اتسيرين من وراي و انا قيلج و دري ولا داشه سباقات بعد يلهرمه صدق ما عرفت اربيج
شما و هي تعبانه : ابويه اسمعني
بو شما : لا تقولين ابويه هاي تربيت شمسه الخايسه
شما بتعب : امي لا ترمس عنها مربتني احسن تربيه
بو شما : اقول جب صدق انج قليلت ادب لا تربيه ولا ادب
شما : ابويه انا ما سويت شي غلط انا سرت ورا هوايتي
بو شما : هوايتج هاي الي سوت فيج جي هوايتج هاي الي بدمر حياتج
و طلع من الغرقه و هو معصبب
بو شما بعصبيه : راشد
راشد : نعم عمي
بو شما : هاي الي داخل ايبها بعدين و ياك انا ما يخصني فيها
زايد :هد عمي ترا الموضوع مايسوا ها كله
بو شما : لا يسوا و لا دخل عمرك في الي ما يخصك
راشد : عمي انت يالس تتخذ قرارات بتندم عليها بعدين
بو شما : نزلها بيت يدتها سمعت ما ابا اجوف وياها خربت سمعتي
و سار مع زايد و تم زايد مصدون ان كيف عمه خلا بنته اتسير مع ريال غريب
انرد المستشفي :
مهره و هي اتصيح و تضربه علي صدره : قتلك قول اي شي كل منك انت ابوها عصب و مادري شو بيسوي
راشد : مهره لا تستهبلين اتخيلي استوابها شي شو بتسوين انتي ها ها جاوبيني
مهره : ابوها مينون بيجتلها ياربيييي
راشد : مهره خلاص اسكتي الي سويته لصالحها
مهره : اووووه بس خلاص انت الصح ارتحت لوضعها الحين جي و لا حد من اهلها عندها
راشد : تم ساكت لان لو رمس بتستوي مشكله
دشت مهره عند شما و يلست عندها و هي ماسكه راسها
شما و هي اتصيح : الحين ابويه اتبرا مني
مهره : شو هرمسه بعد منو قال
شما : هدني وراح
راشد : هود هود
لبست شما شيلتها
راشد : شما شو بلاج لا تفكرين خلاص شوي هو معصب بيهدي و بتنحل المشكله
شما : راشد ابوي اتبرا مني متخيل انت
راشد : لا ماتبرا منج
شما : انت متخيل ان خلاني ارد ويا اخو ربيعتي
راشد : افا شما استويت انا غريب الحين انا الي شرات اخوج
شما : راشد انا مب قصدي شي بس
راشد : ماعليه خلاص لاتيلسين اتصيحي انتي و مهره
مهره : انت ما يخصك
شما : راشد طلعني من هني ما ابا اتم
راشد : برمس الدكتور بس انا اعرف ان مايستوي
شما : ما يخصني طلعني من هني
سار راشد ورمس الدكتور و بعد محاولات قالو ان بيطلعونها و علي مسؤليتهم
نسينا بطلينا طبعا بعد ماياي بو شما هم قررو يردون لان عيب و قفتهم هني بس ماننكر ان كل واحد باله مشغول و يفكر فيهم
انرد المستشفي :
مهره يلا شمو نشي مهره ساعدت شما اتنش و راحو السياره وركبت سارت شما بيت يدتها و مهره ساعدتها اتسير عن يدتها اول ما دشو كان منصور هناك و يا يدته يسولف
اليده بخوف : شمو شو فيج من مسولج شي تعالي
مهره : امي توها راده من المستشفي
اليده : ويه بسم الله بنتي تعالي
سارت شما و يلست عند يدتها و منصور يالس مصدوم و مهره راحت بيتهم و يا راشد
شما وهي حاطه راسه علي جتف يدتها و تصييح
اليده تمسح علي راسها : شو فيج حبيبتي
شما يالسه اتصييح
اليده : جسمج يعورج
شما : اهيهيهيهي هي اميييييييه
منصور : شما شو فيج تصيح و ليش مجبسين ايدج
اليده : منصور اسكت خلني اجوف بلاها
شما و هي تصيح و تشاهق : اميي يييه ابويه ما يبانيييي
اليده : بسم الله ليش امي شو سويتي
شما : اهيييييي كل عسب ركبت الخيل
اليده : ماعليه حبيبتي انا برمسه اتري الحين انا بيبلج دوا لا تتحركين فديتج
سارت اليده و شما ما تقدر تتحرك لان شي طره فضهرها يلست مسانده علي الكرسي و منصور قلبه يعوره علي حالتها و يبا يعرف شو فيها
منصور : شما بسج صياح ترا انتي يالسه اتعورين قلبج
شما اتصيح و لا معبرتنه
منصور : شما يالس ارمسج بس خلاص ترا ما يفيدج
شما بصراخ وعصبيه : خلاص انت ما يخصك انت ماتحس فيه اوووف اف تعبت والله تعبت
اليده : بنتي شو ياج ليش اتناعرين
شما و هي اتشاهق: امي ابا اسير انام
اليده : تعالي الحين دقيقه
سارت زقرت الخدامه لان هي بروحه ما تقدر تمشي يت ساعدتها و ودوها الغرفه
اليده : شمو حبيبتي انتي شو فيج
شما : كسر و طره فضهري
اليده : ويه بسم الله عليج ما عليه بتستوين بخير
راحت اليده و تمت شما فلغرفه بروحها بعد ما هدت شوي الا تلفونها يرن و كانت مهره
الكول :
مهره : شمو فديتج انتي بخير
شما : مهره انا تعبت
مهره : حياتي انتي ما عليه اتحملي
شما :اتخيلي اني كنت بموت و ابوي هداني بروحي
مهره : ماعليه فديتج انتي قويه
شما : خلاص تعبت ما اقدر
مهره : يلا سيري رقدي و رتاحي الحين ولا تنسين اذكارج و باجر بي بمر عليج بنسير عند الدكتور
شما : ان شاء الله
رقدت شما في بيت يدتها و هي تعبانه انروح عند ذياب كان مخه مب معاه مخه مبند و كل تفكيره فيها لو هي بخير ولا لاء
في بيت ذياب :
كان يالس و يا اخته فصاله يجوفون فلم
عاشه : ذياااب ذيااااب ذااااب
ذياب : ه نعم
عاشه : ذيابووو وينك يالسه ارمسك من الصبح و انت ساحب عليه شو فيك
ذياب : اووو قولي شو ما فيني شي
عاشه : قول حبيبي يمكن اقدر اساعدك
ذياب : انعجبت فوحده و حبيتها و تمت فخاطريه
عاشه : ما عرفت يل عاشق اللولهان
ذياب : بتيسين تطنزين ما بخبرج ها
عاشه : سوري سوري ارمس
ذياب : المهم مره جفتها طالعه برع عزبتهم بخيلها و من سبتها الفرس لحقتها و قالها الي استوا بعدين
عاشه : حلو كمل
ذياب : انزين دشت سباق فلات ريس و طاحت و راحت المستشفي و طلع فيها كسر و طره فضهرها لانها انضربنت فطرف الحديده
عاشه : اووووف حراممم شو حالتها الحين
ذباب : الي اعرفها انها بخير بس حالتها مب مستقره
عاشه : الله يساعدها عورت قلبي مسكينه
ذياب : انزين بروح انا يلاااا
اليوم الثاني كان اليمعه و كل العايله اتكون موجوده هل يوم شما طبعا كانت ناشه الصبح و سارت الدكتور ويا مهره و ردت بيت يدتها و كل عماتها هناك
بتبعععععع..........
أنت تقرأ
سود العيون
De Todoروايه اماراتيه ترمس عن حيات بنت عندها حلم تبا اتحققه و يتصادف صدفه بتغير حياتها بس هل هاي الصدفه بتكون زينه و لا بدمر حياتها بتعرفون كل هذا في الروايه
